Krizzzublogg

Jólasveinagjafaminnismiði

2010-12-16T21:26:00.004Z

Já.... sorry bloggleysið.... hér kemur blogg sem er eiginlega online-minnismiði, hvað gáfu jólasveinarnir.... mér finnst svo gaman að lesa hvað þeir gáfu í fyrra að ég ákvað að skrifa svona aftur á þessu ári, og kannski þá að muna að skrifa hvað allir jólasveinarnir gefa ekki bara fyrstu sveinarnir :þ

Stekkjastaur kom fyrstur, kom á sunnudagsmorgni.... Ingibjörg fékk Littlest Pet shop tuskudýr... hvítt sætt lamb :o) Þorlákur fékk Lego, bláan kappakstursbíl.

Giljagaur kom annar og færði systkinunum töfra-þvottastykki.... svona agalega spennandi kubb sem settur er í vatn og þenst þá út og verður að þvottastykki :þ Öskubuska og Leiftur McQueen

Stúfur hét sá þriðji.... færði Ingibjörgu Littlest Pet shop sæhest, sægrænan og bleikan, vakti mikla lukku.... Þorlákur fékk lítinn Lego pakka, kall og steypuvél :þ

Sá fjórði, Þvörusleikir færði þeim 2 sokkapör, hún fékk bleikt par og röndótt og hann fékk grátt sokkapar og röndótt... Benetton sokkar :þ

Sá fimmti, Pottaskefill... færði Ingibjörgu Littlest Pet shop svartan sætan fugl með röndóttan gogg (hafiði tekið eftir því að Ingibjörg er rosalega hrifin af Littlest Pet shop hehhe) og Þorlákur fékk Lego pakka með slökkviliðskalli og fylgihlutum

Sá sjötti Askasleikir færði Ingibjörgu Lancome varagloss en færði Þorláki 4 pakka af HM fótboltaspjöldum

Sá sjöundi Hurðaskellir færði henni stærri Littlest Pet Shop pakka með bleikri mús, gráum ketti, innkaupakörfu og fylgihlutum en Þorlákur fékk Iron Man 2 fígúru

Sá áttundi Skyrjarmur færði systkinunum jólanáttfötin, hann fékk svört með Lego Star Wars myndum en hún fékk auðvitað bleik með prinsessumyndum.

Sá níundi Bjúgnakrækir færði systkinunum nærskyrtur, hún fékk 2 Hello Kitty nærskyrtur en hann fékk 3 nærskyrtur með hundamyndum

Sá tíundi Gluggagægir færði Ingibjörgu og Margréti hvítar sokkabuxur með gatamunstri og færði Þorláki 3 pör af svörtum sokkum.... þau fengu líka 1 pez lengju hvort

Sá ellefti Gáttaþefur færði Ingibjörgu fjólubláan Littlest Pet Shop bangsa en færði Þorláki 4 pakka af HM fótboltaspjöldum

Sá tólfti Ketkrókur færði Þorláki 3 Ben 10 nærbuxur en hann færði Ingibjörgu 7 Skellibjöllu nærbuxur

Sá þrettándi Kertasníkir færði systkinunum öllum jólaengil til að hengja upp, ÞS og IS fengu grænan og gylltan en MS fékk bláan og gylltan. ÞS og IS fengu líka 2 pez lengjur hvort

Smá fréttir.... af gullmolunum þremur

2010-06-03T10:57:00.002Z

HæHæ
Var að lesa svo skemmtilega lýsingu móður á drengjunum sínum (Anna Björg frænka Sigga var að skrifa) þannig að ég ákvað að gera eins :þ

ÞORLÁKUR
er algjörlega yndislegur drengur. Hann er hörkutól en samt svolítið lítill í sér þess á milli. Honum finnst voða gaman í leikskólanum en á engan sérstakan besta vin, leikur sér bara við alla. Hann getur verið feiminn en tekur svo upp á því að vera sjálfstæður.... hann valdi sér t.d. orðið Prakkari um sjálfan sig fyrir útskriftina í leikskólanum og var svo montinn því að hann var sá eini sem valdi þetta orð :o).
Hann er búinn að vera að læra dans í vetur, með Ingibjörgu, þriðji veturinn þeirra og sá síðasti hjá honum allavegana í bili, ég þurfti að múta honum alveg svakalega til að ná honum á vorsýninguna í dansinum og þá held ég að tilgangurinn með þessu sé farinn :þ En hann fór glaður og hrikalega spenntur á vorsýninguna í fimleikunum, þar finnst honum hrikalega gaman.
Hann er ekki að ná sama árangri í fimleikum og Ingibjörg enda var hann með kolómögulegan kennara í haust sem ýtti þeim ekkert áfram :S (kennarinn er hættur að þjálfa) og fór svo að æfa hjá nýjum kennara í vor og vonda mamman flutti hann svo í annan hóp, hjá sama kennara, til að hann væri að æfa á sömu dögum og Ingibjörg (þá er ég í anddyri Salalaugar 2x í viku en ekki 3x í viku hehehe). Nú æfir hann með strákum sem eru allir byrjaðir í skóla nema Þorlákur og einn annar... pínu erfitt fyrir feiminn strák en honum finnst þetta mjög gaman og vill halda áfram :o)
Hann er mjög spenntur fyrir skólagöngunni næsta vetur, búinn að ákveða að þetta verði gaman, hann vildi alls ekki fara í skólann í jan/feb en svo lagaðist það :þ
Hann er mjög ákveðinn og verður hrikalega mikið sár ef einhver brýtur á honum eða er ósanngjarn við hann en finnst ekki mikið mál þó einhver meiði hann ef það er óvart.
Ég kalla hann stundum litlu lögguna mína, hann á það til að reyna að fá mig til að siða önnur börn til ef þau fylgja ekki réttum reglum og ef ég bið hann að fylgjast með einhverjum (t.d. passa að sá sem hann er að leika við fari ekkert) þá tekur hann því hlutverki mjög alvarlega... ég er nánast alveg hætt að biðja hann um svoleiðis eftirlit svo hann nái að leika sér :þ
Hann er mjög góður við Margréti litlu systur, fékk t.d. í morgun að fara með hana fram að kubba eftir að þau voru bæði vöknuð og við Siggi fengum að kúra áfram :D og hann og Ingibjörg leika mjög vel saman.... almennt :þ
Hann er farinn að prófa aðeins að leika sér í fótboltaleik en langar ekki að æfa fótbolta og honum finnst voða gaman að kíkja til vinar síns í næstu götu ef stelpan á efri hæðinni kemur í heimsókn til Ingibjargar :þ

INGIBJÖRG
er algjör gullmoli. Henni finnst mjög gaman í leikskólanum, á þar góðar vinkonur sérstaklega bestustu vinkonuna hana Malen Ósk sem verður með henni í bekk í Lindaskóla næsta vetur. Hún er búin að vera að læra dans og fimleika í vetur, þriðji dansveturinn og sennilega sá síðasti í bili... henni finnst allt í lagi að dansa en ekkert sérstakt, var farin að láta eins og kjáni í tímum og ég þurfti að pína hana smá til að mæta :þ
En fimleikarnir eru allt annað mál. Þar finnst henni æðislegt. Þetta er annar veturinn hennar í fimleikum, í fyrravetur voru þau í krílahóp en í ár voru þetta meiri fimleikar. Hún er víst í fimleikaleik í leikskólanum líka enda sést það á árangrinum. Hún er svo ákveðin að ef hún ætlar sér eitthvað þá æfir hún sig þar til hún nær því. Náði á þriðjudag (1. júní) að klifra upp í topp á kaðli í fimleikasalnum (mamman horfði á, pínu hrædd :þ) og svo niður aftur eins og ekkert væri.... í staðinn fékk hún að hringja bjöllu í salnum og þá klöppuðu allir í salnum fyrir henni :D
Ingibjörg er mjög ákveðin, í leikskólanum fer víst ekkert fyrir henni en hér heima á hún til að bíta í sig þrjósku (hvaðan fær hún það barnið???) og getur lokað sig inni á herbergi í fílu í ótrúlega langan tíma, en svo er allt í góðu þegar það er búið.
Hana hlakkar til að byrja í skóla í haust, enda með Þorláki bróður sínum og Malen bestu vinkonu í bekk :o)
Hún er mjög góð við systur sína, leikur sér mikið við bróður sinn hér heima og þau eru oftast góðir vinir.
Henni finnst rosalega gaman að kríta og að skrifa stafi 0g auðvitað að perla.

MARGRÉT
er litla kraftaverkið okkar, orðin 8 mánaða gömul. Hún er algjörlega yndislegur gullmoli og er mikið knúsuð af öllum í fjölskyldunni. Hún er mjög brosmild og glöð og grætur ekki nema að það sé eitthvað verulega að, þ.e. vantar nýja bleyju, er svöng eða þreytt.... og svo er hún nýbyrjuð að geta orðið ógurlega móðguð ef ég tek eitthvað af henni :þ
Hún er mjög dugleg (en ekki hvað :þ) Löngu farin að sitja og toga sig áfram á maganum, fór svo að toga sig áfram á rassinum og skríður núna á (stundum aðeins of hratt fyrir systkinin hehehe) með annað hnéð í gólfi og aðra ilina í gólfi :þ Svo fór hún að standa upp fyrir ekki svo löngu síðan sem veldur smá vandræðum þegar hún á að sofna á kvöldin... það er miklu skemmtilegra að standa en að sofa :þ
Ég er á fullu í því að kenna henni hvað allt heitir... voða mikil örvun :þ og það skilar árangri. Sagði við hana í síðustu viku "hvar er bangsi" og hún brosti og skreið að bangsanum sínum :D svo ótrúlega klár og bráðþroska (eins og öllum finnst um sín börn). Svo kann hún að rúlla bolta á milli (hef vitni að því!!!) vinkar bless, sýnir hvað hún er stór og klappar og segir eitthvert hljóð (hljómar eins og VEI sem ég segi en er ekki vei :þ). Svo segir hún mamma (bara spari en horfir oft á mig og segir það :þ) og ammnamm og baba.
Í gær lærði hún svo að segja hvað hesturinn segir, ég segi hneggi hljóð og hún segir það líka :þ.
Henni finnst alveg rosalega gaman að hitta annað fólk, og þá helst krakka.... sem er jafn gott þar sem hún er 2x í viku í 1,5-2 klst í anddyri Salalaugar að bíða meðan systkinin eru í fimleikum. Þar finnst henni voða gaman að vera enda fólk stanslaust að koma og fara en best er þegar við megum horfa inni í sal (fyrstu viku hvers mánaðar). Þá fær hún að horfa á krakkana æfa fimleika og skríða á gólfinu, rosa fjör.

Jæja.... nóg í bili um þessar dásemdir okkar Sigga
Kannski nennti einhver að lesa allt en ef ekki þá geta þau kannski lesið þetta sjálf þegar þau verða stærri :þ
kv
Kristín stolt þriggja barna móðir :D

Meira jólasveina

2009-12-21T20:50:00.004Z

Bjúgnakrækir kom færandi hendi með 5 skrímslanaríur handa gaurnum og 5 ballerínunaríur handa prinsessunni :o)

Gluggagægir mætti með náttföt, star wars handa afskaplega ánægðum dreng og barbie handa sælli stúlku :o)

Jólaundirbúningur gengur bara vel... kláruðum að gera jólaísinn í gær, ömmu Dúu ís (vanilluís) og tobleroneís líka :o) Keypti líka skírnarservíettur, kerti og smá skraut fyrir skírnina í gær.

Farin að sauma
kv
kr.e.

jóla jóla

2009-12-19T21:03:00.002Z

Askasleikir færði þeim ljómandi fín tattoo... hún fékk álfadísir með svakalega fína vængi en hann fékk mörg mismunandi, flest með eld, hauskúpur, dreka eða þess háttar :þ

Hurðaskellir kom færandi hendi með sitt hvora mandarínuna og sitt hvora límmiðaörkina... annað fékk Sollu stirðu límmiða en hitt fékk Íþróttaálfs límmiða... giskið hvort fékk hvað :þ

Skyrgámur var hæstánægður með skyrið sem systkinin gáfu honum.... dreifði reyndar úr því út um allan glugga en samt :S hann fékk R2D2 pez kall og 5 pör af svörtum sokkum fyrir jólin... hún fékk Pocahontas pez kall og þrennar nælonsokkabuxur fyrir jólin :o)

Bjúgnakrækir kemur í nótt... með???

Annars gengur allt vel hér fyrir jólin... eftir að kaupa eina jólagjöf, klára að sauma eina, klára að pakka einni... kortin öll farin nema þau sem fara ekki í póst... bakaði eina sort af smákökum í viðbót í dag.
Á morgun eða mánudag þarf að fara í að kaupa servíettur, kerti og þess háttar fyrir skírn Margrétar (sem verður 27. des) og þyrfti að prófa að gera hvítt marsípan (sem er alls ekki marsípan en samt kallað þetta). Ætla að reyna að redda skírnartertunni sjálf :þ

Farin að éta nammi og horfa á eitthvað í imbanum.... Siggi á jólahlaðborði Gogogic, ég fer bara með á næsta ári... borgar sig ekki að mæta með litlu Margréti með sér.. þá væri ég bara stressuð og hún þar af leiðandi pirruð :þ

kv
Krizzzzzzza

Jólasveinarnir

2009-12-16T18:23:00.002Z

Stúfur kom þriðji og færði þeim systkinunum 2 jólastjörnur og jólalímmiða í glugga :o)

Þvörusleikir kom fjórði með playmó handa stóru systkinunum... hann fékk víking og hún fékk regnboga-dís.

Pottaskefill sá fimmti, átti 2 sippubönd í pokanum sínum handa Þorláki og Ingibjörgu.

Spurning hvað Askasleikir finnur í sínum poka :þ

Margrét hefur ekki enn sett sinn skó í gluggann... enda skilur hún lítið í þessum jólasveinum þetta árið :þ

kv
Krizzza

JólaJóla.....

2009-12-13T10:57:00.002Z

HæHæ
stutt blogg.... ekki beint jólalegt úti þó nú sé 13. desember, 9 stiga hiti og reyndar ekki rigning núna en allt frekar blautt :S
Komin með jólaseríur í barnaherbergisgluggana og stofuna og jólastjörnu í eldhúsgluggann... verða að henda upp fleiri seríum til að fá smá jólastemningu :o)
Margrét dafnar vel, svo dugleg þessi litla snúlla. Hún er farin að sofa allar nætur, vaknar oftast um kl 7 til að drekka :o) og sofnar þá aftur. Er hætt á magalyfinu og farin að brosa og brosa og spjalla svo mikið við okkur, líður greinilega betur. Hún er svo sterk að sitja, gæti setið sjálf ef hún hefði jafnvægi en er ekki eins klár á maganum, enda bakflæðisstelpa... en þar sem bakflæðið er að skána þá er henni hent á bak og maga stanslaust til að styrkja hana.

Smá um jólasveinana, Stekkjastaur kom fyrstur, aðfaranótt laugardags og færði þeim stóru bangsímon og félaga súkkulaðimola... rjómasúkkulaði og hvítt súkkulaði og það kom í ljós að þeim finnst hvítt súkkulaði ekki gott :S eins og vel flest annað nammi :S vilja helst bara súkkulaði og ekkert vesen :þ
Giljagaur kom annar og var verulega hugulsamur, færði Þorláki 3 pör af Ben 10 sokkum sem vakti mikla lukku (hann er skyndilega voðalega hrifinn af Ben 10, veit ekki af hverju) og Ingibjörg fékk þrjú pör af Hello Kitty sokkum, með vetrarmyndum :o) og var jafn vel tekið og Þorláks sokkum.

Búin að baka 3 sortir, kókostoppa, rístoppa og smjörkökur og mamma sendi kókoshringi, piparkökur, mömmukökur (sem ég bakaði með henni), loftkökur og hvíta og brúna tertu og svo tók ég þátt í laufabrauðsgerð fyrir norðan í lok nóvember :o). Lilla sendi okkur kleinur :D sem eru svo góðar.
Farin að gera eitthvað gáfulegra, í dag á að baka, þrífa, þvo þvott, pakka inn jólagjöfum og skreyta (á bara eftir að kaupa 3 gjafir og aðeins í ábót handa Sigga :o) ).
kv
Kristín

:D

2009-11-03T11:28:00.003Z

Er afmælisstelpa :o)

og líka svona rík

Loksins....

2009-10-28T13:03:00.003Z

Halló Halló.... já það var sko kominn tími á að efsta færsla á þessari bloggsíðu hætti að vera óléttumynd af mér hehehe enda Margrét orðin rúmlega 6 vikna gömu.
Það er búið að vera nóg að gera hjá okkur að læra inn á litlu konuna okkar en þetta er allt að koma... enda er hún svo yndisleg :o)
Margrét er búin að vera með smá magakveisu, fékk Minifom dropa við því en fékk svo líka bakflæði og hætti þá á Minifom og fékk Gaviscon magamixtúru í staðinn... sem varð til þess að þegar hún vakir þá brosir hún og er ánægð, grét ansi mikið þegar hún vakti fram að því.
Hún sefur rosalega vel, nær oftast 5-7 tíma samfelldum svefni á næturnar og um 3-4 tíma lúr í vagninum á daginn og sefur nokkra 1-1,5 tíma lúra þess á milli. Eðlilega vill hún drekka ansi oft milli lúra þegar sefur svona lengi, en almennt er samt ekki minna en 2 klst á milli þess sem hún drekkur.
Sem sagt algjör gullmoli :D
Stóru systkinin taka henni mjög vel... Ingibjörg þurfti reyndar ansi mikla athygli fyrstu rúmu vikuna en það er orðið allt annað núna. Þau systkinin hafa meira að segja svæft Margréti í vagninum meðan ég var að elda, ekkert smá góð við litlu systur.

En hér kemur fæðingarsagan... þau sem ekki nenna að lesa hoppi yfir næsta kafla :þ.
Á mánudegi, rúmri viku áður en Margrét fæddist fékk ég reglulega samdrætti, rauk í að taka til í tösku fyrir mig á spítalann og kláraði að undirbúa skiptitöskuna... eftir 3 klst hætti allt og svona hélt þetta áfram í um viku... endalausir undirbúningsverkir en ekkert gerðist. Á fimmtudegi var allt í rólegheitum (10.sept). Fór með Möllu systur á mömmumorgun í Bústaðakirkju, smá þvæling í Smáralind og fleira svoleiðis, ætlaði í heimsókn til Guðnýjar vinkonu minnar að hitta litlu prinsessuna hennar en ákvað að fara frekar næsta dag enda ekkert planað þann dag. Um kvöldið fór Siggi í fótbolta (eins og alltaf á fimmtudögum), fótboltinn byrjar kl 21 og hann af stað aðeins áður. ca 5 mínútur yfir 21 byrjuðu undirbúningsverkir að ég hélt... eina ferðina enn. Ég lagði mig bara upp í rúm og tók því rólega en verkirnir urðu smám saman kröftugri. Fór á klóið um kl 22 (sagði þeim sem vilja ekki lesa um svona að hoppa yfir þennan kafla hehehe) og ætlaði bara ekki að komast upp í rúm aftur fyrir verkjum. Hringdi í Sigga til að biðja hann að koma heim um kl 22:20 en þá var hann bara rétt ókominn heim (þeir fara vanalega í pottinn eftir fótbolta en ekki þetta kvöld). Svo hringdum við niður á fæðingardeild og ákváðum að kíkja í smá tékk til þeirra svona fyrir nóttina, Þorgerður systir brást vel við og mætti á staðinn til að fylgjast með stóru börnunum (takktakk elsku stóra systir :o) ). Við þrjú reiknuðum öll með að ég færi í smá tékk og kæmi svo aftur heim... tókum ekki bílstólinn með :þ. Vorum mætt á LSH kl 23:15, beint í vaktaskipti hehehe og beðan við biðum eftir ljósunni okkar þá fékk ég samdrátt og heyrði svo tvo smelli og vatnið fór að leka. Svo ætlaði ljósan að skoða útvíkkun en fann ekkert af því að leghálsinn var svo aftarlega (eða eitthvað þannig) og það var hrikalega vont :S.... þannig að við vorum færð inn á fæðingarstofu og létum Þorgerði vita að hún þyrfti að gista (fyrst vatnið fór af stað). Samdrættirnir urðu fleiri og fleiri og nánast ekkert hlé á milli... stóð við rúmið (sem var hækkað upp fyrir mig) og andaði að mér hláturgasi meðan samdrættirnir stóðu yfir... og ljósan og Siggi nudduðu á mér mjóbakið.
Næst þegar tékkað var á útvíkkun var hún orðin 10 (og ég ekkert smá glöð með það :þ) og ég mátti fara að rembast... vildi fyrst komast upp í rúm, svo gamaldags hehehe. Þar sem þetta gekk allt svo hrikalega hratt þá fór púlsinn hjá litla barninu að lækka, ég gerði mér ekki grein fyrir því fyrr en það voru komnar 2 aðrar konur þarna inn til okkar. Þetta var alveg hrikalega vont en svo heyrði ég einhverja þessara kvenna minnast á að kalla í barnalækni og þá rauk í mig þvílíkur kraftur... ég vildi ekki heyra það að fá barnalækni eða koma nálægt vökudeild... þannig að litla Margrét kom út í tveimur rembingum (það var ekki einu sinni farið að sjást í kollinn). Hún var ansi hvít en ég fékk hana í fangið og þær nudduðu hana og þá kom þetta allt hjá henni :o) og Siggi fékk að klippa naflastrenginn.
Margrét fæddist kl 00:39 :o) og fylgjan nokkrum mínútum síðar. Við vorum svo á fæðingarstofunni, áttum að fara á Hreiðrið eftir þar en þar var allt fullt en laust eitt herbergi sem er milli fæðingargangs og Hreiðurs og þar var rúllað inn rúmi fyrir Sigga og við fengum að vera þar (og ég vaknaði í hvert skipti sem lyftan hreyfðist hehehe). Morguninn eftir var ég lítið sofin en Siggi og Margrét sváfu vel. Siggi skaust svo heim eftir bílstólnum og ég beið eftir barnalækni sem þarf alltaf að skoða börnin áður en farið er heim. Við vorum svo komin heim um kl 11 þann 11. september, innan við 12 tímum frá því að við mættum á spítalann.
Það var ljómandi gott að komast heim í sitt rúm og sofna þar.
Margrét var 3410g (tæpar 14 merkur) og 47 cm þegar hún fæddist.
Margrét var strax dugleg að drekka hjá mér, tók brjóstið vel og stóð sig eins og hetja í þessu öllu :þ engin sár ennþá og hún að verða 7 vikna :D

Margrét var svo nefnd 13. september og fékk nafnið Margrét Sigurðardóttir, alnafna mömmu :o) Þorlákur fékk að hringja í ömmu og segja henni fréttirnar og Ingibjörg hringdi svo í ömmu Ingibjörgu og sagði henni nafnið.

Jæja... þá er fæðingarsagan komin hér inn, loksins, og ég get farið að blogga oftar og styttra í einu, vildi ekki skrifa neitt fyrr en fæðingarsagan kæmi með.
Farin að ganga frá þvotti, Margrét sefur úti :D við mæðgur fórum áðan í göngutúr.
kveðja
Kristín E.

Ný mynd

2009-08-30T09:33:00.003Z

Við hjónin fundum loksins græjuna til að tæma kortið á myndavélinni.... þannig að hér kemur ný mynd. Myndin var tekin 24. ágúst, þá var ég komin 37 vikur á leið með gormus.... 38 vikur á morgun :þ

Heyrumst
kv
Kristín E.

MYND :þ

2009-08-05T21:29:00.003Z

Ein mynd fyrir ykkur sem ekki eruð á facebook... þessi mynd var tekin í Heiðmörk 2. ágúst, þá var ég komin 33vikur og 6 daga á leið með litla gorminn okkar :o)

Mæðraskoðun

2009-08-05T19:26:00.002Z

HæHæ..... stanslaus blogg :þ og bara Malla systir sem les heheheh

Í morgun var mæðraskoðun og allt leit vel út.... reyndar svolítið blóðlaus en í kvöldmatinn var soðið slátur, kartöflumús, léttsoðnar gulrætur og brokkolí og vatn með og svo appelsína í eftirmat.... allt til að auka járnupptökuna úr slátrinu og brokkolíinu :þ

Blóðþrýstingurinn fínn auðvitað og bjúgurinn sem birtist um daginn er nánast horfinn :o) Gormurinn á haus, hausinn á réttum stað en ekki skorðaður enn.

Legbotninn aðeins yfir meðaltali eins og frá byrjun þrátt fyrir að ég heyri oft að ég sé "svakalega pen" heheheh

Jæja.... spurning hvað sé langt í næsta blogg :þ
kv
Kristín E.
34v 2d

úbbbbs

2009-08-03T16:37:00.003Z

Var ég ekki að lofa að blogga almennilega í byrjun júní... og síðan hefur ekkert gerst :S
Þá bara blogga ég núna og lofa engu um framhaldið, kemur bara í ljós.

Sumarfríið hans Sigga klárast á morgun, hann tók fyrst 1 viku í frí og svo rúma viku :þ geggjað eða þannig, ég vildi helst að hann tæki 5 vikur samfleytt en það gekk ekki. Þorlákur og Ingibjörg voru í 4 vikna fríi sem lýkur á morgun, þau mega mæta í leikskólann eftir hádegi á morgun og eru orðin afskaplega spennt að hitta alla vinina aftur.
Fyrstu sumarfrísvikuna vorum við hér heima, máluðum m.a. pallinn, garðhúsgögnin og ruslatunnuskýlin fyrir húsfélagið og höfðum það afskaplega gott. Svo fór Siggi að vinna, ég í skoðun á mánudegi og skellti mér svo norður með börnin og pabba á þriðjudegi, keyrðum alla leið í Mývatnssveit. Ferðin gekk vel og gott að þurfa ekki að japla á sjoppufæði, ég var búin að smyrja samlokur og var meira að segja með kaffi á brúsa fyrir pabba... sem vakti lukku :o)
Yndislegt í Mývó auðvitað, þó ég hafi lítið getað gert með börnunum, annað en undanfarin ár. Helga Margrét var barnapían mín og var afskaplega dugleg með þau úti í drullubúi en svo voru þau orðin svo sjóuð í þessu öllu og búin að læra á Skufsu (hundinn hans Kára í Garði) að þau gátu bara verið ein úti. Helga fór líka með mér í sundferðir, munur að hafa aðstoð :o).
Gilli mágur fór með þau á Hverfjall, sem þeim fannst ekki slæmt, og svo var eitt stykki ættarmót þar sem afi Einar tók þau með í langan göngutúr með ættingjunum meðan ég sat og beið með þeim sem ekki voru gönguhæfir.
Svo kom Siggi og þá var meira synt auðvitað en svo skellti hann sér til Húsavíkur á golfmót og við sóttum hann 2 dögum seinna og fórum þar í sund (alltaf í sundi :þ). Vorum svo 2 nætur í Mývó í viðbót, og náði Siggi að fara með börnin og afa Einar í Dimmuborgir og gistum svo eina nótt á Húsavík þar sem við hittum m.a. langömmu barnanna (Öddu ömmu) og nýjasta ættingjann, hann Daníel Snæ sem fæddist 13. júlí.... ekkert smá sætur og stór strákur, heilir 56cm og þar með 15cm lengri en þegar Ingibjörg fæddist hehehe. Siggi er ömmubróðir Daníels Snæs.
Svo komum við okkur heim í blíðuna, búið að vera ansi kalt í Mývó þó það hafi lítið truflað okkur, svolítið spes að lenda í hagléli og horfa á snjó í fjöllum í júlí.... en það var ekki svo slæmt á daginn þangað til það fór að rigna :þ
Verslunarmannahelgin bara róleg, fórum í bústaðinn til Didda og Sigynar á laugardag, sátum þar í 4 tíma í sólbaði meðan börnin léku sér við Diddana þrjá, fengu m.a. að vaða langt út í Álftavatn og sulla í vatninu úr heita pottinum og Sigyn skellti í vöfflur sem við borðuðum úti. Það var svo gaman að ÞS og IS vildu helst fara aftur næsta dag. Í gær, sunnudag, fórum við hins vegar í Heiðmörk og höfðum það huggulegt í sólinni með nesti.

Í dag er ég komin 34 vikur á leið, jafn langt og þegar Þorlákur og Ingibjörg fæddust og litli gormur ekkert að fara að láta sjá sig.... enda svolítið meira pláss fyrir eitt barn í minni bumbu en tvö börn. Hins vegar er það auðvitað heilmikill áfangi að ná þessum degi :D ekki síst þar sem ég er búin að vera stillt og prúð að gera ekkert í heilar 8 vikur núna!!! sem er mun erfiðara en það hljómar.
Nú fer maður að gera klárt fyrir nýja barnið, búin að kaupa kommóðu fyrir fötin hans Þorláks þannig að skiptiborðið losnar fyrir dúllufötin og þá verður hægt að fara að þvo þau og dúllast í því. Lítið verður keypt nýtt fyrir þetta barn þar sem nóg er til af fötum og fullt af yndislegu fólki í kringum okkur sem er tilbúið að lána okkur ýmislegt.
Ég er reyndar búin að kaupa litla sæta sæng og ætlaði að kaupa snuddur en þær eru allar ýmist bleikar eða bláar í pakka þannig að það verður bara keypt þegar gormur litli fæðist. Svo þurfum við að fá að máta bílstólinn sem við fáum lánaðan í bílinn okkar og sjá hvort það gangi ekki og barnavagninn í skottið... þetta kemur allt.

Jæja... orðin þreytt í höndunum á að teygja mig í lyklaborðið, bumban orðin svo stór og ég ligg í sófanum með tölvuna á lærunum.

Kannski blogga ég aftur í vikunni.... KANNSKI :þ
kv
Kristín
og 34 vikna bumbugormur

Nýjustu fréttir

2009-06-09T17:46:00.002Z

HæHæ....
mín bara bloggóð þessa dagana hehehe.... eða ekki en þetta er samt framför :þ
Þessa dagana sit ég aðallega hér heima í rólegheitunum, fór í 50% vinnu í síðustu viku í heila 3 daga og svo var smá vesen um helgina, búið að blæða pínusmá af og til í um 2 vikur en svo kom aðeins meira um helgina og þá varð ég stressuð og kíkti við á Landspítalann.... allt í góðu með gorminn og leghálsinn en ekkert annað að gera en að taka því verulega rólega og hætta að vinna.
Pínu snemmt að hætta að vinna þar sem enn eru rúmir 3 mánuðir í litla gorminn en maður tekur enga sjensa þegar væntanlegt barn á í hlut og því verð ég bara stillt og prúð í allt sumar með tærnar upp í loft :þ Er dugleg að lesa, slappa af, bögga Möllu og Össa með heimsóknum (eða aðallega litlu Álfhildi Ester :þ) og enn bara kominn dagur 2 í veikindaleyfi hehehe þetta venst.
Ég má alveg hreyfa mig, gleymdi að spyrja hvort ég megi fara í sund en kemst að því á morgun. Ætla að vera dugleg að fara á fætur á morgnana og brjóta saman þvott og svoleiðis, kannski í stutta göngutúra og svo bara lesa, sauma og þannig.
Allar heimsóknir vel þegnar :o) og ætla að vera dugleg að kíkja annað... hverjir eru heima á daginn??? Hringi allavegana í Þórdísi þegar ég veit að hún verður komin heim frá Svíaríki :þ.

Börnin stillt og prúð, Siggi duglegasti eiginmaðurinn eins og alltaf og sér um heimilið, innkaupin, þrifin og börnin :D enda ætlum við ekki að verða vökudeildarforeldrar aftur, ekki spennandi titill :þ

Jæja... heyrumst...
ætla að reyna að verða ekki tölvufíkill í veikindaleyfinu þannig að ég lofa ekki örari bloggum :þ
kv
Kristín
26 vikur búnar :o) og gormur á fullu í að sparka og minna á sig :D

Júní :o)

2009-06-02T17:18:00.002Z

Já... kominn júní :D. Frábær helgi á Akureyri og Húsavík, fórum eftir vinnu á föstudag og til baka í gær.... flott að hafa svona fínan annan hvítasunnudag til að lengja helgina.
Fórum lítið í heimsóknir, 2x í Norró og svo fór einn dagur í Húsavíkurferð... Siggi með Arnþóri og Hafþóri frændum sínum í golf og Þorlákur og Ingibjörg fengu að fara með :D agalegt sport.
Yndislegt veður alla helgina og það var smá sjokk að koma heim í Kópavog í 9 stiga hita og skýjað :S en sumarið er komið, kemur bara og fer smá aftur :þ.
Litla sæta frænka nefnd í gær og á að heita Álfhildur Ester, flott nafn á yndislega prinsessu. Hilla frænka var frekar mikið montin á Akureyri í gær :D. Svo verður Álfhildur Ester skírð í Akureyrarkirkju 13. júní.
Ég fer norður 12. júní, ein og sér keyrandi, fer í skírnina 13. og svo í stúdentsafmælisskemmtanir 14. og 15. júní og heim aftur 16. júní af því að ég get ekki hugsað mér að vera annars staðar en með börnunum mínum og Sigga á 17. júní :þ enda hef ég ekki orku í 3 daga fagnaðarlæti yfir því að 15 ár séu liðin frá því ég var stúdent.

Jæja... ætla að leggjast inn í rúm og hvíla mig smá og lesa áður en Siggi kemur heim með kvöldmatinn :D svo vel gift :D

kv
Kristín E.
25 vikur... bara 15 vikur eftir :D (ekki að ég sé að telja niður, bara auðvelt að reikna þetta hehehe)

Nokkrir punktar

2009-05-24T17:12:00.003Z

HæHæ.....
er svo þreytt alltaf á kvöldin að ég bara kem mér ekki nema örsjaldan í tölvu, sorry :þ.... en hér eru nokkrir punktar

ormagormarnir orðnir 5 ára.... og eru alltaf jafn yndisleg og stórkostleg og frábær.... myndir á facebook úr afmælinu og væntanlegar (vonandi sem fyrst) á barnanetið
búin að eignast yndislega frænku.... sem kom í heimsókn til okkar í gær, fyrsta skiptið sem hún fór í heimsókn.... foreldrarnir og bræðurnir fengu að koma með
litla frænka búin að kúka á mig.... sem hún má alveg gera aftur ef hún vill enda er hún yndisleg :o)
hætt að æla!!! (vonandi alveg alveg hætt) eftir að ég fékk betra magalyf :þ og hætt með brjóstsviðann líka!!! snilld
gormur dugleg/ur að hreyfa sig.... mamman farin að róast yfir þessari meðgöngu heheheh
búin í 20 vikna sónar og allt leit vel út.... vildum ekki vita kynið, óþarfi að kíkja í pakkann fyrr en hann opnast hehehhe
kannski norður næstu helgi, á eftir að ákveða og heyra í múttu og svoleiðis, kemur í ljós
15 ára stúdent í júní, fer norður þá... alein :S var að vona að kallinn kæmist með en það gengur víst ekki þannig að ég fer í nokkurra daga húsmæðraorlof hehehe

Jæja.... ætla að leggja mig smá, börnin í heimsókn hjá Söru á efri hæðinni og þá á að nota tímann í að slaka á :þ

kv
Kristín latibloggari.... 24 vikur á morgun :D

LoksinsLoksinsLoksins :o)

2009-03-04T11:18:00.002Z

Já elsku kæru tryggu lesendur síðunnar, það kom að því... ég er að blogga.

Sit hér í tölvu hjá Möllu systur og fékk að laumast í tölvuna, er í fríi í dag... á svo hrikalega mikið frí, aumingja ég hehehe, og Malla er farin að vinna hálfan daginn þannig að það er eðalfínt að kíkja til hennar og sníkja smá nasl :þ

En ástæðan fyrir þessu bloggleysi mínu er einfalt, síðustu 5 vikur hafa farið í hálfgerð veikindi hjá mér, er búin að æla og æla og vera hundslöpp og þreytt.... en af yndislegri ástæðu. Við Siggi komumst að því 20. janúar að ég er ólétt!!! Já ekki lýg ég því..... fengum smá sjokk þegar prufan varð jákvæð og komst strax í sónar daginn eftir (af því að ég þekki svo dásamlega lækna :o) ) og var þá komin 6 vikur og 2 daga á leið... og ekki í minna sjokki.
Við fórum í glasameðferð í október sem tókst ekki, áttum að fara aftur í mars en í byrjun janúar sendi ég þeim mail og afpantaði meðferðina, treysti mér bara ekki í fleiri meðferðir í bili.... en þessi meðferð hefur haft svona fín áhrif á okkur og við svona hrikalega heppin að þetta bara gerðist heima!!! Ótrúlega gamaldags reyndar hehehe

Í morgun fór ég svo í sónar, komin 12 vikur og 2 daga og áætluð mæting nýjasta fjölskyldumeðlimsins um miðjan september. Í kvöld ætlum við svo að segja tvíbbalingunum fréttirnar, þau eru alveg undrandi á því að mamma sé enn með gubbupest, af hverju ég sé alltaf lasin.... og reyndar af hverju bumban mín sé svona stór, búin að fá spurninguma "ertu kannski með barn í bumbunni" nokkrum sinnum heheheh en hef svarað neitandi til þessa.

Við Siggi erum sem sagt alveg í skýjunum.... þegar ég trúi þessu :þ og krepputal og annað leiðindi fer bara inn um annað og út um hitt!!!

Nú bara vona ég að heilsan fari að skána, svo ég geti farið að halda heimili aftur (Sigginn þarf að sjá um ALLT á heimilinu þar sem ég ligg bara eins og klessa eftir að ég kem heim úr vinnunni :S) og þá kannski get ég líka farið að hitta fólk aftur, búin að missa af saumaklúbbum, matarboðum og partýi vegna slappleika..... en af góðri ástæðu.

Jæja.... ætla að reyna að verða duglegri að blogga næstu vikur
Takk fyrir þolinmæðina
kv
Kristín E.

ps... Ádda, bíð spennt eftir súkkulaðisírópinu :D

JólaJólaJóla...

2008-12-14T21:28:00.002Z

Stekkjastaur kom fyrstur og færði gormunum mínum handbrúður, hann fékk krókódíl og hún fékk bleikt svín. Þau voru svo hrikalega glöð að þau drógu plastkassa inn í herbergi til okkar og settu upp smá leikþátt þar sem grísinn og krókódíllinn töluðu smá saman og svo át krókódíllinn grísinn hehehe yndislegt.... og Ingibjörg vaknaði um leið og Þorlákur fór inn til hennar og sagði henni að kíkja í skóinn!!!!

Þegar verið var að velja skó í gluggann setti Ingibjörg gamlan spariskó í gluggann, lítinn sætan silfurlitaðan skó... en Þorlákur vildi sko engan gamlan spariskó... fékk strigaskó af mér, þó það væri smá bleikt á honum, af því að spariskórinn væri allt of lítill og því kæmi ekki svo stórt í skóinn hehehehe

Giljagaur kom annar og færði þeim stóra smartísstauka, á endanum á hans stauk var Leiftur McQueen bíll og á endanum á hennar var Öskubuska sem getur dansað í hringi. Þau fengu reyndar ekki að borða allt smartísið.... fá meira næsta laugardag.

Stúfur kom þriðji og þar sem hann hefur verið mjög vinsæll hjá þeim eftir að þau sáu Jólasveinana í Dimmuborgum á DVD þá var hann auðvitað verulega vænn við þau, hún fékk Skellibjöllu bók og hann fékk flotta bók með dýramyndum (man ekki hvað hún heitir.....). En þetta er stór og flott bók með dýrum frá öllum heimsálfum og líka með fiska og hvali og svoleiðis :o).

Spurning hvað Þvörusleikir færir þeim í nótt.

Annars styttist í jólin, búin með allar jólagjafir nema að ég á eftir að klára gjöfina til Sigga og eftir að pakka tveimur inn.
Jólakortin koma úr prentun á morgun (og missa því miður af Þóru og komast ekki til Bahamas með henni :S) og ég fer þá í að skrifa á umslögin og koma þeim í póst.
Gerðum jólaísinn í dag, tobleroneís og vanilluís.... frystum tobleroneísinn í ísblómaboxum :o) og fáum því voða fínan ís á Aðfangadagskvöld.

Í gær fór ég að sjá Helgu Margréti á nemendasýningu Sönglistar.... hún stóð sig svo vel og ég líka... var búin að þurrka tárin úr augunum þegar kom að henni :þ svo falleg og lék svo vel og söng svo vel... yndislegt að eiga svona frábær systrabörn :D

Svo fór ég í að pakka nokkrum Kreppuspilum í kassa, Siggi var með börnin þar í 4,5 tíma í gær og gormarnir léku sér bara vel á meðan. Voru að rúlla kúlum á pool-borðinu, skoða jóladót og svo fengu þau penna og fengu að lita á glerveggina milli skrifstofanna, ekkert smá spennandi.

Í dag keyptum við líka seríur á pallinn, hentum seríunum eftir síðustu jól þar sem þær eyðilögðust í einni af lægðunum :S
Pallurinn lítur vel út, Þorlákur og Ingibjörg voru mikið búin að spyrja hvenær við myndum eiginlega skreyta pallinn okkar :þ

Jæja....
Ætla að halda áfram að glápa á sjónvarpið, Law and Order SVU núna og svo Dexter á eftir.... löng vinnuvika framundan, 22 tíma vakt á föstudag :S

Takk fyrir kommentin
kv
Krizzza

Desember.... alveg að koma jól

2008-12-09T16:01:00.002Z

Já.... nú styttist heldur betur í jólin..... og hér er ALLT Á HVOLFI!!!!
Síðustu helgi var brjálað að gera og helgina þar á undan var ég að vinna endalaust, 22 tímar á föstudegi og svo aftur 22 tímar á mánudegi og lengur á miðvikudegi..... en næsta vakt er ekki fyrr en 19. des því betur.

Síðustu dagarnir á Akureyri voru auðvitað æði, ég og mamma gerðum 529 stk mömmukökur (eða sem sagt 529 stk af kökum sem gera svo helmingi færri mömmukökur þegar kremið er komið á milli) og svo gerðum við heilar 3 brúnar tertur. Jummí.... og ég orðin útskrifuð í ansi mörgu tengdu jólunum.
Svo er mamma búin að senda okkur systrum enn meira af gómsætum... fékk hvíta tertu, loftkökur, vanilluhringi og svo kökur sem ég veit ekki hvað heita en eru æði... með engifer og lime og einhverju fleiru... TakkTakk mamma :o)
Affí kom með þetta að norðan fyrir okkur systur, ekki slæmt að hafa ferðir hér á milli til að spara póstkostnaðinn. Tengdapabbi fór svo norður á sunnudag með eitthvað af dóti sem átti að berast á Akureyri... TakkTakk.... ég var búin að fara með Húsavíkurpakkana sjálf þegar ég skellti mér norður um daginn.

Um helgina var auðvitað nóg að gera. Danstími á laugardag og svo allt mugligt í frágangi hér heima (en samt allt í drasli!!!!) og á sunnudag fór Siggi með börnin í sunnudagaskólann meðan ég tók mig til heheheh og svo skelltu þau sér í jólafötin frá því í fyrra og á jólaball í dansinum. Rosa fjör, mikið dansað auðvitað og tveir hrikalega skemmtilegir jólasveinar og bara gaman. Eftir það fór ég í smá búðarráp með Þorgerði og Siggi fór með gormana í vinnuna... var að byrja að undirbúa pökkun á Kreppuspilinu (sem þeir voru að búa til fyrir jólin... hægt að skoða á www.kreppuspilid.is ). Spjöldin með spurningunum voru enn í prentun en sunnudagurinn fór í að setja spilakallana og teninga í litla poka... þrælavinna sem sagt :þ.
Ég mætti og hjálpaði til eftir búðarrápið.... keyptum smá jólagjafir, Þorgerður tók út skó og peysu fyrir fatapeninga úr vinnunni og ég fjárfesti í leðurstígvélum (sem kostuðu 16 þús en eru sléttbotna og því ekki of dýrir fyrir bakið á mér!!! ég má ekki labba á hælum :S).

Svo bara fór ég heim með gormana en Ingibjörg var búin að vera eitthvað einkennileg, andaði grunnt og var slappleg og þegar við komum heim þá bara grét hún og grét og var með verki hægra megin í kviðnum þannig að ég heimtaði Siggann minn heim svo ég kæmist með hana til læknis. Elskulegur Gilli mágur mætti svo beint og sat hjá Þorláki svo ég kæmist strax út.... og til að gera langa sögu stutta þá fórum við fyrst á Læknavaktina og þaðan á Barnaspítalann og þá var daman komin með nærri 39 stiga hita en orðin eldhress.... talin vera með einhverja veirusýkingu sem veldur stækkuðum eitlum t.d. í nára og holhönd og getur valdið hrikalegum verkjum. Komum heim um kl 22 og ég var svo heima með þau bæði í gær... Þorlákur með ljótan hósta greyið.
Fór með Þorlák á heilsugæsluna í gær og hann er bara með sinn ljóta hósta, þurfti ekki sýklalyf... bara hóstasaft og nefspray og halla á rúmið hans.
Í nótt fór svo Siggi til Danmerkur.... millilentu í Póllandi hehehe fengu ódýrt flug en þurftu að millilenda í Póllandi í staðinn.... hann og Jónas (framkvæmdastjórinn) fóru út til að taka við styrk frá einhverjum norrænum samtökum, Nordic Gaming Awards eða eitthvað svoleiðis. Allavegana peningur í kassann, styrkur til að halda áfram þróun á tölvuleik.
Siggi fór fyrir kl 2 í nótt af stað í ferðalagið... ég vaknaði auðvitað til að kyssa hann bless :o) og sofnaði svo aftur. Svo kom Ingibjörg um kl 4 og var þvílíkt heit (búin að vera hress allan mánudaginn) og fékk stíl og sofnaði eftir ca 1 klst.... og svo er hún búin að vera hress í allan dag til kl 3... þá varð hún allt í einu hvít í framan og köld á höndum og fótum og er komin með hita núna :S skrýtin pest.

Þorlákur var bara heima í dag líka, ég kom honum auðvitað ekki í leikskólann.... ég ætla að heyra í Þorgerði og Gilla í kvöld og sjá hvort Gilli geti kippt honum með í leikskólann á morgun... ef hann hressist og minnkar hóstann :S
Þau eru orðin ansi þreytt á að hanga heima (í alveg heila 2 daga heheheh) en þau eru bara vanalega ekki mikið lasin og því ekki vön þessu, sem betur fer.

Jæja.... ætla að skella mér inn í herbergi og horfa á Leiðindaljós.... eðalfínt eftir langan dag með eirðarlaus börn.

Reyni að skrifa oftar..... ætla alltaf að segja frá svo mörgu og þá verður þetta svo langt en ég ætla í framtíðinni bara að skrifa þegar ég nenni og þá kannski detta út einhverjar fréttir en þa verður bara að hafa það.

Jólin koma og draslið fer og kökurnar eru æði... er það ekki aðalatriðið.
Luv
Krizzza

Akureyri :o) yndislegt vetrarfrí :D

2008-11-23T20:44:00.002Z

Já nú er maður bara staddur í sælunni á Akureyri.... kom hingað á fimmtudagskvöldið með flugi, ekkert smá þægilegt og fer aftur suður á miðvikudagskvöld aftur fljúgandi. Ég ætlaði að skella mér erlendis í haust á punktum og kaupa jólagjafir en hætti snarlega við það með versnandi gengi krónunnar og notaði punktana í staðinn til að koma mér og börnunum í vetrarfrí til Akureyrar, mun gáfulegra :D
Þorlákur og Ingibjörg sofa í hjónaherberginu hjá ömmu sinni en ég og afinn erum bara á neðri hæðinni. Reyndar var afi hjá þeim í nótt og mestan hluta af fyrri nótt en það var af því að aumingja mamma fékk ælupest í fyrrinótt.... og missti því af nánast allri laufabrauðsgerðinni :S
Föstudagurinn var afskaplega huggulegur hjá okkur. Mamma og pabbi í vinnunni og ég fékk bílinn hennar mömmu lánaðan. Vorum bara í rólegheitunum fram eftir degi, cheerios í morgunmat... ég sem var búin að lofa þeim að fá hafragraut í morgunmat en var bara aðeins of löt í gang hehehe og svo fengu þau bara hafragraut í hádegismat í staðinn og slátur með... mamma beið hér með soðið slátur á fimmtudagskvöldið þegar við mættum, skoraði mörg mörg stig hjá barnabörnunum með því :þ.
Eftir hádegi skelltum við okkur í heimsókn í Giljaskóla til mömmu, hún vildi helst fá okkur í heimsókn á föstudag af því að þá eru fæst börn í vistun og því minni hávaði. Ég veit ekki hvernig hávaðinn er vanalega, mér fannst þetta alveg nóg :þ. Þorláki og Ingibjörgu fannst þetta allt svo hrikalega spennandi að við vorum þarna í rúmlega 2 tíma. Fórum í söngstund með krökkunum og amman spilaði undir á gítar, voru að púsla og kubba með krosskubbum og fengu svo köku í drekkutímanum og allt hreint. Sem sagt verulega spennandi.
Svo fórum við til Lillu og fengum þar aðeins meira að borða, vöfflur :D og svo mætti mamma og Annette og stelpurnar og Lilla hnoðaði eitt stk laufabrauðsdeig og við breiddum það út á metttíma. Svo var það bara kvöldmatur í Steinahlíðinni og börnin bara um klukkustund að sofna :S móðurinni til lítillar ánægju :S en svona er það að sofa í sama herbergi :þ.
Á föstudagskvöldið mættum við mamma aftur í Norðurgötuna, Lilla var búin að hnoða annað laufabrauðsdeig sem við breiddum út og skemmtum okkur í eldhúsinu í Norðurgötu eins og alltaf, svo gott allt á Akureyri (ekki satt Ádda!!!).
Ég sofnaði loks upp úr miðnætti en vaknaði svo upp úr kl 2 við símann minn, ekki mjög kát, hélt að það væri Siggi. En þá var þetta nágranni okkar úr Húsalindinni.... reykskynjarinn í Ingibjargar herbergi vældi og vældi. Hann vissi að ég væri fyrir norðan en hélt að Siggi væri þar líka, var búinn að labba hringinn í kringum húsið og fann enga lykt og sá engan reyk. Ég hringdi í Sigga sem var í bænum eftir tónleika og hann spændi bara beint heim og sendi mér svo SMS um að allt væri ok.
Svo sofnaði ég en vaknaði svo næst um kl 3 þegar mamma greyið var farin að gubba :S Hún kom sér svo fyrir niðri og sendi pabba upp til barnanna í staðinn.
Aumingja mamma, missti af sláturgerð og kartöflu-upptöku vegna handleggsbrots og svo missti hún nánast alveg af laufabrauðsgerðinni líka :S

Í gær var sem sagt laufabrauðsgerðinni haldið áfram. Lilla hnoðaði í 2 deig í viðbót sem voru breidd út og svo var skorið út í allar 197 kökurnar. Allt Norðurgötulið á staðnum, mamma heima og pabbi á æfingardegi Big Bandsins (en mætti þegar liðið fór í hádegismat og sundferð) og svo kom Hilla og Kristín Dögg var hjá okkur lengi vel.
Þorlákur og Ingibjörg brettu aðeins upp á en voru aðallega að leika sér. Svo fóru þau út og Líney Rut og Kristín Dögg með þeim, voru með þau úti í garði og svo aðeins upp hjá Oddeyrarskóla líka.
Svo skelltum við okkur út í bílskúr, ég, Lilla, Jonni, Láki og Siggi Jóns og steiktum kökurnar og afskurðinn. Þau eru þar með gamla helluborðið úr eldhúsinu og elda þar lyktarverri mat :þ algjör snilld að fá ekki bræluna yfir allt húsið.
Siggi setti í pottinn, Lilla steikti, Jonni pressaði, ég taldi (og ruglaðist verulega reglulega í talningunni hehehe) og Láki dreifði úr smjörpappírnum sem var á milli kaknanna og sótti fleiri kökur inn og svoleiðis.
Aftur var auðvitað rosalega gaman.
Svo um kvöldið voru pantaðar Domino´s pizzur og ég var komin heim í Steinahlíð rétt fyrir kl 9 um kvöldið með börnin.... sem voru aftur lengi að sofna en ekki heila klukkustund samt.
Ég telst fullnuma í að búa til laufabrauð frá byrjun til enda... spurning um að skella í eitt deig þegar ég kem heim og sýna snilli mína :þ

Í dag (sunnudag) vorum við enn í rólegheitum í morgun, pabbi var min til rúmlega 9 þegar ég og mamma vöknuðum. Vorum bara í smá snúningum hér og fórum svo í Norðurgötu að ganga frá laufabrauðinu. Börnin voru svo eftir í Norró meðan ég og mamma fórum í að versla í næsta bakstur, í Bónus og Hagkaup.
Já... bökuðum meira í dag. Í dag lærði ég að baka brúna tertu. Ég og mútta bökuðum 3 brúnar tertur í dag, eins og ekkert væri sjálfsagðara. Þetta gera sem sagt 12 botna, bendi bara á það og þetta tók bara ekki svo langan tíma í eldhúsinu hraðar hendur. Kjúklingurinn var svolítið seinn fyrir vikið en við börnin reynum þá bara að kúra aðeins í fyrramálið í staðinn.
Ég er líka fullnuma í að baka brúna tertu.... get reddað því ef mútter tekur upp á því að handleggsbrjóta sig í nóv/des á næsta ári!!! Á reyndar eftir að gera smjörkremið en er komin með uppskriftina... skellum okkur í það á morgun.
Í kvöld, meðan kjúllinn var í ofninum, fórum við svo í að gera mömmukökudeig, byrjuðum fyrir kvöldmat og svo var öllu hrært saman eftir kvöldmat. Nú bíður deigið til næsta dags eftir bakstrinum, sem verður annað kvöld.

Sem sagt hér er nóg að gera, mikið um að vera og ég búin að læra heilmargt.... á reyndar eftir að skrifa laufabrauðsuppskriftina niður á blað en redda því á morgun.

Á morgun er planið að fara í Norró með strætó (enda frítt í strætó á Akureyri og krökkunum finnst það hrikalega gaman) og stússa eitthvað skemmtilegt þar, kíki kannski aðeins inn í bæ og jafnvel aðeins til elskulegrar Arnhildar frænku minnar... hún var að vinna allan laugardaginn en kíkti rétt aðeins við fyrir jólahlaðborð.

Skrifa kannski meira á þriðjudagskvöldið eða bara þegar ég verð komin aftur heim.

Heyrumst, takk fyrir kommentin
kv
Kristín í sælunni á Akureyri

Frökenin orðin hress :o)

2008-11-09T21:21:00.004Z

Já... pestin var ekki löng, nokkur gubb um nóttina og svo um morguninn og svo ekki meir, því betur. Þorgerður sótti Þorlák í leikskólann á föstudag og tók hann með sér í heimsókn og Siggi sótti hann svo og kom við á McDonald´s og keypti hamborgara fyrir litlu konuna okkar.... og hún borðaði bara nokkuð vel.

Í gær voru bara rólegheit hjá okkur.... það var frí í dansinum þessa helgina og við bara róleg. Svo ætlaði ég með Ingibjörgu í smá búðarrölt en Þorlák langaði svo miklu meira með mömmu í búðir en að horfa á fótbolta með pabba hehehe þannig að Ingibjörg bauðst til að vera bara heima hjá elsku pabba sínum :þ. Við Þorlákur fórum aðeins í Europris (þar sem það sem við ætluðum að kaupa var ekki til :S) og svo í Smáralind þar sem við keyptum heilar 7 jólagjafir og Rosendahl salt og piparkvarnir handa okkur Sigga fyrir pening sem tengdamamma gaf okkur í afmælisgjöf :o) ógó flott auðvitað.

Svo komum við okkur bara heim, borðuðum smá og skelltum okkur svo í Toys ´r us þar sem við keyptum 8 jólagjafir.... frábært að vera byrjuð á jólagjafakaupunum :D

Svo fórum við auðvitað í Sorpu í leiðinni og líka í Bónus.

Eldaði svo karrýfiskinn úr Af bestu lyst í kvöldmatinn.

Í gærkvöldi fór ég í halloween partý til Hildar Ernu... Glerárskólagellurnar. Partýið sem átti að vera fyrir viku en var frestað vegna veikinda. Það var ekkert smá gaman :o). Allar mættu í þvílíkt flottum búningum... enda átti ekki að hleypa neinum inn nema við myndum mæta í búningi... svona var ég í búningi sem Íris Kristín lánaði mér... takktakk :o) Ég þurfti meira að segja að skilja bílinn eftir og fá far heim!!! Drakk sko heila flösku af vodka ice blue heheheh

Í dag var frí í fimleikunum... Siggi fór með börnin í sunnudagaskólann og ég fékk að sofa út :D. Svo vorum við bara í rólegheitum hér og skelltum okkur svo saman í Húsdýragarðinn, áttum enn 2 boðsmiða sem ég vann í happdrætti á Sólrisuhátíð Blóðbankans í vor (hálfgerð Árshátíð). Í kvöld var svo bayonneskinka í matinn.... var á tilboði í Nettó fyrir helgi :þ og svo ís í eftirmat.

Jæja.... styttist í lokaþátt Swingtown og ég má ekki missa af því....

Takk fyrir öll kommentin

Kristín E.

Lasarus.....

2008-11-07T16:39:00.002Z

Já... í dag er ég heima með Ingibjörgu, hún kom upp í til okkar í nótt sem er verulega óvanalegt. Við ætluðum bara að leyfa henni að kúra hjá okkur en hún var alltaf að brölta og því var henni skilað :S en svo bara gubbaði hún greyið. Ég svaf lítið í nótt, var mest hjá henni.... og það fer ekki vel um mig með mýslunni í rúmi sem er bara 140cm langt hehehe Svo var smá gubb í morgun en svo ekki neitt síðan um kl 10 í morgun en nú er gullfoss að byrja... heyrist það allavegana á skruðningunum í maganum á henni :þ
Þorlákur fór bara í leikskólann og Þorgerður kippti honum með heim til sín áðan, Siggi kippir honum svo með þaðan á heimleiðinni.

Ég er búin að horfa á 1 þátt af Dóru, Lion King bíómyndina, 1 þátt af Samma brunaverði, einn þátt af Diego vini Dóru og svo er frökenin núna inni í rúmi að horfa á Pétur Pan en ég er inni í stofu með Guiding Light hehehe. Svo er búið að segja nokkrar sögur og lesa smá og svo lék hún sér með Littlest Pet Shop dótið sitt áðan.

Þessa stundina er ég voðalega ánægð með að partýið sem átti að vera í kvöld verður annað kvöld :D ekki í neinu stuði fyrir partý núna heheheh

Heyrumst
kv
Kristín og Ingibjörg mýsla tísla

:o)

2008-11-06T20:23:00.003Z

HæHæ.... og takk kærlega fyrir allar yndislegu kveðjurnar í síðasta bloggi. Það er svo hrikalega gott að eiga svona góða að.

Lífið gengur hér sinn vanagang. Ég orðin árinu eldri en er hins vegar verulega lukkuleg með að vera bara 34 ára... ég var alveg á því að ég væri að verða 35 ára hehehhe og græddi því heilt ár :þ. Var með kaffiboð 2. nóvember, smá skyndiákvörðun. Var í sunnudagaskólanum með Sigga og börnunum þegar ég ákvað að bjóða nokkrum í kaffi, sendi SMS á systur mínar, tengdamömmu og Tinnu Ösp.... Malla var á leiðinni í afmæli á Laugarvatni en hinir mættu og Ingunn Elfa og Gísli með sín börn þar að auki :o) datt ekkert í hug að senda þeim SMS... hélt að þau myndu ekki nenna að keyra yfir heiðina en tengdamamma var hjá þeim og þau bara skelltu sér öll saman.
Þar sem þetta var skyndiákvörðun þá var ekkert til hér heima þegar við komum heim eftir sunnudagaskólann og tvöfaldan fimleikatíma.. upp úr kl 2. Skellti í Heiðu-skúffuköku og svo hrærði ég pönnukökudeig og vöffludeig og steikti bara bæði í einu meðan kakan bakaðist. Tinna Ösp kom svo snemma og Siggi var að skoða tölvuna hennar og á meðan hjálpaði hún til við undirbúning, lagði á borð og gekk frá og svoleiðis, takk fyrir það skvís :o).

Þetta var bara afskaplega gaman, fékk 2 blómvendi og gjöf frá Tinnu :o). Frá Sigga fékk ég topp sem ég keypti mér í október hehehe og tengdamamma gaf okkur hjónunum pening til að kaupa okkur eitthvað fallegt, mamma gaf mér líka pening en hann er fyrir mig en ekki Sigga hehehehe Ássý kom með smá pakka í vikunni frá henni og Lillu, takk fyrir það :o).

Það er alltaf svo gaman að eiga afmæli. Þorlákur og Ingibjörg voru heima á afmælisdaginn af því að það var starfsdagur í leikskólanum en ég gat ekki fengið frí því miður.... það voru svo margir í fríi og svo bættust við veikindi þannig að það var jafn gott að ég fékk ekki frí!!! Í staðinn var Siggi heima og þau áttu hér góðan dag, fóru labbandi í sund og gerðu fleira skemmtilegt :þ. Ég skellti mér svo í búðina á leiðinni heim úr vinnunnu.... þá voru þau á fótboltaæfingu.... og keypti svínakótilettur í kvöldmatinn og ís í eftirmat :o) fann meira að segja ísblóm með cappuccino... ógó gott :o).

Svo bara vinna eins og vanalega.... um helgina fer ég í partý til Hildar Ernu, grunnskólagellupartý.... þetta átti að vera síðustu helgi en hún var lasin... og ekki bara hún heldur fleiri þannig að þetta frestaðist um viku.... en þemað verður eins og við eigum allar að mæta í búningum. Fékk lánaðan búning hjá Írisi, sýni ykkur mynd af því seinna.

Svo er ég a fara norður.... og hlakka svo til. Ég fæ 4 daga í frí í kringum helgi, fer norður eftir vinnu fimmtudaginn 20. nóv og svo heim aftur miðvikudaginn 26. nóv :o). Fer fljúgandi með krílin með mér, pantaði svo snemma að ég fékk punktaflug :D þannig að ég borga bara 6300 í skatta fyrir okkur þrjú.
Stefnt er á laufabrauðsgerð þessa helgi og svo jafnvel líka mömmukökugerð, mamma getur lítið breitt úr deigi eftir handleggsbrotið þannig að ég ætla að reyna að aðstoða :D
Það verður æðislegt... svo auðvitað ætla ég að reyna að hitta Arnhildi, Affí, Hillu, Sigga og Annetta og co

Jæja... nú styttist í House, enda ætla ég að reyna að blogga aðeins oftar og styttra í einu, sé til hvernig að fer hehehe

kv
Krizzzzza

Nýjustu tíðindi úr Húsalindinni

2008-11-01T19:53:00.002Z

Halló kæru lesendur hehehe ef einhver nennir að kíkja hér inn lengur, ég telst ekki vera duglegust að blogga, slæ allavegana Áddu frænku ekki við í blogg-dugnaði :S.

Undanfarnar vikur hefur verið nóg að gera þó ég hafi mest verið heima í veikindaleyfi. Já.... allir í vinnunni (eða nánast allir) halda að ég hafi verið heima út af bakveikindum og það er voðalega lítil lygi, ég fékk auðvitað í bakið á því að hanga svona heima.... en aðalástæðan var sú að við Siggi vorum enn að vinna í því að reyna að fjölga mannkyninu. Hver sem hefur hitt dásemdar börnin okkar skilur auðvitað að okkur langi til að búa til fleiri svona gullmola.
Í þetta skiptið vorum við búin með alla litlu frostpinnana okkar og því þurfti frúin í fulla glasafrjóvgunarmeðferð... meðferð sem tók 7-8 vikur í þetta skiptið og endaði ekkert sérstaklega vel... eða reyndar bara frekar illa :þ. Þessi meðferð tók heilmikið á, ég var hundlasin á tímabili en samt ekkert í líkingu við það þegar ég endaði inni á sjúkrahúsi eftir síðustu eggheimtu :S.
Aðal veikindin voru vegna þess að ég var með fullt fullt af helv... blöðrum sem tóku upp á því að springa á ólíklegustu tímum, eitt skiptið um miðja nótt og ég ældi nærri því af verkjum.

Þar sem læknanir fóru sér gífurlega varlega til að ég fengi ekki oförvun eins og síðast (sem var ástæðan fyrir sjúkrahúsferðinni þá) þá var árangurinn ekki eins mikill... síðast náðust 15 egg en nú bara 3 stykki.... og síðast frjóvguðust 10 egg en nú bara eitt... það var sett upp og 2 vikum síðar kom leiðindarniðurstaðan og því miður tókst þetta ekki....

En ég er hins vegar verulega lukkuleg þessa dagana þar sem vinkona mín af netinu var í meðferð á sama tíma og hún á von á barni :o) yndislegar fréttir finnst okkur.

Þar sem við Siggi erum enn saman eftir 11 ár og eigum þar að auki 2 börn saman þá telur íslenska ríkið okkur greinilega verulega gráðug að langa í fleiri börn og við fáum því enga niðurgreiðslu á meðferðir, og því kostar ein svona meðferð um 340 þúsund með lyfjakostnaði.... ef ég hins vegar myndi skilja við Sigga og jafnvel ná mér í mann sem ætti 10 börn þá fengjum við alveg hellings niðurgreiðslu frá ríkinu.... já svona er íslenskt þjóðfélag, gerir allt í að hvetja fólk til að skilja :S

Nú er bara málið að knúsa hvert annað og brosa út í heiminn.... er voða dugleg þessa dagana við að sniðganga leiðinlegar fréttir, reyni aðallega að lesa t.d. Fólk dálkinn á mbl.is til að fræðast um fræga fólkið frekar en kreppufréttir heheheh

Nú eigum við hjónin eftir að velta framhaldinu fyrir okkur.... erum við hætt að reyna eða ekki, sumpart hljómar það verulega vel að fara aldrei aftur á þessar helv.. sprautur og njóta lífsins með gullmolana okkar tvo en á hinn bóginn væri afskaplega spennandi að fá aftur að snúast í kringum lítinn hjálparlausan gullmola...
Þetta kemur allt í ljós með tíð og tíma....

Nú eigum við fjölskyldan eftir að halda upp á eitt afmæli í viðbót þetta árið og svo förum við í að undirbúa jólin.... 2 kríli á þessu heimili eru nú þegar orðin spennt fyrir því hehehe

Takk fyrir að fylgjast með hér og ég vona að enginn sé sár þó ég tjái mig lítið um meðferðir fyrr en þær eru búnar... það er bara ansi erfitt þegar margir eru að fylgjast með.... mun betra að vera búin að jafna sig smá áður en ég þarf að segja heiminum frá leiðindafréttunum :S

Heyrumst.... ætla að reyna að vera dugleg að blogga í nóvember... enda er það besti mánuðurinn hehehe
kv
Krizzza ofurkrílamamma

Heja Norge...

2008-10-10T21:54:00.002Z

jebbs.... mamma og pabbi komu í kaupstaðarferð í gær. Á sunnudag er nefnilega óformlegt fjölskyldukaffi... afkomendur Ömmu Dúu og Afa Kristjáns ætla að hittast :o) og borða auðvitað :þ. Svo heppilega vill til að í dag á Malla systir afmæli... Til lukku með daginn elsku litla systir, er ekki gaman að vera 33 eins og ég???.... og í gær átti Dagur Elís elskulegur frændi 5 ára afmæli, loksins orðinn eldri en Þorlákur og Ingibjörg :D.

Á morgun förum við Siggi með systrum Sigga í smá óvissuferð með tengdaforeldra mína, þau áttu 40 ára brúðkaupsafmæli í maí og á mánudag verður tengdapabbi sextugur (og Sigginn minn 36 ára)... vil ekki skrifa hér hvað á að gera, það er leyndó :þ

En í dag var ég í fríi, tók mér einn dag í frí til að snúast aðeins með mömmu og pabba... og þar sem við stóðum á Stjörnutorgi í Kringlunni og vorum að reyna að velja okkur mat kom maður til okkar og vildi fá að tala við okkur, þá var þetta sem sagt maður frá norska sjónvarpinu NRK og hann langaði að fá að taka mynd af okkur að panta mat... og svo mynd af okkur að borða matinn... og svo spurði hann mig nokkurra spurninga um efnahagsástandið á Íslandi.... og svo getið þið skoðað viðtalið á netinu http://www1.nrk.no/nett-tv/nyheter/spill/verdi/76851 ef þið viljið....

Frekar skondið að lenda í svona og bara fyndið.... honum fannst agalega spennandi að ég ynni í Blóðbankanum hehehe og svo að ástandið hefði haft þau áhrif á mig og mitt heimili að við þyrftum að hætta við að byggja á næsta ári.... svo sagði ég allskonar annað en það var bara klippt út hehehe

Jæja... ætla að fara að sofa, Siggi í Gogogic partýi og nóg að gera um helgina.

Heyrumst... takk fyrir kommentin
kv
Kristín

Ákvarðanir.....

2008-10-07T22:35:00.002Z

HæHæ.....
eftir miklar pælingar ákváðum við hjónin í gær að skila inn lóðinni okkar.... áttum að fá hana afhenta í byrjun næsta árs en reyndar er ekki farið að gera götur í hverfinu þannig að því hefði seinkað. En þar sem allar forsendur hafa breyst þá ákváðum við að fá 1,5 millurnar okkar endurgreiddar frá Kópavogsbæ og salta byggingamálin í bili.
Ástæðan fyrir því að við ætluðum að byggja var sú að íbúðir/hús sem okkur langaði í hér í hverfinu voru orðnar svo hrikalega dýrar að það hefði verið ódýrara að byggja en að kaupa hér.... en nú er allt í rugli í þjóðfélaginu og því stefnir í lækkun á íbúðaverði og þá höfum við vonandi (kannski eftir 1-2 ár) efni á því að kaupa okkur stóra og flotta íbúð í Lindarhverfinu.... það kemur í ljós en allavegana er ekki gáfulegt að ætla að byrja að byggja á næsta ári... bankarnir í fokki og því ekki hægt að fá lán og ekki eigum við fyrir heilu húsi :S

Við erum algjörlega sátt við ákvörðunina, peningarnir koma sér bara alveg ágætlega :o) vonum bara að bankinn okkar fari ekki á hausinn í næstu viku :S

Takk fyrir skemmtilegar umræður í kommentunum á síðustu færslu.... set inn fleiri sparnaðarráð síðar :þ

kv
Kristín sparnaðarfrú

Nýr mánuður :S

2008-10-05T14:23:00.002Z

Jæja já.... eitthvað stendur á sér þetta með bloggdugnaðinn :S Ætlaði að vera þvílíkt dugleg að blogga í september en svo bara hefur allur tíminn farið í annað.
Er reyndar ansi oft á Facebook.... en það er líka hægt að hanga þar inni nánast hugsunarlaust, ágætis slökun þegar maður er þreyttur :S
Síðastliðinn hálfan mánuð (eða reyndar seinnipart september) er ég búin að vinna eins og brjálaðingur.... ofan á alla dagvinnuna þá vann ég um 70 tíma yfirvinnu á aðeins 12 dögum!!! Geri aðrir betur (eða ekki... mæli ekki með þessu :S).
Ofan á þetta allt er ég búin að reyna að standa mig þvílíkt vel sem Sparnaðarfrú!!! Búin að breyta ýmsu... ekki að við séum ekki búin að vera að spara á fullu undanfarna mánuði... árangurinn er farinn að sýna sig og þá bara tvíeflist maður og heldur áfram í sparnaðinum :þ Maður verður að vera duglegur að spara ef maður ætlar að byggja, ekki satt.... ekki fær maður allavegana lán í banka hehehhe

Nokkur sparnaðarráð!!!

Nú erum við nánast hætt að kaupa plastpoka í búðunum, förum bara með taupokasafnið okkar og plastpoka að heiman. Hver helv... plastpoki kostar 15 krónur!!! 4 poka ferð í Bónus er þá á 60 kall og til hvers að versla í Bónus til að spara og eyða svo öllum sparnaðinum í endalausa plastpoka.
Taka slátur.... ekki nóg með að það sé hrikalega ódýrt þá er það bara svo gaman.... gerði slátur í síðustu viku með Þorgerði og Möllu systrum og svo var þar Diddi frændi minn og Sigyn konan hans... að ógleymdum hjálparkonunum Erlu tengdamömmu Þorgerðar og Ássý frænku, sem voru þarna einungis til að hjálpa okkur!!! Takk fyrir það :D
Baka Baka Baka.... ég splæsti í 1 snúð og 2 kleinuhringi í bakaríi í vikunni (fyrir börnin af því að þau stóðu sig svo hrikalega vel hjá tannlækninum!!!) og það kostaði um 600 kall!!! Euroshopper hveitið í Bónus er bara ljómandi fínt... kostar bara 98 kall 2 kíló!!!

Sendi fleiri sparnaðarráð á næstunni.
Já og eitt yndislegt.... þegar við vorum í sláturgerðinni þá kom Diddi í inn í eldhús og sagði að það væri farið að snjóa... við litum út um gluggan og hlógum bara.... hann sagði að þetta væru bara örfá snjókorn... svo einhverju síðar litum við aftur út og þá var garðurinn orðinn nokkuð vel hvítur en Diddi kíkti út og sagði að göturnar væru alveg auðar.... en svo bara snjóaði og snjóaði og við öll á sumardekkjum hehhee en ég keyrði bara varlega heim og fór efri leiðina til að sleppa við bröttu brekkuna upp að mínu húsi.... ca 5-6 cm snjór á bílnum :þ Bara yndislegt og hressandi ofan í helv... kreppufréttirnar sem ætla alla að drepa þessa dagana.... Ég er á fullu í því að forðast fréttir af því að á mínu heimili er engin kreppa, maður má ekki missa sig alveg niður í svartsýnina með hálfvitunum sem stjórna hér.... bankamennirnir sem fá milljónir í laun á mánuði og eru svo bara með allt í rassgati :S

Í gær vorum við hér á fullu, Siggi fór út úr húsi fyrir kl 8 og skellti sér á Esjuna með Völla Snæ!!! Þokkalega ruglaðir. Þar sem Siggi minn var bara í strigaskóm þá fóru þeir "bara" upp að Steini, algjörar hetjur. Ég fór með Þorlák og Ingibjörgu og Palla Pöndu (bangsa sem leikskólinn á og börnin skiptast á að fá að taka með sér heim.... í fyrra var þetta Nasi Nashyrningur en hann er sennilega farinn í ruslið og Palli Panda kominn í staðinn hehehe). Eftir hádegismat fórum við í Bónus í Ögurhvarfi.... þar voru allir algjörlega að missa sig.... ég og Siggi með endalausa brandara um að kaupa tómata og gúrku áður en það klárast í landinu (kaupum reyndar alltaf íslenskt grænmeti) og keyptum extra mikið af mjólk og eggjum (var með góða dagsetningu hehehe) og svo ætlaði ég að kaupa pakkningu af hveiti.... hélt reyndar að það væru 6 í pakka en það voru 9.... og mér fannst svo fíflalegt að það voru bara til tæplega 2 pakkningar og því hirti ég aðra þeirra heheheh sem sagt 18 kíló af hveiti á þessu heimili (reyndar 16 kíló... komin langleiðina með einn). Svo keyptum við sykur... hann var að verða búinn!!! og ýmislegt annað var orðið tómlegt í hillunum... allir að tapa sér í ruglinu!!!
Svo bara fórum við heim og ég skellti í eina uppskrift af snúðum og bakaði Heiðu-skúffuköku á meðan það hefaði sig... gerði kremið sjálf og skreyttum með kókos og sykurblómum (sem var til í skúffunni). Snúðarnir fengu að hefa sig heillengi, við bara fengum okkur skúffuköku á meðan. Svo var farið í tilraunastarfsemi með snúðana. Gerði fyrsta skammtinn með pizzasósu innan í.... voða gott en setti of mikla sósu :S (þróunarverkefni hehehe). Svo ætlaði ég að gera næsta skammt með kanelsykri, rúsínum og marsípani (sem var alveg að renna út eftir síðustu jól) en átti bara ca 14 rúsínur hehhe.... þannig að sumir snúðarnir eru með 1 rúsínu en aðrir enga hehehe. Svo var næsti skammtur bara venjulegur með olíu og kanelsykri en síðasti skammturinn var frumlegastur. Íris og Jónas kíktu við og eftir smá brainstorming þá setti ég smá pizzasósu, Ítalskt pastakrydd frá pottagöldrum og svo rifinn ost innan í síðustu snúðana.... jummí góðir. Næst fer aðeins meiri pizzasósa, meiri ostur og kannski bara líka skinka :o). Gaman að breyta til og prófa sig áfram.
Fyrst ég var byrjuð að baka þá skellti ég í 3 kryddbrauð... ofninn hvort eð er heitur..... og svo var bara farið að elda, svínahnakkasneiðar í raspi, brún sósa, kartöflur, grænar baunir og sulta :o) eðalfínt.
Kristján Örn dúllufrændi var í mat og gisti svo í nótt. Hann er svo mikið ljós, sagði við mömmu sína í forstofunni hjá okkur að hann væri svo spenntur :o). Hann reif í sig matinn og sofnaði fyrstur og svo vaknaði allt gengið kl 7 í morgun!!!! aðeins of spennandi að hafa næturgest. Þau sváfu öll í Ingibjargar herbergi, rosalega gaman. Eina er að þau tóku upp á því að hanga í gardínunum hennar Ingibjargar og beygluðu gardínustöngina en þegar við sáum það var slökkt á sjónvarpinu og þau skikkuð í að tala til sem þau gerðu.... meðan Siggi lagaði stöngina :þ.

Nú eru þau systkinin og Palli Panda búin að fara í fimleikatíma og eru að leika sér. Klukkan 16 hefjast tvö afmæli.... við förum fyrst í 1 árs afmæli hjá Davíð Leó syni Önnu Bjargar frænku Sigga og svo fá þau að kíkja á efri hæðina hér í afmæli hjá Söru vinkonu þeirra, alltaf nóg að gera.

Svo bara byrjar ný vika með blóm í haga (eða reyndar rigningu og roki ef maður er raunsær) en næstu helgi koma mamma og pabbi suður, sunnudaginn 12. okt er ættarmótskaffi, afkomendur ömmu Dúu og afa Kristjáns ætla að hittast :o) ekkert smá spennandi. Þar að auki er partý í vinnunni hjá Sigga á föstudagskvöld, við förum út að borða með tengdó og tengda á laugardagskvöldið (þau áttu 40 ára brúðkaupsafmæli í maí og tengdi verður 60 ára 13. okt) og svo verður 5 ára afmæli Dags Elísar á laugardag!!! Fullbókuð helgi eins og alltaf :þ enda ekki við öðru að búast þar sem afmælistörnin í fjölskyldu okkar Sigga er byrjuð :o)

Sem sagt... nóg að gera, frystikistan full af mat og bakkelsi og bara gaman.
Takk fyrir öll kommentin... ætla að reyna að standa mig í blogginu í október.... sé til hvernig það gengur :þ
kv
Kristín Sparnaðarfrú

Ný vika... heima með litla gubbustelpu :S

2008-09-16T14:13:00.002Z

ó já.... elsku litla stóra sæta Ingibjörg birtist allt í einu hágrátandi um kl 5 í nótt... reyndi að segja okkur eitthvað en við bara skildum ekkert... og svo bara gubbaði hún í rúmið okkar. Ekkert í rúmið sitt, því betur.... en við fórum í að taka utan af sænginni minni, lakið af og svo þurfti að taka úr þurrkaranum, úr þvottavélinni í þurrkarann og á snúruna og skella ullanu í þvottavélina... Ingibjörg bara beið á meðan. Svo bara nýtt utanum og handklæði undir prinsessuna og hún sofnaði aftur hjá okkur. Svo vaknaði hún einu sinni aftur en ég var svo snögg að ég náði að teygja mig í dall og allt fór þangað!!!
Eru þetta ekki skemmtilegar lýsingar??? heheheh
En allavegana ég er heima í dag með músina mína, hún ekkert búin að gubba meira og búin að standa sig vel í að borða Cheerios og ristað brauð og vatn með.... hana langar voðalega mikið í mjók eða skyr en fær það bara seinna.

Ég er voðalega fegin að hafa ekki náð í Völla og Þóru í gær, ætluðum að fá þau í mat í gærkvöldi..... hefði fengið nett taugaáfall ef litli Baldvin Snær hefði náð sér í fyrstu gubbupestina hjá okkur.... reynum aftur í kringum næstu helgi.

En allavegana... síðasta helgi, nóg að gera :o) en engin vinna hjá mér, bara Sigga :þ. Á föstudagskvöldið var hittingur hjá grunnskólapíunum, ég sótti Önnu Rósu, Helgu og Lóu og keyrði með þær upp í Mosó á vinnustofuna hennar Hörpu. Þar beið okkar rauðvín, ostar og fleira gúmmulaði og það var ekkert smá gaman að hitta allar, full mæting í fyrsta skiptið í langan tíma :o) 9 skvísur. Hlógum alveg endalaust mikið og blöðruðum og ég var ekki komin heim fyrr en rétt fyrir kl 3 um nóttina.
Laugardagurinn... var þokkalega þreytt en börnin voru voða stillt fyrir framan sjónvarpið eftir að Siggi fór í vinnuna þannig að ég gat sofið aðeins lengur :S ekki veitti af hehhe. Svo kl 11 var fyrsti danstíminn þetta haustið, mættum alveg á mínútunni og þ.a.l. var Þorlákur svolítið feiminn við allt fyrst en eftir fyrsta dansinn og loforð um sleikjó eftir danstímann var hann voðalega duglegur og tók þátt í öllu, Ingibjörg var bara voða dugleg frá byrjun. Þeim finnst svo rosalega gaman í danstímunum :D. Komum við í Krónunni á heimleiðinni og versluðum smá í matinn og tvo sleikjóa :þ og svo kl 15 var Siggi kominn heim og við skelltum okkur í 4 ára afmæli hjá Antoni Oddi vini okkar (sonur Írisar og Jónasar, sem var veislustjóri með Þóru í brúðkaupinu okkar). Frábært afmæli, fjölskylduafmælið var fyrr í vikunni þannig að þarna voru 6 börn og 5 fullorðnir :o) alveg passlegt :D og eftir pizzu hjá börnunum fóru þau inn að leika og svo að horfa á Dóru í sjónvarpinu þannig að það var hægt að spjalla alveg heilmikið í stofunni :D og auðvitað að gúffa í sig... Takk fyrir okkur. Svo fengu börnin köku og klaka og því var bara léttur kvöldmatur í Húsalindinni.
Um kvöldið rákumst við Siggi á Lord of the Rings í sjónvarpinu, fyrsta myndin, og horfðum auðvitað á hana (þó við eigum hana á DVD hehe) og tókum svo myndir nr. 2 og 3 á sunnudeginum :D bara snilld.
En sem sagt, sunnudagur. Siggi enn og aftur í vinnuna :S og ég fór með börnin í fimleikatíma, hann er kl 12-13 og hún svo frá 13-14... gekk voðalega vel auðvitað eftir að ég var búin að fylgja þeim út á gólfið. Svo var bara farið heim, smá borðað og hárið lagað á IS fyrir næsta afmæli. Nú var það 4 ára afmælisveisla hjá Malen sem er besta vinkona Ingibjargar á Dal og kærastan hans Þorláks :þ (Ingibjörg er ólofuð ennþá... en sagði áðan að sér finnist Anton Oddur svo sætur... en hann getur ekki verið kærastinn hennar af því að hann er ekki á Dal heheheh). Meðan þau voru í afmælinu gátum við haldið áfram að horfa á Lord of the Rings nr. 2 en tókum svo nr. 3 eftir kvöldmat.

Góð helgi í Húsalindinni, nóg um að vera og allt gekk vel.... ætlaði reyndar að gera enn fleira en það er bara svona :S

Farin að sinna Ingibjörgu, fann Litlu Snillingana (Little Einsteins) á Disney Playhouse Channel... dásamlegt að hafa gervihnattasjónvarp þegar börnin eru veik :D

Takk fyrir kommentin... ætla að reyna að standa mig í blogginu í vetur
kv
kr.e.

Jæja þá....

2008-09-10T20:46:00.002Z

HæHæ...
ég er að hugsa um að byrja að blogga aftur.... ætlaði alltaf að skrifa heilan helling um sumarfríið en það er bara betra að kíkja á heimasíðu barnanna og sjá ferðasöguna í myndum :o)....
Fríið var frábært, var í rúmar 4 vikur fyrir norðan, mest í Mývó og á Illugastöðum en svo líka á Akureyri og Húsavík og aðeins í Aðaldal.... nóg um það hér... meira á barnanetinu :þ

Haustið er komið, runnarnir farnir að roðna verulega í garðinum okkar... og nú búum við í Borg Bleytunnar (eins og Pési laxabóndi segir :þ)... endalaus helv.. rigning en samt frekar öðruvísi að oftast fer rigningin beint niður!!! ekki á hlið!!!

Þorlákur og Ingibjörg eru byrjuð í fimleikum, búin að fara í 2 tíma og eru hrikalega hrifin af þessu. Ekki veitir af enda eru þau tvö bæði með stuttu vöðvana aftan á lærunum eins og foreldrarnir báðir... datt í hug að fimleikar væru fínir til að reyna að bæta aðeins úr því. Svo byrjar dansinn næstu helgi, þau verða í dansi á laugardögum og í fimleikum á sunnudögum... sjáum svo til um áramót hvort þetta sé of mikið.

Var með saumaklúbb í gær, Mývó-konurnar (af því að ég er í þremur saumaklúbbum hehehe). Þvílíkt góð mæting, m.a.s. Aldís Björns sem býr í Þjóðverjalandi en er hér þessar vikurnar, fer heim aftur í þessari viku. Hér voru sem sagt 9 konur í klúbb, mikið fjör og mikið hlegið og alltaf jafn yndislegt að hitta þessar hressu kellur. Gerði 2 gerðir af muffins úr fína blaðinu mínu sem heitir "Cupcakes and Fairycakes"... annað var karamellumuffins en hitt hvítt muffins með jarðarberjum og frosting-kremi ofaná... frekar jummí :þ.

Jæja... er þetta ekki nóg sem fyrsta blogg haustsins... takk fyrir að ýta á mig :þ
kv
Krizzza

já og ps... sendi batakveðjur til aumingja mömmu, sem er olnbogabrotin heima á Akureyri... vildi óska þess að það væri styttra til hennar :s

Helstu fréttir... og svo farin norður í sumarfrí :D

2008-07-12T23:02:00.003Z

HæHæ...

já ég veit... ég er lotubloggari hehehe blogga annaðhvort daglega eða ekkert í 2 vikur :þ...

Nú blogga ég í dag og svo sennilega ekki aftur fyrr en um miðjan ágúst. Á mánudag er nefnilega stefnan tekin á Mývatnssveitina, mamma og pabbi eru þar og ég ætla að skella mér á norðurlandið í sumarfrí. Byrjaði reyndar í fríinu á föstudag og verð sko í heilar 5 vikur, hef aldrei áður tekið svona langt frí í einu og hlakka þvílíkt til. Ég fer sem sagt aftur að vinna 18. ágúst!!! Ætlum að hafa það þvílíkt huggulegt í fríinu, aðallega í afslappelsi og útiveru með börnunum og því búin að panta gott veður (ekkert smá bjartsýn hehehe) en annars finnst krökkunum ekkert verra að vera úti í rigningu þannig að þetta kemur bara allt í ljós.

Frá verslunarmannahelginni eigum við bústað á Illugastöðum í Fnjóskárdal, ætla að birgja okkur vel upp fyrir vikuna og vera bara þar í rólegheitum, ekki að eyða bensíni í að rúnta fram og aftur eins og þegar við vorum þar fyrir 2 árum hehehe enda kostaði bensínið helmingi minna þá en núna!!!

En allavegana, það sem helst ber til tíðinda er fæðing litla drengs Þóru og Völundarsonar. Drengurinn er þvílíkt yndi, fæddist á 2 ára brúðkaupsafmæli foreldra sinna. Þorlákur er búinn að nefna hann, þau mega sko velja á milli tveggja nafna... Þorlákur eða Þorlákur Völundur!!! mjög þjált nafn fyrir Bahamas hehehe Við erum búin að reyna að útskýra fyrir honum að foreldrar hans velji nafnið en hann bara bakkar ekkert með þetta, þannig að við ætlum bara að salta þetta mál í bili og tökum það upp aftur þegar foreldrarnir eru búnir að nefna/skíra gorminn :þ Hér er ein mynd af litla sæta Þorláki Völundi þegar hann var 2 daga gamall, ég fékk að kíka í heimsókn á sjúkrahúsið :D.

Algjört bjútí... ekki spurning. Sáum hann líka aðeins í dag, Siggi var að laga tölvu fyrir þau og við fengum að fara með og skila henni :D.. notum öll tækifæri til að hitta stubbinn.

Síðustu helgi fórum við í útilegu með fullt af tvíburaforeldrum, vorum samtals 8 fullorðnir og 8 4. ára börn, 6 strákar og 2 stelpur. Ekkert smá gaman. Ætluðum að fara í Hraunborgir og tjalda þar en þar sem þetta var stærsta ferðahelgi ársins og veðurspáin góð þá leit það ekki sérstaklega vel út... en svo vel vildi til að foreldrar Sigurlaugar eiga bústað við Gíslholtsvatn (aðeins lengra en Þjórsárbrú) og hann var laus þessa helgina, þannig að á föstudegi fóru Sigurlaug, Palli og synir með fellihýsið sitt, Guðrún, Bjarki og synir með fellihýsið sitt og svo Ágústa, Raggi og börn sem fengu að gista inni í bústaðnum, á staðinn :o). Ég var á 22 tíma vakt á föstudeginum en náði að sofna um leið og ég kom heim á laugardagsmorgninum og svaf til 12:30 og Siggi skellti sér svo í búðina meðan ég tók mig til og svo bara allt út í bíl og af stað. Komin af stað um kl 14:30 sem mér finnst nú bara ansi gott.
Þetta var yndisleg helgi, frábær aðstaða í bústaðnum og tjaldið okkar var bara ekki svo slæmt... í minningunni var það orðið hálf sjúskað en það var bara rennilásinn á fortjaldinu sem er hálf ónýtur á annarri hliðinni, en Ásta Birna saumaði hann saman fyrir nokkrum árum þegar þau fengu tjaldið lánað :o).
Börnin höfðu nóg við að vera, voru ótrúlega góð saman. Risastórt trampólín, sandkassi, dúkkuhús og svo auðvitað nóg af náttúru... fín hæð við húsið þar sem hægt var að fara í fjallgöngu, sáum þau alltaf frá bústaðnum og þetta eru bara mosavaxnar þúfur og ekkert grjót þannig að þó þau væru alltaf að detta í þúfunum þá héldu þau bara áfram :o). Svo var brekkan niður að lóðinni notuð sem rennibraut :o) yndislegt.

Þetta var sem sagt frábær helgi og vonandi getum við sem fyrst farið aftur með tvíburaforeldrunum í útilegu... og vonum að Hildur og Sigrún komist þá líka með.

Jæja... ætla að fara að leggja mig... var að setja yfir 400 myndir inn á barnanetssíðuna, 7 mánaða skammtur takk fyrir!!! Njótið vel og vonandi munið þið lykilorðið... það er millinafnið hans pabba en ekki með stórum staf.

Farin í frí.... efast um að ég komist í tölvu í Mývó en fæ að stelast í pabba tölvu á Akureyri ef ég verð eitthvað þar.
Hafið það gott
kv
Kristín

Afmælisdagur Gísla :o)

2008-06-24T12:01:00.004Z

Já... í dag á Gilli mágur afmæli, til lukku með daginn elsku Gilli.

Ég fór aðeins að hugsa þetta.... kynntist Gilla fyrst sennilega sumarið 1988... eða hitti hann fyrst þá þegar hann og Þorgerður systir voru að byrja að vera saman.

Ein skemmtileg minning er þegar þau sátu í bílnum hans Gilla fyrir utan Steinahlíðina í lengri lengri tíma og mömmu og pabba fannst tími til kominn að Þorgerður kæmi inn að sofa. Ég var send að sækja hana og auðvitað þorði ég ekki út þannig að ég bara blikkaði ljósinu í forstofunni hehehe.

Gilli er eiginlega meira eins og bróðir minn en mágur minn enda búin að þekkja hann svo hrikalega lengi. Ég var bara nýfermd sumarið 1988!!!

Svo fór ég að hugsa meira og man eftir ferð sem ég fékk að fara með þeim Þorgerði og Gilla í Ásbyrgi, man ekki hvaða ár en þetta var ferð farin út af afmælinu hans Gilla. Ég fékk að koma með!!! takið eftir... og var ekkert smá ánægð með það. Þetta var æðisleg ferð, ég gaf Gilla Benetton rakspíra í afmælisgjöf, í svörtu boxi, sexhyrnt.... og þetta var sennilega í fyrsta skiptið sem ég fékk að fara eitthvað með þeim tveimur, ótrúlega spennandi.

Svo man ég eftir ferð sem ég fór með þeim tveimur og Erin frænku okkar... á rosalega flottar myndir (á pappír en ekki digital :S) af okkur á gömlu brúnni yfir Skjálfandafljót hjá Goðafossi, Gilli með brúnu stóru gleraugun sín með plastumgjörðinni (voru enn stærri en þau sem Þorgerður átti hehehe) en hann var auðvitað með gleraugun á hvolfi hehehe.

Svo var alltaf svo spennandi að koma til þeirra í Norðurgötuna, þau í sinni eigin íbúð ótrúlega flott :þ. Passaði stundum elsku litlu Hildi mína og fékk að gista á svefnsófanum í stofunni, rosalega spennanid.

Svo bara flutti ég suður og hitti þau ekki eins mikið en svo fluttu þau hingað í hverfið til mín :o) þvílíkt lán..... og hann þarf að búa við það að ég og mín fjölskylda æðum inn um allt í Funalindinni ansi oft :þ

Til lukku með daginn elsku Gilli

Kristín litla mágkona

Komst að því að ég á voðalega fáar myndir af Gilla,
þarf að bæta úr því en hér er hann með konunum sínum og Degi Elís
á fermingardegi Hildar Valdísar

Laugardagur :o) og enn sól :D

2008-06-21T21:13:00.003Z

HæHæ.... bara alltaf að blogga :þ
Í gær var ég að vinna, 22 tíma vakt en ég fékk að taka langan kvöldmat þar sem okkur var boðið í grill hjá Völla og Þóru. Tilefnið var að Isabel og Morgan sem við hittum á Bahamas eru á landinu, gaman að hitta þær mæðgur aftur. Þar voru líka Hreinn, Olga og börn, Arna systir Þóru, Siggi maðurinn hennar og synir, Ólöf mamma Þóru og Palli Rós og Rut.... rosalega fínt og ekkert smá gott að slíta vaktina aðeins í sundur og fá grillaða almennilega hamborgara :o).
Svo var það bara vinnan, nóg að gera eins og alltaf... svaf í um 2 tíma.
Því næst kom ég bara heim og svaf til um 13, þá voru börnin á leiðinni út, voru úti á róló í lengri lengri tíma og fóru svo að leika sér í garðinum (fóru líka í morgun... þá að hjóla), voru í yfir hálftíma að klifra upp á steininn í garðinum og syngja :o) og voru úti til um 15:30 þegar við fórum hjólandi í kaffi til Möllu, hún var að baka skúffuköku og bauð okkur og við ákváðum að fara bara hjólandi. Fengum hjólavagninn sem nágrannar okkar eiga lánaðan og hjólið þeirra með svo það þyrfti ekkert að færa vagninn. Rosa fjör og góð skúffukaka og æðislegt veður á pallinum hjá Möllu. Ætluðum svo að fara að koma okkur heim og í búð að kaupa í kvöldmatinn þegar Malla bara bauð okkur í kvöldmat, Össi grillaði folald og pylsur jummí. Ég át alveg yfir mig og átti svo eftir að hjóla heim hehehe en það bara gekk vel og nú eru börnin vonandi sofnuð inni í herbergi.
Á morgun er planið að taka daginn tímanlega og skella sér í sund, hjólum væntanlega saman öll fjölskyldan, eða að ÞS og IS hjóli og við löbbum með, kemur í ljós.

Læt hér fylgja með 3 myndir frá 17. júní, til vitnis um að Þorgerður mín hafi verið með á Rútstúni hehehe fyrst ég gleymdi henni í 17. júní blogginu heheheh

Góða helgi
kv
Krizzza

Siggi og Ingibjörg sæta á Rútstúni

Ég og mömmustrákur... að borða snúða... hann hertók einn pokann og át og át :þ

Gilli, Þorgerður og Dagur Elís í blíðunni

Smá breyting

2008-06-19T18:17:00.002Z

Já... smá breyting... golfarinn sem ætlaði ekki að mæta á golfmótið á Englandi hætti við að hætta við og því er Siggi væntanlega ekki á leiðinni til Englands að spila golf :S.
Hjörvar greyið alveg miður sín yfir þessu en Siggi bara hress eins og alltaf... alveg sáttur auðvitað :þ
Ég reyni bara að vera dugleg að hleypa honum á golfvöllinn í staðinn, ekki gengur annað.

Í gær sótti ég gormana í leikskólann, hitti þar Guðrúnu Ólu sem var á leiðinni á rólóinn bak við húsið okkar að hitta þar Ágústu með sína krakka. Ég mætti auðvitað líka og sat í sólinni og brann smá... gleymdi alveg að fá mér sunblock enda kaldur vindur þó það væri hlýtt í skjóli :þ Rosa gaman og þessi 6 börn okkar léku sér vel saman, stefnum á svona hitting á róló aftur á næstunni.

Tengdamamma og Tinna Ösp komu svo í mat og fengu hjá okkur grillað lambalæri og tilbehör... ljómandi fínt.

Jæja... ætla að fara að leggja á borðið, afgangar frá því í gær og í fyrradag :þ bara veisla hehehe
og svo vakt á morgun, fyrst tannlæknir :S
Takk fyrir kommentin... ekki síst frá litlu uppáhaldsfrænku á Akureyri, kíki við hjá þér í dónabúðinni þegar ég mæti í sumarfrí hehehe
kv
Krizzza

Hmmmmmm

2008-06-18T16:24:00.002Z

Já elsku Þorgerður mín, gleymdi að minnast á að þú, Gilli og Dagur Elís voruð auðvitað með okkur á Rútstúni í gær... var bara búin að skrifa svo mikið og átti að vera farin að elda... Siggi reddaði því :S.... er smá brunnin eftir sólina í gær, hélt að ég væri ekkert brunnin en er smá rauð á bringunni og svo sveið svolítið mikið framan á sköflungana á mér í sturtunni í morgun hehehe tók ekkert eftir því í gær en ég er sem sagt rauð framan á.... upp á miðjan sköflung um það bil og svo hvít þar fyrir ofan hehehe var í leggings :þ

Gleymdi líka að segja frá því að ég fór með fjölskylduna mína í Blóðbankahlaupið í síðustu viku... hef aldrei áður farið en þetta er árlegt hlaup á Alþjóða blóðgjafadeginum. Veðrið var bara svo gott að við skelltum okkur og svo var ekki verra að eftir hlaupið var boðið upp á grillaðar pylsur... alltaf gott að fá frían kvöldmat í kreppunni hehehe Þorlákur og Ingibjörg voru svo hrikalega þreytt að þau voru bara í kerrunni.... vegna veðurs fóru þau með deildinni sinni á leikskólanum í strætó í Guðmundarlund (hluti af Heiðmörk í landi Kópavogs, við hæðina sem húsið okkar mun rísa!!!) og voru þar nánast allan daginn, fengu hádegis mat þar og allt hreint.... og höfðu því ekki orku í göngutúr :þ
Hlaupið gekk vel, pylsurnar fínar og börnin sofnuðu vel eftir allt saman.
Um kvöldið bauð ég Þorgerði systur í sund með mér í Laugardagslaug (Malla var búin í sundi þann daginn og var því ekki boðið með :þ). Við reyndar snerum nærri því við á bílastæðinu, sáum þar tvo menn koma gangandi annar með bolinn yfir hausinn á sér... við auðvitað "nei er verið að steggja einhvern" en svo voru þetta tveir útlendingar, töluðu hátt á hrognamáli og fóru að berjast þarna á bílastæðinu!!! Við bara hörfuðum frá og ég hringdi í lögguna sem var nú frekar afslöppuð yfir þessu öllu.... svo fór annar gaurinn upp í bíl og keyrði í burtu en hinn bara inn í afgreiðsluna og talaði þar við starfsmann, fór með starfsmanninum út og við héldum að hann væri bara farinn... þangað til við sáum hann við heitu pottana rétt áður en við fórum upp úr sundinu aftur... sáum lögguna aldrei koma :S

Eftir sundið langaði okkur í ís og Þorgerður dreif mig vestur í bæ í ísbúð rétt hjá Melabúðinni þar sem hægt er að panta nýjan ís og gamlan ís, gamli ísinn er líkur Brynjuís en samt ekki eins :þ. Stóðum þar heillengi í röð og voru alveg að frjósa... og komumst að því að það er búið að opna aðra svona ísbúð á Grensásvegi.... vitum af því næst.

Og eitt enn sem ég átti eftir að skrifa um.... fyrir einhverju síðan, kannski 2 vikur, kannski meira kannski minna.... er ekki með tímaskyn í lagi :S þá fengu ÞS og IS að fara alveg sjálf og velja sér föt og borga alveg sjálf fyrir með peningum sem þau fengu í afmælisgjöf. Ég ætlaði upphaflega að nota þennan pening til að borga niður Visa-reikninginn eftir H&M ferðina í Stokkhólmi en ákvað að leyfa þeim frekar að kaupa eitthvað sem þau langaði í. Fórum í Hagkaup og þar voru til Henson Latabæjargallar sem þeim finnst auðvitað æði. Þau fóru á sinn hvorn kassann og borguðu alveg sjálf, rosalega stolt... og fóru svo í Toys r´ us og keyptu sér smá dót fyrir afganginn :þ

Jæja....
þarf að hunskast út í góða veðrið og sækja börnin, tengdamamma og Tinna Ösp væntanlegar í kvöldmat... Siggi ætlar að elda lærið sem við ætluðum að hafa í gær, frestuðum því um einn dag svo við gætum verið lengur á Rútstúni :þ

Takk fyrir öll kommentin, þið eruð yndi :D
kv
Kristín.... með styttra blogg en áður jeijei

Næsta brúðkaup, fjölskyldudagur, Þjóðhátíð og fleira

2008-06-17T17:49:00.002Z

JáJáJá... ég veit.... ég er alltof léleg að blogga :S.... sem er sennilega af því að ef ég blogga þá er það þvílík langloka að ég er svo lengi að skrifa að ég gef mér ekki tíma í það :þ
En allavegana... kominn tími til.
Í dag er 17. júní... ekkert smá frábær 17. júní... en skrifa um það síðar... ætla að byrja á að skrifa um brúðkaupið sem við hjónin fórum í þann 7. júní. Þá voru Hildur Ýr og Öddi að gifta sig... ég kynntist þeim fyrir tæpum 4 árum, sumarið 2004, fyrir hálfgerða tilviljun. Ég og Siggi eignuðumst Ingibjörgu og Þorlák og fórum á foreldranámskeið til að undirbúa okkur undir komu tvíburanna. Þar hittum við Guðrúnu Ólu og Sigrúnu sem eignuðust sína tvíburastráka í júlí og ágúst 2004. Guðrún Óla á vinkonu sem var með stelpuna sína á vökudeild á sama tíma og við og því komumst við í samband við hana. Ágústa sem eignaðist sína tvíbura í júlí var með mér í öðrum spjallhóp og líka Sigurlaug. Ég, Ágústa og Guðrún fórum að hittast með börnin í göngutúrum og í einum slíkum rákumst við á Sigrúnu sem býr í næstu götu við okkur Sigga. Sigurlaug sem eignaðist sína stráka í júlí fór að hafa samband við Guðrúnu og Ágústa og Hildur Ýr , sem eignaðist sín börn í júlí, bjuggu rétt hjá hvor annarri og hvort þær voru ekki á sama foreldranámskeiði.
Allar þessar tilviljanir urðu til þess að þessar 6 tvíburamömmur fóru að hittast í göngutúrum og svo í heimahúsum með börnin með sér. Yndislegir hittingar sem voru til þess að draga hver aðra í göngutúr og svo í heimahús þar sem hægt var að ræða saman, stynja saman, brosa saman og skilja hver aðra!!! Þegar börnin voru orðin rúmlega eins árs hættum við að hittast með börnin með okkur (enda 12 börn!!! 9 strákar og 3 stelpur) og fórum að hittast á kvöldin í "saumaklúbb" og höfum haldið því áfram síðan, nú eru að verða komin 4 ár frá því við hittumst fyrst allar saman. Við höfum reyndar tvisvar hist með öll börnin og alla karlana líka, eða þá sem hafa komist, því að Hildur Ýr er danskennari... kennir Þorláki og Ingibjörgu að dansa.... og gat því boðið okkur að hittast í salnum þar sem danskennslan fer fram. Gerðum það í jan/feb bæði á þessu ári og í fyrra... gekk ótrúlega miklu betur á þessu ári enda börnin öll að verða 4 ára.

En þetta er sem sagt forsagan að þessu öllu... fullt af yndislegum tilviljum sem leiddu okkur allar saman og svo ákváðu Hildur Ýr og Öddi að gifta sig og þau buðu öllum þessum tvíburamömmum og mökum að njóta dagsins með þeim. Ágústa og Raggi komust ekki, þau voru erlendis en við hinar gátum allar mætt og karlarnir með okkur.
Hildur Valdís mætti til að passa fyrir okkur, athöfnin var kl 18 og veislan strax á eftir. Athöfnin var auðvitað yndisleg, séra Pálmi gifti þau (sem fermdi mig) og Regína og Friðrik Ómar sungu í kirkjunni. Regína fyrstu tvö lögin en svo kom Friðrik Ómar og söng "Hún hring minn ber" og Regína aðeins með honum og þetta var svo stórglæsilegt hjá þeim að þegar þau voru búin að syngja lagið fóru bara allir ósjálfrátt að klappa!!!
Veislan var svo haldin á 20. hæð í Turninum við Smáratorg, höfum aldrei komið þangað áður. Glæsilegur salur og hrikalega skondið að horfa út um gluggann og niður á húsið okkar... sem stendur uppi á hæð :þ. Maturinn var hrikalega góður, Siggi Gísla vinur Völla Snæs er yfirkokkur þarna og stóð sig auðvitað vel, hörpuskel í forrétt, hreindýr í aðalrétt og súkkulaðikaka frá Hafliða í Mosfellsbakaríi í eftirrétt.
Skemmtiatriðin ljómandi. Þau afþökkuðu allar gjafir og vinir Ödda gáfu honum í staðinn skemmtiatriði, Jónsi kom og söng og skemmti. Við tvíburamömmurnar gáfum SOS-barnaþorpunum pening í þeirra nafni svo við kæmum ekki alveg tómhentar. Sigurlaug og Guðrún skelltu saman ræðu við borðið en fyrst fór Guðrún Óla og söng eitt lag án undirleiks fyrir þau tvö, fór aðeins á klóið til að æfa sig :þ alveg óundirbúið fram að því... og stóð sig ekkert smá vel :D Svo voru fleiri ræður og svo var auðvitað sýndur dans... í kjólum sem Hildur Ýr dansaði í fyrir yfir 20 árum síðan!!! Svo mætti hljómsveitin, Milljónamæringarnir og Margrét Eir og Raggi Bjarna sungu. Tvíburaforeldrarnir voru komnir í þvílíkt stuð, með Mojito og fleira og dönsuðum og dönsuðum. Svo skelltum við okkur heim til Sigrúnar.... tók reyndar sennilega um 30-40 mínútur að fá leigubíl en það tókst.... og svo eftir stopp þar þá skelltum við okkur heim, labbandi og pöntuðum svo leigubíl fyrir Hildi heim.
Rosalega gaman auðvitað og við ótrúlega hress daginn eftir miðað við allt :þ.

Svo man ég ekkert allt sem ég gerði eftir það, vaktir, saumaklúbbur hjá Brynju (Glerárskóla-saumaklúbburinn), átti að fara í Heiðmörk að grilla með Mývó-saumó en það endaði í sundferð (sem við urðum að sleppa af því að Þorlákur slasaði sig í leikskólanum þann dag og Þorgerður þurfti að líma sárið saman) og svo McDonald´s ferð á eftir sem við mættum í og höfðum gaman að.

Síðustu helgi áttum við rólega helgi, loksins :þ allar helgar frá því í byrjun maí búnar að vera planaðar í botn en loksins kom að helgi sem ekki var plönuð.... reyndar ætlaði ég að reyna að komast með börnin norður í Mývó í fermingu Huldu Maríu frænku minnar en það gekk ekki, því miður. Á föstudagskvöldið voru reyndar GogoLeikar í vinnunni hjá Sigga... liðið hans tapaði :( en hægt er að skoða myndband frá leikunum á YouTube, linkurinn er http://youtube.com/watch?v=5dvoR6gbGBI ef ykkur langar að skoða vitleysuna :þ. Á laugardeginum vorum við hjónin í letistuði, börnin frekar stillt, fengu morgunmat um kl 9:30 og svo sjónvarpið á eftir og við ekki á fætur fyrr en um 10:30!!! Sem sagt næstum því að sofa út :þ. Þá skelltum við okkur í sund, ÞS og IS hjóluðu á nýju hjólunum sínum (sem við keyptum í Byko nýlega, tvíhjól með hjálpardekkjum). Rosa stuð í sundi auðvitað, svo var smá hádegismatur eftir sundið, þau fóru aðeins að leika við Maríu vinkonu sína sem býr hér í götunni (hún og Sigrún sem er líka á gulu-lind á Dal búa í sama húsi en Sigrún var í útilegu og María því mikið að spyrja eftir ÞS og IS þessa helgi). Svo skelltum við okkur í Húsdýragarðinn, ekkert smá gott veður. Það var glampandi sól en ekki mikill hiti (um 12-14 gráður sennilega) en það var nánast alveg logn í Húsdýragarðinum og því vel heitt og gott á íslenskan mælikvarða!!! Við vorum þar nánast fram að lokun, sennilega í 3 klukkutíma, þau fóru 2 ferðir í hringekjuna og eina ferð í lestina. Fullt af nýjum dýrum auðvitað og fullt af fólki en samt enginn troðningur. Svo var bara leti á heimleiðinni, keyptum McDonald´s handa gormunum og KFC handa okkur í kvöldmatinn :þ. Svo fóru þau aðeins upp til Söru eftir kvöldmatinn (enda borðuðum við svo snemma) og svo voru það 2 verulega þreytt börn sem sofnuðu það kvöld um kl 8 eins og vanalega :þ.
Á sunnudeginum ætluðum við aftur í sund en það var bara leiðinlegt veður þannig að við vorum aðallega í afslappelsi, bakaði snúða.... og náði auðvitað að slasa mig við það. Var bara rétt að byrja, græjan á hrærivélinni uppi og ég teygði mig yfir skálina undir hnoðarann til að setja græjuna niður, nema hvað að ég ýtti á vitlausan takka, hnoðarinn fór að snúast og auðvitað beint á framhandlegginn á mér og stoppaði nánast þar enda var hendin bara alveg föst þarna undir :S Ég var nánast með gat inn í handlegginn og er með hrikalegan marblett á hendinni... OFURAULI!!! bara ofuraular slasa sig á hrærivélinni sinni hehehe.... náði að klára að gera deigið sem fékk svo að hefa sig lengi lengi meðan við Siggi gláptum á handbolta og fótbolta til skiptis og börnin léku sér. Snúðarnir enduðu bara sem eftirréttur eftir kvöldmatinn :þ

Í gær, vinna.... ekkert spennandi.... og svo er komið að því að skrifa smá um 17. júní.

Siggi fór aðeins í vinnuna í morgun, Jónas framkvæmdastjóri Gogogic á leiðinni í frí til Spánar og Siggi aðeins að komast inn í hlutina og klára smá í friði, gott að vinna þegar þeir eru bara tveir á staðnum.
Þegar Siggi kom heim vorum við alveg tilbúin að fara á Rútstún. Börnin komin í fín föt og ég til með aukaföt og nesti. Hafði með restina af snúðunum síðan á sunnudag úr frystinum, 6 kókómjólk, 4 appelsínusafa og 2 stútfullar flöskur af Soda Stream sódavatni.... sennilega eina Soda Stream nestið á staðnum hehehe. Svo auðvitað með fína teppið sem Ádda og Klaus gáfu okkur hér um árið, ullarteppi með plast/ál bakhlið þannig að maður verður aldrei rassblautur á því að sitja á því, algjör snilld sem vekur mikla athygli á Rútstúni á hverju ári!!
Fórum í skrúðgöngu frá MK yfir á Rútstún, börnin fengu að labba en nestið og aukafötin voru í kerrunni hehehe.
Dagurinn æðislegur, sennilega um 16 stiga hiti, glampandi sól en svolítill vindur en hann var á bakið á okkur og því allt ok. Ekkert eðlilega margir á túninu, hef aldrei áður séð svona fjölda þar á 17. júní, en við fundum okkur samt góðan stað í brekkunni þar sem við fylgdumst með skemmtiatriðum. Ég held að ég hafi ekkert brunnið enda búin að bera sólarvörn á alla fjölskylduna áður en við mættum á staðinn. Börnin fengu candy-floss (og fannst það ekkert spes hehehe) og svo átum við snúða, var með svo mikið að við náðum ekki að klára þá :þ sem er gott.

Svo bara erum við komin heim, er að fara að steikja hakk í kvöldmatinn og svo stefni ég á að skella mér í Reykjarvíkurhátíðahöld í kvöld, ætla með Þorgerði systur og reyna að sjá Ný dönsk og Þursaflokkinn þar og jafnvel að mæta aftur á Rútstún og klára daginn þar, kemur í ljós.

Siggi var að fá símtal frá Hjörvari vini sínum sem er orðinn svæðisstjóri Icelandair í London (nýfluttur út aftur, við heimsóttum þau til London þegar ég varð þrítug en svo fluttu þau heim og svo aftur út núna þar sem hann er orðinn svæðisstjóri). Icelandair halda alltaf (eða styrkja eða eitthvað svoleiðis) eitt stykki golfmót í júní á hverju ári. Siggi hefur verið "varamaður" undanfarin ár ef einhverjir afboða sig og það kom að því, mótið er í næstu viku og það er laust pláss fyrir Sigga, hann fer út á mánudagskvöld og kemur aftur á miðvikudagskvöld... ég þarf bara að reyna að redda þessu öllu, á að vera á bakvakt á mánudag og auðvitað að vinna 9-17 á þriðjudag en börnin eru með pláss á leikskólanum til 17. Reyni bara að breyta vaktinni og fá Þorgerði systur í að sækja börnin fyrir mig á mánudag/þriðjudag eða að fá að fara fyrr heim úr vinnunni í 2 daga, það kemur í ljós og ég veit að það reddast :o). Spennandi fyrir Sigga... sem er rétt að byrja í golfinu þetta árið, þarf að vera duglegur á golfvellinum fram á mánudag :þ

Jæja.... Siggi farinn að elda þar sem ég var svo lengi að blogga....
Gleðilega Þjóðhátíð allir sem nenna að lesa... reyni að hafa bloggið styttra næst :þ
kv
Kristín E.

Ingunn og Gísli gift, komin frá Sverige.. og fleiri fréttir :þ

2008-06-04T20:47:00.002Z

HæHæ....
já ég er komin aftur frá Sverige, reyndar tæp vika síðan en það er búið að vera nóg að gera.... eins og vanalega hehehe
Ferðin gekk ljómandi vel...... hmmmmm átti víst eftir að skrifa um annað líka, byrja þar.
Helgina fyrir Sverige fórum við hjónin og börnin til Akureyrar. Láki frændi fékk far með okkur norður, hann var í Minneapolis með Dóra flug frænda okkar.. Dóri er flugstjóri og bauð Láka með sér af því að hann var í stoppi í Minneapolis, gaman að því :o). Ástæðan fyrir norðurferðinni var auðvitað að fara í brúðkaup Ingunnar og Gísla... en það var ekki fyrr en á sunnudag.... byrjunin fyrst.
Ferðin norður gekk vel, fengum okkur kvöldmat í Borgarnesi og börnin sofnuðu eftir það og sváfu alla leið. Svo skiluðum við Láka í Norró og þau vöknuðu aðeins þar og hittu Lillu sem kom auðvitað út að bíl til að sjá þau. Jonni veifaði til okkar frá svölunum :o). Svo fórum við heim í Steinahlíð og þá voru ÞS og IS alveg í stuði, rosalega gaman að hitta afa og ömmu. Þau sofnuðu svo uppi í ömmu og afa rúmi, ég og Siggi vorum í mínu gamla herbergi og pabbi greyið í Þorgerðar herbergi hehehe honum var úthýst fyrir los tvíbbos (hann er orðinn vanur þessu.... síðan barnabörnum fór að fjölga :þ). Á laugardag var auðvitað grautur í hádeginu í Norró, við Siggi sváfum aðeins lengur en vanalega en aumingja amma var fyrst vakin um kl 5 af Þorláki, sem sofnaði aftur en vaknaði svo fyrir klukkan 7!!! reyndar eins og vanalega en hér heima þá bíður hann í sínu herbergi þar til við leyfum honum að koma til okkar.... heragi hjá þreyttu foreldrunum hehehe.
Eftir grautinn (já smá um grautinn, Lilla var auðvitað búin að sjóða sérstaklega slátur fyrir Siggann minn, hann borðar nebblega ekki súrt slátur en finnst voðalega gott að fá nýtt slátur með grautnum... ofurdekraður hjá minni familíu :þ) þá vorum við bara í rólegheitum áfram í Norró, mamma og pabbi fóru að undirbúa kvöldið (sko Eurovisionkvöldið!!!) og við sáum smá af brúðkaupi Jóakims og Maríu í danaveldi, sáum gestina koma og auðvitað þegar brúðurin gekk inn kirkjugólfið... og ég fékk auðvitað tár í augun þegar ég sá brúðgumann fá tár í augun....
Svo skelltum við okkur í Brynju í ísferð, klikkum stundum á því en það mátti ekki klikka núna hehhe. Fyrir utan Brynju sátum við og borðuðum ís og sáum kött... og þá datt mér í hug að kíkja til Arnhildar litlu frænku minnar í heimsókn (hún er sko ennþá litla frænka mín þó hún sé orðin þrjátíuogeins.... og miklu hærri en ég :þ) og það var rosa gaman að hitta hana. Hún var ein heima með kanínunni sem vakti auðvitað mikla lukku hjá okkar börnum (sem biðja ansi oft þessa dagana um hund!!!) og svo kom annar kötturinn þeirra heim sem vakti ekki minni lukku. Við stoppuðum bara stutt en kíkjum vonandi aftur í sumar.... reikna með að verða ansi mikið fyrir norðan í sumarfríinu :D.
Svo fórum við bara heim að undirbúa Eurovisionkvöldið mikla. Ekki reiknuðum við nú með sigri Íslands en vorum samt í góðu stuði eins og alltaf þegar Eurovision er haldið. Mamma rifjaði upp gamla tíma með því að hafa fondue fyrir okkur, ég kom með fonduepottinn minn með norður og Siggi fékk 6 gaffla þannig að hann væri búinn með meira en 6 bita á klukkutíma hehehe ekki alveg uppáhaldið hans Sigga :þ. Rosalega góður matur, 4 tegundir af kjöti, 4 tegundir af sósu, grænmeti og salat... og svo ekki verra að mamma var með súkkulaðifondue í eftirrétt.... jarðarber, ferskur ananas, perur og sykurpúðar!!! öllu dýft í brætt súkkulaði og mars :D ógó gott. Friðrik Ómar og Regína stóðu sig þrælvel og við fengum atkvæði frá þeim sem við bjuggumst við... aðalatriðið er að hafa gaman að þessu... sem við höfðum.
Svo sunnudagur.... við hjónin sváfum aftur aðeins lengur en vanalega. Fengum okkur svo morgunmat og Siggi frændi kom í heimsókn til okkar með Ninnu, hana langaði svo að hitta Þorlák og Ingibjörgu... og við hittum hana meira í júlí/ágúst vonandi. Gaman að eiga jafnaldra-frænku :o) (eða 3 árum yngri eins og Arnhildi litlu frænku mína hehehe). Svo var bara að koma sér í sparidressin... Þorlákur og Ingibjörg í jólafötunum sínum og Siggi í nýrri skyrtu og með nýtt bindi (sem við keyptum í JMJ á laugardeginum) og ég í kjól sem ég keypti í Debenhams í haust.... og svo var haldið af stað áleiðis að Vallakirkju í Svarfaðardal... þar bjó Gísli Davíð í mörg mörg ár á bæ sem stendur alveg við hliðina á kirkjunni. Æðislegt veður :o) og falleg kirkja. Ég sá um bæði krílin, Siggi var á videovélinni í kirkjunni. Ég sat við hliðina á Bennu móðursystur Sigga og hún hjálpaði mér með börnin. Hún var í því að lyfta Ingibjörgu svo hún sæi betur... ég á um að lyfta Þorláki. Ingunn var í hrikalega fallegum brúðarkjól sem hún pantaði á netinu frá Kína... hvítur með grænum "borða" með útsaumi, Gísli og Hallgrímur í íslenskum búningi og Jóhanna Sigríður í hvítum og grænum kjól sem tengdamamma prjónaði :o)... Ingunn búin að setja inn nokkrar myndir sem Vala vinkona hennar tók á http://brudkaup2008.blogcentral.is/myndasafn/241212/ Athöfnin var rosalega falleg, Ásta vinkona Ingunnar (og dóttir Hófíar vinkonu mömmu) söng, Eyþór (sem vann í Bandinu hans Bubba) söng líka og spilaði undir á gítar og svo sungu allir í kirkjunni einn sálm (Dag í senn... sem var líka sungið yfir okkur Sigga hhehehe).
Veislan var svo haldin á Húsabakka, hinum megin í Svarfaðardalnum. Ekkert smá flottar kökur :o) Þorlákur og Ingibjörg voru aðallega í því að leika sér úti og Þorlákur borðaði endalaust margar rice krispies kökur (og endaði reyndar á að gubba um miðja nótt eftir að við komum heim.... sennilega of mikið af rice krispies kökum og of lítið af venjulegum mat :þ).
Svo bara var haldið heim... upp úr kl 18 enda ég á leiðinni í loftið til Sverige kl 7:50 næsta morgun....
Við komum nokkuð tímanlega heim, ég færði snyrtidótið úr einni tösku í aðra... ég var auðvitað búin að pakka niður fyrir Svíþjóðarferðina á fimmtudegi, pakkaði þá niður fyrir mig í tvær ferðir og fyrir helgina fyrir börnin... og lét Sigga pakka niður þegar hann kom heim úr fótbolta :þ. Svo bara reynt að sofa... sem gekk ekki vel reyndar... ég svolítið þreytt og spennt og með illt í maganum (sem gerist alltaf hjá mér eftir langan akstur og líka fyrir flug hehehe).... og eins og áður sagði þá vaknaði Þorlákur um miðja nótt og gubbaði..... reyndar svo snyrtilegur að það fór nánast allt í klóið, smá á gólfið á baðinu en ekkert í rúmið!!!! Duglegur 4 ára snáði.
Svo fór ég bara á fætur um kl 4:30, var sótt kl 5:20 af leigubíl.
Svíþjóðarferðin var sem sagt á ráðstefnu í Luleå (eða svo hélt ég :þ) með Palla líffræðingi sem vinnur með mér, Þorbirni lækni sem vinnur með mér og Sigga sem vinnur hjá Fastus, umboðsaðila BioVue og AutoVue á Íslandi (sem sagt tækin og græjurnar sem við notum og vorum að fara að fræðast um á ráðstefnunni). Flugið var á réttum tíma... ég hundstressuð að fljúga (sem ég skil ekki alveg.... var aldrei flughrædd og er það eiginlega ekki, finnst svo gaman að fljúga!!!) og flugið gekk auðvitað ljómandi vel.
Lentum í Stokkhólmi og tókum Arlanda Expressen lestina inn í miðborg. Svo bara löbbuðum við á hótelið, sennilega 4-5 mínútna rölt frá lestarstöðinni :o). Þegar við ætluðum að tékka okkur inn var smá vesen.... óvart hafði verið bókað á okkur eitt 4 manna herbergi í staðinn fyrir 4 eins manns herbergi heheheh en því var bara reddað. Ég spændi með töskurnar upp á herbergi, fékk mér kort í lobbíinu og fann hvar ég var og spændi beint á Hamngatan og í stærstu H&M búðina þar (þær eru 3 við sömu götuna, bara nokkur hús á milli en ég vissi hvar best var að fara!!!). Verslaði og verslaði föt á Þorlák, Ingibjörgu, Sigga, Einar Örn, Kristján Örn og Dag Elís. Afskaplega almennilegt starfsfólk sem fundu bara hillu fyrir mig fyrir aftan búðarkassana til að stafla fötunum hehehe. Svo borgaði ég og rölti með þetta upp á hótel, kom þessu fyrir í tösku og skoðaði hvað ég hafði keypt fyrir hvern.... fann eina þjófavörn og fattaði að ég hafði einhversstaðar lagt frá mér tvennar gallabuxur sem ég ætlaði að kaupa fyrir Einar Örn og Dag Elís og fór því aftur í H&M. Losnaði við þjófavörnina og fann buxurnar aftur og skoðaði smá föt fyrir mig (fann einar stuttar gallabuxur, leggings og sokka fyrir mig... sem sagt minnst fyrir mig eins og alltaf :þ) og borgaði aftur og skilaði þessu upp á hótel. Þá voru liðnir um 2 tímar og vísa frændi búinn að borga ca 70 þúsund kall í H&M... var að koma í veg fyrir kreppu í Stokkhólmi :þ. Og þar með var ég búin að versla.... þetta var eini tíminn sem ég hafði og ég notaði tímann vel. Svo fórum við út að borða á Jensen´s steikhús.... fékk ljómandi fínan kylling (kiðling eða kjúkling.... spyrjum frænku að því hehehe smá einkahúmor :þ) og fór bara snemma að sofa enda vel þreytt eftir mikil ferðalög... kallarnir fóru á barinn.
Á þriðjudegi var ég fyrst í morgunmat (enda búin að sofa í 10 tíma hehehe) og svo var haldið aftur út á lestarstöð, aftur með Arlanda Expressen út á flugvöll og í flug til Luleå. Þar beið okkar rúta sem ók með okkur í hátt í 1,5 tíma á Hotell Storforsen... hótel sem stendur eitt og sér við "storsta forsen i Europa" sem við skiljum sem stærsta fossinn í Evrópu... en í raun eru þetta 5 km langar flúðir... og flúðir eru bara alls ekki foss hehehe En fallegar voru flúðirnar. Þetta er 4 stjörnu hótel, allt ljómandi vel skipulagt. Við fengum límmiða með nöfnunum okkar til að merkja töskurnar og þær voru teknar úr rútunni fyrir okkur og upp á herbergi (ég með svo mikinn farangur að ég var spurð hvort ég ætlaði að ferðast mikið um Svíþjóð eftir ráðstefnuna hehehe) þið getið skoðað hótelið á http://www.storforsen-hotell.se/ og athugið að á myndunum sjást bara neðstu 2 km af 5 km flúðunum. Ég kíkti aðeins inn á herbergi og við fengum smá að borða og svo bara byrjuðu fyrirlestrarnir, rúmir 2 klst. Svo áttum við að fara í hlýrri föt og betri skó og fengum leiðsögumann til að sýna okkur flúðirnar (reyndar 4 leiðsögumenn fyrir 4 hópa, svolítið mörg). Ég var nú bara í nýju galla-stuttbuxunum, langerma bol og gallajakka og í Ecco strigaskóm... ekki fannst mér kalt þarna miðað við á Íslandi hehehe. Fallegar flúðir, flott umhverfi og ég væri alveg til í að kíkja þangað aftur og fara í dagsgönguferð til að skoða svæðið betur.
Um kvöldið var svo þrælfínn matur, reyktur lax í forrétt, svínasteik, lax og hreindýr í aðalrétt og svo panna cotta í eftirrétt.
Svo var bara spjallað og kíkt á bar sem var ca 200m frá hótelinu, ég bara labbaði í hælaskónum mínum hehehe og sat þar í smá stund áður en ég fór að sofa... enda byrjuðu fyrirlestrarnir kl 8 næsta morgun... og þá þurfti að vera búið að tékka sig út úr herberginu. Já sem sagt, næsta dag fyrirlestrar kl 8-10 og þá bara beint út í rútu sem fór að splunkunýju sjúkrahúsi sem við áttum að fá að skoða. Þetta sjúkrahús er mitt á milli Luleå og Boden... út á miðju túni langt frá allri byggð... þetta er sem sagt leið Svía til að mætast á miðri leið, það voru miklar deilur um hvar þetta nýja fína sjúkrahús ætti að vera og af því að það voru deilur um hvort það ætti að vera í Luleå eða Boden þá var það bara sett þar mitt á milli... ekki eitt einasta hús sjáanlegt frá sjúkrahúsinu hehhehe og kannski bara allir fúlir eða??? Flott sjúkrahús en agalega úldinn svíi sem sýndi okkur það, talaði lágt og fannst þetta bara almennt leiðinlegt hehehe en svo var voða fín kona sem sýndi okkur blóðbankann, sem var bara lítil blóðstöð... engir blóðgjafar og engin vinnsla á blóðhlutum, það er allt gert í Luleå og Boden hehehe en engu að síður gaman að sjá þetta.
Svo fengum við að borða sjúkrahúsmat hehehe sem var öllu skárri en á Lansanum :þ ég fékk fínasta pasta með osta og skinkusósu.
Og þaðan var haldið aftur út á flugvöll og flogið til Stokkhólms og aftur í Arlanda Expressen og út í leigubíl... á annað hótel. En þá var hin ameríska Lísa (Condoleezza Rice) stödd í Stockholm og öll umferð stoppuð í miðbænum í um 45 mínútur!!! Sem sagt lengi áður en hún keyrði framhjá og lengi eftir að hún fór... og allan tímann sat ég inni í leigubíl og beið eftir að komast af stað :þ en hótelið var fínt, reyndar leit lobbíið ekki vel út.... hótelið nýopnað og greinilega smá þjófstartað þar sem það var verið að vinna á neðstu hæðinni, þvílíkur hávaði en það heyrðist ekkert upp á okkar hæð. Ég og Palli með herbergi hlið við hlið og ákváðum að fara í smá göngutúr áður en við ætluðum að hittast og fara í kvöldmat. Konan hans Sigga var mætt á staðinn, Guðbjörg, og þau ætluðu að eiga notalega barnlausa daga í Stokkhólmi. Ég og Palli löbbuðum og skoðuðum Vasagarðinn, rosalega flottur garður með risa trjám, fullt af fuglum og fullt fullt af fólki út um allt. Leiktæki fyrir börnin og allt bara æðislegt, langaði svo að hoppa á risa hálfgerðu trampólíni með börnunum mínum. Hittum svo restina af liðinu á hótelinu og fórum á Indverskan stað að borða... frábær þjónusta og hrikalega góður matur. Svo bara upp á hótel að sofa. Næsta dag fórum við snemma af stað, flugið var ekki fyrr en kl 14:20 en það voru endalausar fréttir um umferðarhnúta og lokaðar götur út af Condoleezzu þannig að við ákváðum að vera tímanlega... ég ætlaði sko ekki að vera of sein og missa af því að skila tax free miðunum mínum!!! (ca 7-8 þúsund takk fyrir :þ). Svo komumst við bara að því að það væri ómögulegt að taka leigubíl, allt lokað í miðbænum, þannig að við löbbuðum í ca 10 mínútur (eða 15 mínútur) og tókum neðanjarðarlest niður í miðbæ og svo í fjórðu ferðina í Arlanda Expressen og út á flugvöll. Mætt snemma og orðin ógó klár í að tékka okkur sjálf inn hehehe og ég náði að skila tax free dótinu á rétta staði :D. Svo bara kláruðum við síðustu sænsku krónurnar, ég keypti smá gjafir handa liðinu heima, eyrnalokka fyrir mig og Esprit "skyrtu" handa mér. Flugið á réttum tíma, flugþjónn Íslands að sinna okkur og allt ljómandi fínt.
Svo auðvitað verslaði ég smá í Fríhöfninni, kvaddi karlana og dreif mig í gegnum tékkið þar sem Þorlákur, Ingibjörg og Siggi biðu mín :D :D :D það var starfsdagur í leikskólanum þannig að ég plataði þau til að sækja mig :o).
Æðislegt að hitta þau aftur... ég verð alltaf svo hrikalega ástfangin af manninum mínum eftir nokkurra daga aðskilnað, nauðsynlegt við og við.
Siggi passaði í allt sem ég keypti handa honum og Þorlákur fékk derhúfu og Ingibjörg fékk nýjan kjól (langaði reyndar í Ariel kjól eða Hello Kitty kjól en ég keypti bara rauðköflóttan kjól sem hún var hæstánægð með).
Svo bara vinna, 8 tímar á föstudegi, 20 tímar á sunnudegi :þ....

Næstu helgi verður svo næsta brúðkaup, Hildur Ýr og Öddi tvíburaforeldrar að gifta sig, veislan verður á 20. hæð í nýja turninum við Smáralind :o) og okkur hlakkar til... alltaf gaman í brúðkaupum.

Jæja... Siggi heldur að enginn nái að lesa svona langt.... þessi langloka er aðallega skrifuð svo ég muni seinna hvernig þetta allt var... vona samt að einhver nenni að lesa :þ treysti á Áddu frænku ;)
Heyrumst
kv
Kristín blaðurskjóða

:D:D:D:D:D:D:D:D

2008-05-22T21:00:00.002Z

:D:D:D:D:D já já fullt fullt af brosköllum.... við komumst áfram í Eurovision!!!!! Það kom að því loksins :D
Spennan var gífurleg, lögin í kvöld miklu miklu betri en lögin í fyrri undanriðlinum... ekkert smá stressandi.
Við ætluðum að vera hér heima og grilla en svo er Láki frændi hjá Þorgerði og við vorum að spá í hvar hann myndi vera í kvöldmat og ákváðum svo bara að vera öll hjá Þorgerði og Ássý kom líka, grilluðum ýsu, pylsur, grísasneiðar og bbq-rif :o) bara fjölréttað hehehe.
Góður matur, góð lög, spennandi keppni og nú er ég komin heim, krílin að sofna og Ísland í úrslitakeppnina... eins og öll hin Norðurlöndin :þ

Jæja... þarf að drattast í að pakka niður, var bara á þvælingi í dag þrátt fyrir að ég væri í fríi, ætlaði að pakka en fór fyrst með Láka frænda til augnlæknis og í Bónus á meðan ég beið, svo í hádegismat með Láka í IKEA, svo sýndi ég honum hæðina þar sem húsið okkar mun rísa, skilaði honum svo í Hole in One-golfbúðina og fór í sjúkraþjálfun. Fór svo að sækja hann í Fjallalindina og þá voru Helga og Þorgerður komnar heim þannig að ég borðaði þar og fór svo að sækja Þorlák, Ingibjörgu og Dag Elís í leikskólann... Þorgerður fór með Helgu í klippingu :o)

Nú er ég deffinetlí að fara að pakka, þarf að pakka fyrir okkur 4 fyrir helgina (læt reyndar Sigga pakka fyrir sig... engin þjónusta hér heheh) og fyrir mig til Svíþjóðar, svo ég nái að sofa aðeins á sunnudagskvöldið eftir að ég kem að norðan og áður en ég skelli mér til Sverige :o)

Heyrumst síðar
kv
Kristín E.

Fyrsti í Eurovision :o)

2008-05-20T19:46:00.004Z

ó já... og ég bara verð að blogga beinni lýsingu :þ

Hér féll snilldarsetning um pólsku gelluna sem á lögheimili í ljósabekk og datt í brúnkuspraytunnu :þ "hún ætti að taka aðeins af rassgatinu og færa það ofar" ... spurning hvort hún sé með botox í rassinum :þ eða hefði allavegana frekar átt að fjárfesta í sílíkon en ljósabekkjabrúnkuspraymeðferð

Hreinasta hörmung flest lögin.. sem gerir þetta bara skemmtilegra. Skildum ekkert í því þegar Bóas fór að syngja áðan (Bóas er frá Ísrael) að kona héti Bóas hehehe en svo var þetta bara sennilega karlmaður með ofurskæra rödd.... við erum samt ekki sannfærð!!!

Börnin eru búin að dissa flest lögin, Ingibjörgu fannst samt norska lagið fínt.....

Nú er Írland að tjá sig í gegnum kalkúna.... og hefðu bara átt að halda sig heima....

Svo vakti aumingja konan á sófanum með bangsann sinn athygli (frá Moldóvíu) þar sem Sigmar sagði að ef hún lendir ekki í topp 10 í keppninni þá þarf hún að borga allan kostnað við keppnina sjálf!!! Hún var svo stressuð enda algjörlega ljóst að hún þarf að fara heim á puttanum :þ

Andorra... sjitturinn hún er í málmdressi með horn á höfðinu.... greyið... en Þorláki finnst þær allar í flottum kjólum...

Við hér höldum að Armenía komist áfram.... en hætta á að Holland hætti keppni eftir þetta ár... eru búin að hóta því :þ

Vó.... Finnarnir ekkert smá flottir, það passar þvílíkt vel að syngja almennilegt rokklag á finnsku, allir hér sammála :D

ómæ... pissustopp.... Rúmenía drepur stemninguna algjörlega niður ælælæl

og Sigmar snillingur.... Rússarnir með þvílíkt atriði með 4 milljóna dollara fiðlu sem ekkert heyrist í (enda allt undirspil af bandi) og svo eins og Sigmar segir "Evrópumeistara á skautum sem skautar á plastsviði á stærð við heitapottinn í Garðabæ... svipað og fyrir heimsmeistara í bruni að renna sér niður hraðahindrun" heheheheh ekki gott lag en flottur skautadúddi, hef séð hann skauta en get samt ekki skrifað nafnið hans :þ

Grikkland líklegt áfram.... en komumst bara að því seinna, veit ekki alveg hvenær...

En allavegana, við reiknum með að þessar þjóðir komist áfram í kvöld: Grikkland, Finnland, Armenía, Rússland, Slóvenía... höldum bara að restin detti út :þ en samt... verðum að velja 10 lög og því bætast við: Svartfjallaland, San Marino (af því að þeir eru í fyrsta skiptið með), Aserbadjan (þó þeir geti ekki sungið), Andorra og Siggi vill veðja á að kalkúnninn frá Írlandi komist áfram :þ

Hamborgararassakeppni... ótrúlega margar skutlur með símastaura-lappir :þ

Sem sagt bara stuð og við bíðum spennt eftir framhaldinu.
kveðja
Kristín, Siggi, Ingibjörg, Þorlákur og Tinna Ösp

Smá viðbót... þau lönd sem komust áfram eru:
Grikkland, Rúmenía!!!!, Bosnía Hersegóvenía!!!!, Finnland, Rússland, Ísrael!!!!, Aserbadjan, Armenía, Pólland!!!! með botoxrassinn, Noregur!!!! haaaaa Slóvenía ekki áfram.... 5 rétt og 5 röng... Ég reyndar hélt að Bosnía kæmist áfram en fékk það ekki samþykkt hjá herra Sigurði :þ sem veðjaði frekar á kalkúnafjandann hehehe hlökkum til fimmtudagsins :þ

Kreisi bissí :o)

2008-05-15T21:05:00.002Z

Brjálað að gera.... já ó já... er sko bókuð allar helgar fram í miðjan júní hehehhe
Síðustu helgi var ég fyrst að vinna í 22 tíma á föstudeginum og svo mætt kl 8 á sunnudagsmorgni :þ og hafði þess vegna ekki heilsu í að fara með systrum mínum á Eurobandið á Players... er ennþá pínu fúl yfir þessu vaktaskipulagi :S
Á annan í hvítasunnu fór ég svo í sund með familíunni um morguninn, frítt í sund í tilefni af opnun á aðalsundlaugunni í Kópavogi eftir breytingar, við fórum bara í Salalaug eins og vanalega, löbbuðum til að spara bensín hehehe.
Eftir hádegi hitti ég svo nokkrar hressar konur á GAS-bensínstöðinni við Rauðavatn... 8 konur mættar til að gæsa Ingunni Elfu litlu mágkonu mína. Rosalega skemmtilegur dagur auðvitað. Byrjuðum á því að klæða hana í glæsidress, eitthvað af því fann ég í kassa úti í geymslu og annað komu aðrar með.. svo fórum við með hana í Blómaval og létum hana kaupa mismunandi fræ fyrir hverja okkar í garðinn sinn sem hún er að starta... hún á að muna hver á hvaða fræ og á að sinna okkur almennilega, við getum kíkt á árangurinn og séð hverja okkar hún hugsar best um :þ Svo fórum við niður í bæ, létum hana labba með bundið fyrir augun niður að tjörn þar sem hún sá um að reka mávana burt fyrir litlu börnin sem voru að gefa öndunum brauð. Fengum okkur þar cider og súkkulaði og fórum svo í Kolaportið. Þar keypti hún sér sundföt og prúttaði svo og keypti sér veski undir sundfötin fyrir 113 krónur!!!
Svo var haldið í Baðstofuna í Laugum þar sem við höfðum það afskaplega huggulegt... Ingunn í nýju sundfötunum heheheh. Ætluðum að borða þar en þá var eldhúsinu lokað kl 5, tvær voru búnar að hringja og tékka hvort við gætum ekki örugglega borðað kvöldmat þarna en fengu röng svör!!! en við redduðum þessu bara, tvær fóru aftur í búningsklefann og redduðu okkur borði á Caruso þar sem við borðuðum kvöldmat og kvöddum svo Ingunni eftir góðan dag :o)

Svo bara vinna á þriðjudag og svo saumó hjá Unu um kvöldið... mikið hlegið og mikið borðað og gaman að skoða nýju íbúðina hennar Unu sem er með útsýni úr stofunni yfir hæðina þar sem húsið okkar mun rísa :D Ég gerðist hetja og hjólaði í klúbbinn, úr Húsalind í Ásakór og er bara ansi hreint stolt af sjálfri mér!!!

Í gær svaf ég lengur, fór svo og gekk frá bankaviðskiptaskiptum... er komin í Kaupþing eins og Siggi minn :o) fékk meira að segja Eva Solo MemoryBlock í inngöngugjöf hehehe þarf að sýna Þorgerði og Ingunni gjöfina, þær eru báðar sjúkar í Eva Solo hehehe fara kannski bara líka í Kaupþing :þ Svo bara í vinnuna frá 14-8... brjálað að gera eins og vanalega en var svo þreytt að mér gekk vel að sofna þrátt fyrir ansi mörg truflandi símtöl í nótt :S

Svo bara í dag smá stúss, Bónusferð (er svo dugleg að spara þessa dagana :þ hata að versla í Bónus en er að spara fyrir húsinu okkar) og svo í RL magasín þar sem ég keypti bleikar gardínur fyrir Ingibjörgu sem eru myrkvunargardínur :o) þannig að hún þarf ekki lengur að sofa með flísteppi fyrir glugganum. Svo bara heim og gerðist aftur dugleg, fór labbandi að sækja börnin í leikskólann. Dagur Elís kom með okkur, þau léku sér hér og svo skellti ég þeim í bað enda vel skítug eftir endalausa útiveru í góða veðrinu.

Og þá er bara komið núna... á morgun er vinna og svo Jet Black Joe og Gospel tónleikar í Laugardagshöll :þ Hildur Valdís ætlar að passa, við systur förum allar og líka Siggi og Össi... hlakka svooooo til... er að spá í hvort ég ætti að fara í mexíkönsku mussunni sem ég keypti mér á Jet Black Joe árunum hehehe fann hana í kassa úti í geymslu :þ
Svo er heil vinnuvika og svo norður sem sagt eftir rúma viku, verðum á Akureyri og förum svo í giftingu Ingunnar og Gísla í Svarfaðardal sunnudaginn 25. maí... á 40 ára brúðkaupsafmæli tengdaforeldra minna, 75 ára afmæli Ástu ömmu Sigga og 40 ára skírnarafmæli Ástu Birnu systur Sigga og svo eru þá líka 4 ár síðan Þorlákur og Ingibjörg komu heim af vökudeildinni!!! Stór dagur :o) og við hlökkum mikið til... ég er búin að velja mér föt og búin að finna föt fyrir krílin, Siggi stefnir á nýja skyrtu og nýtt bindi líka!!!
Ekki má gleyma að næsta vika er holyholy vika hjá okkur, Eurovision á þriðjudag, fimmtudag og laugardag!!! náum laugardagskeppninni hjá mömmu og pabba á Akureyri... hlakka mikið til þess líka :þ
26. maí fer ég svo til Svíþjóðar í vinnuferð, flýg til Stokkhólms og við verðum þar fyrstu nóttina sem þýðir að ég hef nánast allan daginn til að láta visakortið mitt svitna í H&M... vantar svo að kaupa helling af fötum fyrir börnin mín :þ. Á þriðjudeginum fljúgum við svo áfram til Luleå sem er í norður Svíþjóð, við botn Eystrasaltsins þar sem ráðstefnan er haldin. Ráðstefna eftir hádegi og fínn dinner um kvöldið, förum líka í skoðunarferð í Blóðbanka í Luleå sem er verulega spennandi :þ. Á miðvikudeginum verður haldið áfram með ráðstefnu og svo til Stokkhólms um kvöldið þar sem gist verður eina nótt og svo heim á fimmtudeginum.
Ég fer með þremur köllum í ferðina hehehe Palla líffræðingi sem vinnur með mér, Þorbirni lækni í Blóðbankanum og Sigurði sem vinnur hjá Fastus... Fastus er fyrirtækið sem er að senda okkur út.. umboðsaðili tækja og hvarfefna frá Ortho sem við erum að fara að ráðstefnast um í Sverige :o) Bara verulega spennandi...

Helgina eftir það er lítið planað annað en ég er á aðalvakt sunnudaginn 1. júní þannig að laugardagurinn verður rólegheit.

Svo er næsta brúðkaup 7. júní.. Hildur Ýr og Öddi tvíburaforeldrar eru að gifta sig þann dag, veislan í nýja turninum við Smáratorg... ekkert smá spennandi :o) Eigum eftir að redda pössun fyrir þann dag, fer í það á næstunni :o)

Þá er komið að helginni þar sem 14. júní er okkur boðið í fermingu hjá Huldu Maríu frænku minni í Mývatnssveit.... vonandi komumst við þangað, stefni á það en þarf aðeins að sjá til :þ

Sem sagt... brjálað prógram framundan, allt rosalega spennandi og við hlökkum mikið til :D

En nóg um blaður í bili... ætla að skella mér í heitt bað með dauðahafsbaðsalti frá Volare (sem Dagný Bald seldi mér um daginn... gerir húðina undurmjúka) til að reyna að róa mig niður svo ég sofni í kvöld... eftir síðustu sólarhringsvakt var ég andvaka í 4 tíma áður en ég sofnaði kvöldið eftir!!!

Heyrumst og takk fyrir öll kommentin :o)
kv
Krizzza

Nokkrar myndir úr seinni í afmæli :o)

2008-05-05T21:44:00.002Z

Já... nú er seinni afmælisveislan líka búin. Hingað komu 38 gestir á laugardag, 3. maí. Veislan gekk ljómandi vel, við reyndar fórum aðeins fram úr sjálfum okkur við Siggi... ætluðum okkur aðeins of mikið en með aðstoð góðra kvenna sem mættu snemma í veisluna þá tókst þetta allt ljómandi vel, takk Íris, Guðný, tengdamamma og Fjóla fyrir alla hjálpina :o).
Ég byrjaði undirbúininginn á föstudegi eftir vinnu, hefði mátt gera aðeins meira þá en Siggi var upptekinn í vinnunni, voru með innflutningspartý fyrir viðskiptavini og smá partý á eftir, en hann hjálpaði mér þeim mun meira á laugardeginum. Við byrjuðum kl 9:30 á laugardagsmorgni og svo byrjaði veislan kl 3 og þá vorum við öll búin í sturtu og komin í föt, þó annað væri ekki alveg eins mikið til og það átti að vera. Stelpurnar sem ég taldi upp áðan og fleiri til hjálpuðu við að leggja á borðið og börnin byrjuðu að borða Tomma Togvagnköku, Prinsessukastalaköku og köngulær á skikkanlegum tíma. Við bara ákváðum að gera allt tilbúið fyrir börnin fyrst, koma þeim af stað í að borða og redda svo veitingum fyrir fullorðna fólkið á eftir.
Svo gekk þetta bara allt eins og í sögu, það átti að vera rigning en hún kom ekki fyrr en seint þannig að það var hægt að vera úti á palli og svo fóru börnin út í garð að leika sér meðan fullorðna liðið var að borða... þannig kemur maður 38 manns í veislu í litlu íbúðina okkar, þetta verður minna mál í fína húsinu okkar, hvenær sem það verður :þ
Síðustu gestirnir fóru heim upp úr kl 6 og við borðuðum svo kvöldmat og gormarnir fóru að sofa alsæl með veisluna... við fórum í frágang og vorum búin að öllu um 12 tímum eftir að við byrjuðum :o).
Á sunnudag var svo veislan hjá Steina langafa, hann á 80 ára afmæli í dag, á sama afmælisdag og Þorlákur og Ingibjörg og er þar að auki tvíburi eins og þau. Fínasta veisla og Þorlákur og Ingibjörg borðuðu algjörlega yfir sig þar... sérstaklega Þorlákur mathákur hehehe
Í dag er svo afmælisdagurinn... loksins segja börnin :þ. Þau fengu pínusmá nammi eftir morgunmatinn í morgun og fóru svo á Dal og fengu þar kórónur, skildi myndavélina eftir en Siggi gleymdi að taka hana með heim þegar hann sótti þau í dag, sjáum bara á morgun hvernig myndirnar hjá þeim tókust. Í kvöldmatinn fengu þau svo kjúkling og íspinna í eftirmat og svo skemmtum við okkur öll fjögur yfir gömlum myndum af börnunum, þau skoðuðu bumbumyndir, myndir af þeim nýfæddum, afmælismyndir úr 1, 2 og 3 ára afmælisveislunum og Bahamamyndir líka... þeim finnst ótrúlega fyndið að skoða myndir af sér þegar þau voru litlubörn :o).

En allavegana, hér koma nokkrar myndir... er svo alveg að fara í að setja inn fullt fullt af myndum á barnanetið :o)
Njótið vel, kveðja Kristín stórubarnamamma

Þorlákur á laugardag, búinn að fá afmælisgjöfina frá mömmu og pabba,
Star Wars geimflaug og Star Wars kall. Ákváðum að það gengi ekki að gefa þeim afmælisgjöfina á afmælisdaginn og senda þau svo beint í leikskólann!!!

Ingibjörg á laugardag að fá sína gjöf frá mömmu og pabba,
Littlest Pet Shop hús sem vakti mikla lukku

Prinsessukastalakakan sem ég gerði fyrir laugardagsafmælið, hefði orðið flottari ef ekki hefði verið ansi mikil tímaþröng... fyrstu gestirnir komnir áður en hún var til :þ
En aðalatriðið er að Ingibjörg var hæstánægð með kökuna sína :D

Og þetta er lestarkakan hans Þorláks, nánar tiltekið Tommi Togvagn
Svo tókum við ekki mikið fleiri myndir í veislunni,
foreldrarnir voru uppteknir við að sinna gestunum :þ

Fallegasta afmælisstelpan, mynd tekin yfir morgunmatnum á afmælisdaginn

Fallegasti afmælisstrákurinn, rosalega glaður á 4 ára afmælisdaginn... loksins :D

Nokkrar myndir úr fyrsta í afmæli :o)

2008-05-01T20:21:00.006Z

Halló Halló..... fyrsta afmælisveisla barnanna í ár er afstaðin, reyndar ekki fyrsta heldur fyrri veislan :þ. Í dag buðu þau vinum sínum úr leikskólanum í afmæli, 3 stelpur og 3 strákar (reyndar ein stelpa af efri hæðinni hjá okkur og einn sonur vina okkar sem er jafnaldri). Svo komst reyndar stelpan á efri hæðinni ekki en Helga Margrét ætlaði hvort eð er að koma til að hjálpa okkur við herlegheitin þannig að það var 3-3 í kynjahlutfallinu :)

Seinna afmælið verður á laugardag... búin að hringja í alla gestina og þeir sem koma ekki verða bara að muna að þegar við flytjum í fína húsið okkar sem við ætlum að byggja þá getum við boðið mun fleirum í afmælisveislur, íbúðin okkar rúmar því miður ekki alla sem við myndum vilja bjóða í veislu :S Sorry... vona að enginn verði sár...

Ég set fleiri myndir inn síðar á barnanetssíðuna.. á reyndar eftir að setja inn jólamyndir og myndir frá þeim tíma inn á barnanetið, skelli mér í þetta einn daginn fyrir jólin :þ En hér koma myndir frá deginum í dag... njótið vel...

Kakan hennar Ingibjargar, bleikt trampólín með grænu grasi í kring...
Playmo-prinsessan er að trampa á trampólíninu (það sagði Ingibjörg)

Bláa köngulóarkakan hans Þorláks, líka með grænu grasi í kringum.
Köngulærnar vöktu mikla lukku og streymdu út :o)

Annað sjónarhorn til að sjá frábæru köngulærnar

Strákarnir í veislunni, Jói, Anton Oddur, Þorlákur og Dagur Elís
Þorlákur vildi auðvitað fara í jólafötin sín fyrst Ingibjörg fór í jólakjólinn :o)

Stelpurnar í veislunni, Helga Margrét, Ingibjörg, Malen Ósk og Lena Mizt

Eitt smá skondið úr veislunni... við höfum aldrei hitt foreldra Lenu áður og þegar pabbi hennar kom með hana sagði hann okkur frekar skondna sögu. Þau voru að reyna að veiða upp úr Lenu hvort Þorlákur og Ingibjörg væru tvíburar og Lena sagði: Þorlákur er tvíburi en Ingibjörg er prinsessa heheheh alveg rétt hjá henni :þ
Vona að veislan á laugardag gangi eins vel, þessi var svo róleg að eftir kaffið gat ég haldið áfram að hringja í gesti í næstu veislu :þ stillt 4 ára börn :o)

Heyrumst...
kv
Krizzza... sem á tvö 4 ára börn... á mánudag :þ

Dagbókarfærsla.... lofa ekki skemmtanagildi.... er þreytt :þ

2008-04-26T22:40:00.006Z

HæHæ...
smá update... áður en ég sofna :þ brjálað að gera í vinnunni í gær, kreisí að gera frá 10-22, náði ekki að pissa og endaði á að borða nestið mitt kl 14:30 niðri á rannsókn... náði svo að sofna um kl 2-6 og fór svo heim kl rúmlega 8 og svaf frá 9-12.... sem sagt 22 tíma vinnutörn og stopulur svefn sem fer mér frekar illa :þ
En allavegana.. Ingibjörg fór í leikskólann á mánudag og allt gekk vel og svo fékk Þorlákur að fara á þriðjudag... hún fékk sem sagt 7 daga pest en hann 6 daga pest, greyin... eru að ná fyrri þyngd :D
Á miðvikudag var svo starfsdagur á Dal... gat auðvitað ekki lent á veikindadagana :þ en það var svo sem kærkomið að fá frídag :þ Ég var heima með gormana og við fórum bara tímanlega á fætur, drifum okkur út rétt fyrir kl 10, ég stökk inn í bakarí og keypti snúða og kókómjólk í nesti og fórum svo í Húsdýragarðinn :o). Gleymdi reyndar boðsmiðunum sem ég vann á happdrætti á Sólrisuhátíðinni í vinnunni en ég nota það bara síðar :þ. Fórum að skoða hreindýr (sem fengu reyndar ekkert að borða þegar þau áttu að fá að borða) og sáum þegar selirnir fengu að borða, sáum litla kiðlinga, kálfa, hænu sem hafði stokkið yfir girðinguna og komst ekki til baka og fleira skemmtilegt :D alltaf gaman í Húsdýragarðinum. Krílin ætluðu í lestina og hringekjuna en okkur sýndist það vera lokað þannig að við bara slepptum því. Svo var Ingibjörg þvílíkt huguð að gefa hestunum (varð hugsað til Affíar frænku minnar) og ég týndi og týndi nokkur grasstrá sem hún gaf hestunum... Þorlákur fór bara 2 ferðir og nennti ekki meir :þ. Svo fórum við í Gogogic (vinnuna hans Sigga) og borðuðum nestið þar... það var frekar kalt í Húsdýragarðinum.
Svo áttum við bara huggulegan dag áfram, fórum í Bónus, tókum til og elduðum. Æðislegt að fá frídag til að snúllast með gormunum.

Á fimmtudag var svo sumardagurinn fyrsti, eðalfínn dagur auðvitað... Gleðilegt sumar... Lóurnar komnar í Lindarhverfið :o). Byrjuðum á því að fara á Vorsýningu hjá Dansfélaginu þeirra, haldið í Glersalnum hér í hverfinu. Þau voru í fyrsta atriðinu, sýndu 3 dansa og fengu svo verðlaunapening í viðurkenningu fyrir að standa sig vel í vetur. Svo fengu þau safa og köku og kleinur (var búin að múta Þorláki, hann vildi sko ekki dansa fyrir allt þetta fólk en ég lofaði að hann fengi köku eftir dansinn og það virkaði!!!). Svo sýndu aðrir hópar dans, meðal annars uppáhöldin þeirra þau Elísabet og Jónsi sem dansa saman í flokki 14-19 ára, þau eru aðstoðarkennarar í tímanum þeirra á laugardögum :o). Þorlákur og Ingibjörg voru alveg heilluð að horfa á þau dansa, náðum nokkrum myndum og auðvitað myndböndum af þessu öllu.

Ingibjörg og Elísabet, Jónsi og Þorlákur

Svo fór Sigginn aðeins í vinnuna (urrrrrr) að undirbúa aðalfund og ég fór í að taka til, Pési hringdi og bauð sér í mat og nokkrum vinum með :o) Siggi kom svo heim og fór með Pésa í Bónus, vorum með pizzuveislu. Malla og Össi komu með 2 pizzaofna, Hemmi og Edda komu með sínar dætur og svo komu Völli og Þóra líka... sem sagt 10 fullorðnir og 8 börn í risa íbúðinni okkar :þ fínt að hafa pizzu því að þá er hvort eð er ekki til matur fyrir alla í einu, borðað í hollum :D börnin byrjuðu og voru svo fljótlega komin út á pall að leika sér. Lovely fínt að hitta allt þetta fólk... og gott að það var aftur starfsdagur í gær þannig að gormarnir fóru bara seint að sofa og sváfu lengi :o).
Ég fór svo í vinnuna í gær, vann í 22 tíma og á meðan snúlluðust krílin heima með pabba sínum, fóru í klippingu til Sollu (svona smá fínerí fyrir afmælið sitt) og svo í heimsókn á Kvistaborg til Möllu og í pössun til hennar í framhaldinu meðan pabbinn fór og hélt aðalfund (takk Malla :D ).
Í dag svaf ég fram að hádegi eftir næturvinnuna og svo fór Siggi að hjálpa Jónasi að flytja nær okkur :þ í Tröllakór.... sem verður enn nær okkur þegar við flytjum í Kollaþing :D. Ég fór bara í Smáralind á þvæling með krílin, ætlaði að kaupa föt fyrir afmælið... endaði á að kaupa bara bland í poka fyrir okkur öll og tannkrem í Hagkaup... og fór svo í Toys´r´us þar sem börnin voru svo þæg.. fínt að drepa tímann í risa dótabúð.
Svo hélt dekrið áfram, fór á McDonald´s í kvöldmat hehehe Ingibjörg borðaði heilan ostborgara (borðaði 1/4 þegar hún var að hressast af pestinni) og 1 af nöggunum 6 sem Þorlákur fékk... Þorlákur enn saddur eftir rúllutertuna sem við fengum okkur um kl 5 :þ algjör sælkeri. Svo var Siggi að koma heim fyrir stuttu og heldur áfram að flytja Jónas á morgun.

Þá er ég að spá í að fara að sofa... styttist í að ég þurfi að vakna, aldrei að vita nema við förum bara aftur í Húsdýragarðinn á morgun, kemur í ljós...

kv
Krizzza

ps... gleymdi að skrifa eitt um daginn... elsku besta Hildur Valdís kom og passaði fyrir okkur á fimmtudag í veikindavikunni miklu, átti að hringja strax ef annar gormurinn myndi vakna svo hún myndi nú ekki smitast (ég var í Mánalind og Siggi í Sporthúsinu)... Hildur hringdi í mig þegar Þorlákur var búinn að gera nr.2 í svefni... búin að koma honum á klóið, skella honum í sturtuna, í ný náttföt og upp í rúm aftur... rosalega dugleg og ábyrg barnapía sem fær extra vel borgað fyrir þetta kvöld... og notaði fullt fullt af handspritti á eftir... takk elsku Hildur okkar fyrir að hleypa okkur út úr húsi :D.... og hún veiktist ekki!!!

Ný vika :þ

2008-04-21T19:43:00.005Z

Já... ný vika, reyndar stutt vinnuvika fyrir mig :þ en ég er í vinnunni jeijei!!! Ingibjörg var orðin hress í gær, fékk að fara í nýja húsnæði Gogogic með pabba sínum og "hjálpa" honum og Jónasi að raða skrifborðum og koma öllu fyrir, svo heppilega vildi til að Anton Oddur kom líka með pabba sínum sem vakti auðvitað mikla lukku hjá prinsessunni. Þorlákur greyið var enn hálfslappur og fékk bara að vera heima hjá mömmu... var frekar fúll til að byrja með en fékk auðvitað að horfa nonstop á sjónvarpið, gat horft á Power Rangers, Turtles, Transformers og fleira skemmtilegt sem ekki er hægt að horfa á meðan Ingibjörg er heima, hún er alltaf svo hrædd við vondu kallana hehehe (en fer bara stundum og horfir á eitthvað fallegt á flakkaranum inni í herbergi meðan Þorlákur horfir á vonda kalla í stofunni :þ ).
Svo fóru Siggi og Ingibjörg í 6 ára afmæli Esra... vont að missa af svona fínni veislu en svona er þetta bara stundum.
Í dag fór Ingibjörg í leikskólann, smá feimin en voða glöð að hitta alla aftur... Þorlákur var heima og amma Ingibjörg var svo elskuleg að koma og vera hjá honum, takk æðislega fyrir það tengdamamma :o) Hann var rosalega spenntur í gær þegar við sögðum honum að amma ætlaði að passa hann, ætlaði sko að gera alls konar skemmtilegt með ömmu :). Á morgun á hann að fá að fara í leikskólann aftur, þau ná einum degi áður en leikskólinn lokar vegna 2 starfsdaga og svo kemur sumardagurinn fyrsti til að gleðja okkur öll :). Ég verð heima með þau á miðvikudag og Siggi tekur að sér föstudaginn, þangað til Malla systir fær þau í pössun þar sem ég er á sólarhringsvakt á föstudag og aðalfundur Gogogic er líka á föstudag :S svona er þetta stundum og þá er gott að eiga góða að!!!
Siggi er reyndar hundslappur heima núna, með hausverk, beinverki, hósta og hita... og svo er aumingja Dagur Elís lasinn líka.... en nú er pottþétt komið vor og þá hljóta þessar fj... pestir að fara að hætta.

Jæja... þarf að halda áfram að vinna :þ er að stelast hehehe er að vinna 9-9 í dag (12 tímar)... um að gera að vinna nóg af yfirvinnu fyrst við erum að fara að byggja, ekki veitir af að safna smá péning :þ

Takk fyrir öll kommentin meðan ég var með lasarusana heima, þið eruð yndi.
kv
Kristín

Uppfærðar gubbupestarfréttir....

2008-04-17T09:57:00.003Z

ó já... hér er enn gubbupest í gangi... Þorlákur byrjaði í gærmorgun, reyndar lítið í gubbinu en meira með í maganum og matarlystin minnkaði en ekki svo mikið. Aumingja Ingibjörg er enn hundlasin, var hrikalega slöpp í gær þannig að Siggi fór með hana á heilsugæsluna í tékk og hún er orðin þurr og ef hún fer ekki að ná að drekka og pissa meira þá gæti hún þurft að fara á sjúkrahús og fá vökva í æð!!! Hún er búin að léttast um rúmt kíló og ekki mátti hún við því greyið litla... vigtuðum hana fyrir rúmri viku til að sjá hvort við mættum breyta bílstólnum hennar eins og Þorláks (hann kominn yfir 18 kg og má því ekki lengur vera í 5 punkta beltinu) og hún var þá 14,5 kg og því í lagi að breyta stólnum... í gær var hún 13,4 kg!!!
Við reyndum að taka á þessu í gær.. hún er komin með algjört ógeð á íþróttadrykkjum (powerade og gatorade) þannig að Siggi keypti eplatrópí og við dældum því í hana í gær... full hratt þannig að ekki löngu síðar fékk ég gusuna yfir mig :S
En í dag er hún aðeins hressari, búin að týna upp í sig smá Cheerios, borða smá snakk og drekka vatn og smá Gatorade.
Þorlákur sofnaði í gær eins og ekkert væri en gubbaði klukkutíma síðar greyið.... og ég lyfti honum upp og fékk aftur allt yfir mig... algjör snilli :þ en annars er hann nokkuð hress.
Þau sváfu um miðjan daginn í gær í ca 3 tíma... bara eins og í gamladaga þegar þau voru eins árs :o)

Nú liggja þau á gólfinu fyrir framan sjónvarpið, með Gatorade í glasi, Cheerios í skál og snakk í Tupperware dalli :þ og horfa á Lazytown... Sky gervihnattasjónvarpið er alveg að redda þessari veikindatörn :) margar margar barnasjónvarpsstöðvar sem redda málunum hjá veikum gormum.

Ég er bara hress, hélt að ég væri að fá ælupest í gær en var sennilega bara með ógleði út af lyktinni á heimilinu!!!
Nú bara bíðum við spennt eftir að þessu lynni... eigum að fara í 6 ára afmæli á sunnudag hjá Esra syni Ingó og Fjólu og það er sko veisla sem ekki má sleppa!!! Sjáum til

Takk fyrir allar kveðjurnar og allir veri duglegir að blogga og senda mér comment á Facebook svo ég hafi eitthvað að gera (annað en að bíða eftir að Guiding Light byrji!!! gormarnir búnir að stela sjónvarpinu af mér hehehe)
kv
Kristín í Gubbulind :þ

Ælupest.......

2008-04-13T15:44:00.002Z

ó já... hér geisar ælupest. Elsku litla sæta Ingibjörgin okkar er með ælupest :( Hún byrjaði í gærkvöldi, Siggi var sofnaður en ekki ég og ég heyrði hana skæla og svo kom bara gusan yfir hana... við þurftum að skella henni í sturtu af því að það fór allt í hárið á henni. Svo settum við hana aftur í sitt rúm og vorum alveg að sofna þegar næsta gusa kom :S... þá fékk hún að koma til okkar og um kl 2 fór ég fram í stofu til að verða 6 þegar ég skipti við Sigga... sem var nánast ekkert farinn að sofa. Þegar mín vakt byrjaði þá var skvísan byrjuð með "gullfoss" líka þannig að ég hljóp með hana á klóið nokkrum sinnum, svo inn að sækja balann og vatnið, skila henni inn, skola dallinn, leggjast niður... næstum sofnuð og svo byrjaði þetta allt aftur.
Nú er þvottavél nr. 2 í gangi, sængin hans Sigga næst og litla daman sefur inni í rúmi... með vatn og powerade við rúmið :S
Þorlákur vaknaði auðvitað kl 6 og gekk illa að sofna aftur en var svo stilltur... Siggi gaf honum að borða um kl 9:30... ekkert farinn að kvarta og horfði svo á Svamp Sveinsson (sennilega Svamps Sveinssonar maraþon á NickToons) og það heyrðist ekki í honum... svo duglegur enda fékk hann snakk í skál og líka nýjan StarWars kall áðan fyrir dugnaðinn :o) Ingibjörg fékk Littlest Pet Shop dýr en vill ekki opna það strax... svo lítil er orkan :S
Vonum að þetta gangi yfir sem allra allra fyrst.... og að Þorlákur sleppi... krossafingur
kv
Kristín í gubbulind

Ja men det er jo lördag....

2008-04-12T20:14:00.002Z

HæHæ....
Búin í danstíma í dag, Siggi búinn að mála aðeins meira í nýja Gogogic húsnæðinu og svo skelltum við okkur á Selfoss í 2 ára afmæli Jóhönnu Sigríðar :o) auðvitað rosalega gaman... bleik kaka (sem vakti mikla lukku hjá Ingibjörgu) og auðvitað smartís á kökunni og rosalega gaman. Þau voru voða glöð að komast í að leika við Hallgrím stóra frænda sinn, þau eru frekar hrædd við litlubörn hehehe aðeins að venjast Kristjáni Erni en kunna ekkert á Jóhönnu :þ, það kemur síðar enda bara 2 ár á milli þeirra... mikill aldursmunur ennþá en ekki eftir nokkur ár :D.
Ætluðum svo að kíkja í heimsókn í bústað Didda og Sigynar við Álftavatn en þá voru þau hjónin bara heima í Vesturbænum... Eiríkur Hákon lasinn þannig að við reynum bara síðar.

Hér koma 2 myndir af sætu strákunum hennar Steinu vinkonu á Egilsstöðum, þetta eru Steinþór Hrímnir (3 ára síðan í nóvember), Eysteinn Ás (sem verður 2 ára í apríl) og svo nýjasti gormurinn hann Þórhallur Ási sem fæddist í febrúar :o) yndislegir strákar og við vonumst til að ná að kíkja í heimsókn til þeirra í sumar... fórum fyrir 2 árum en nú eru þau búin að eignast þriðja gorminn... nóg að gera á þessu heimili :D
Efri myndin er tekin í febrúar en sú neðri í mars... til lukku aftur Steina með gullmolana þína þrjá :)

Farin inn í imbann... V for Vendetta á Sky2
kv
Krizzza

Bloggletingi :S

2008-04-10T21:05:00.004Z

Jæja.... ekkert blogg ennþá í mánuðinum, er alltof misvirk hér :þ
Síðasta helgi gekk fínt, matur hjá Möllu og Össa, danstími, sunnudagaskóli og huggulegheit... á laugardeginum fórum við að skoða húsnæðið sem Gogogic er að fara að flytja í, ég var í hælaskóm og stuttu pilsi hehehe og var fljótlega komin í að ryksuga, gormarnir í að tína rusl og svo léku þau sér með dótið sem þau tóku með sér. Við kipptum útileguborði og stólum með okkur og fengum okkur smá gúmmelaði í kaffinu og svo var ég farin að pússa veggi og spasla líka :þ Segi bara eins og börnin mín "við setjum þetta bara í þvottavélina" hehehe. Húsnæðið verður ljómandi fínt, hitt húsnæðið orðið alltof lítið fyrir þetta frábæra fyrirtæki.
Eitt af nýjustu verkefnunum þeirra er http://www.icelandsocks.com/ þar sem hægt er að "segja það með sokkum".... verkefni í tengslum við icelandexpress þar sem þú lætur sokkabrúður segja það sem þú vilt með mismunandi íslenska bakgrunna... voða einfalt og skemmtilegt... allir endilega senda svona skemmtileg myndbönd á sem flesta :o) (svo þeir fái sem mest borgað fyrir vinnuna!!!).
Svo á sunnudag fór Siggi að hjálpa Svenna vini sínum í Njarðvík, hann var að byggja í vetur og Siggi var að hjálpa honum í garðinum. Við þrjú fórum hins vegar í Kringluna með mömmu, Þorgerði, Degi Elís og Möllu... mamma og pabbi hér yfir helgina á leiðinni á kvennakóramót í Norge, verða úti í viku.
Svo er ég búin að vinna eins og motherf...er þessa vikuna, var á bakvakt á mánudag, vinna 10-19, á þriðjudag vann ég 9-17 og fór svo beint eftir vinnu á smá ráðstefnuog mat á eftir, kom ekki heim fyrr en kl 22... og svo í gær var ég á vakt, mætti reyndar ekki fyrr en kl 14 af því að ég vinn bara í 4 tíma á miðvikudögum... en vann líka til 8 í morgun :þ en var svo í fríi í dag í staðinn. Sótti gormana labbandi, Þorgerður tók reyndar Þorlák með sér... hann datt í morgun úti (smá slys við vegasaltið) og ég var látin vita, hann með kúlu og smá sár. Þorgerður kippti honum með upp á heilsugæslu og setti vaselínplástur á þetta og grisju yfir og svo plástur yfir (Þorlákur í skýjunum með 3 plástra á enninu)... ég labbaði á Dal, sótti Ingibjörgu og sótti Þorlák til Þorgerðar... svo fórum við í bíltúr í strætó :) eins og um daginn hehehe þeim fannst svo gaman. Fórum út á strætóstöð, tókum leið 2 og rúntuðum því um Kópavoginn áleiðis niður á Hlemm... tekur ekki nema um 40-45 mínútur ehhee og svo fengum við far með Sigga heim aftur.... hittum Anton Odd í smá stund í Gogogic sem vakti lukku hjá gormunum þremur.

Á laugardag ætlar Siggi að halda áfram að mála nýja vinnuhúsnæðið, við hin förum í danstíma á meðan og svo í afmæli til Jóhönnu Sigríðar á Selfoss, hún er að verða 2 ára á morgun :) Ekkert planað annað en sunnudagaskólinn á sunnudag.... kannski skellum við okkur bara í Húsdýragarðinn, fer eftir veðri :þ

Í sumar fer ég í frí í 4 vikur, allavegana... byrja um miðjan júlí og fengum úthlutað sumarbústað á Illugastöðum, fáum hann afhentan föstudaginn um Verslunarmannahelgi :þ... ætlaði í 4 vikna sumarfrí en nenni ekki að skila bústað á föstudegi og byrja að vinna á mánudegi þannig að ég er að spá í að fá að taka 2-3 daga í viðbót, fínt að vinna ekki heila viku fyrstu vikuna eftir sumarfrí :þ kemur í ljós.

Jæja... ætla að halda áfram að horfa á imbann og reyna að fara snemma að sofa, Siggi er í húsvíkingafótbolta eins og alltaf á fimmtudögum :þ
Heyrumst... og allir kíkja á http://www.icelandsocks.com/
kv
Krizzza

Lækningamaðurinn...

2008-03-31T21:18:00.002Z

HæHæ...
fór í dag og hitti huggulega heimilislækninn minn, hann Skúla... var að skipta um heilsugæslu í haust og hef aldrei hitt hann áður :þ afskaplega fínn læknir auðvitað (enda setti Þorgerður systir mig hjá honum, hún valdi vel).
Lækningamaðurinn var að skoða mig af því að sjúkraþjálfarinn minn mælti með því, bað lækninn að tékka hvort ég væri hugsanlega með vefjagigt... og fékk það staðfest hjá lækninum í dag.
Það er svo sem voða gott að skilja loksins hvað það er sem er að fara með mig, vita af hverju þessir endalausu verkir hellast yfir mig reglulega, og af hverju mjöðmin gefur sig einn daginn, svo kannski hnéð næsta dag...
Vefjagigt er samansafn ýmissa einkenna, kannski á eftir að flokka þennan sjúkdóm betur niður seinna þegar vísindamenn komast að því hvað það er sem orsaka þennan sjúkdóm.
Það er því miður voða lítið hægt að gera við vefjagigt, ég mun eiga í þessu alla æfi... væntanlega sjúkraþjálfum reglulega (eins og undanfarin rúmlega 10 ár!!) og svo þarf ég að passa að hreyfa mig... en samt skynsamlega, t.d. sund, vatnsleikfimi, göngutúrar og önnur léttari hreyfing.... pallatímar eru algjört bann fyrir mig. Svo get ég reynt að passa að sofa reglulega (sem er voða þægilegt þegar ég vinn 22 tíma vaktir!!), passa upp á mataræðið og fleira slíkt... almennt að sinna sjálfum sér og hlusta á líkamann án þess þó að leggjast í dvala.

En nóg um það... ætla að fara að horfa á sjónvarpið, fór í 20 mínútna göngutúr áðan (nennti ekki lengra... það er hrikalega kalt úti í þessu roki).... þið getið kynnt ykkur vefjagigt á www.vefjagigt.is ef þið viljið.

kv
frú Kristín Vefjagigtos

Páskayfirlit :D

2008-03-27T20:51:00.002Z

Jæja.... ætla að færa leiðinlega bloggið neðar og reyna að skrifa um eitthvað skemmtilegra.... páskafrí :D Við áttum æðislegt páskafrí fyrir norðan, ég var í fríi miðvikudaginn fyrir páska og sá um að pakka fyrir fjölskylduna (nema fyrir Sigga hehehe treysti mér ekki í það).. svo kom Sigginn minn heim og henti öllu draslinu út í bíl og við sóttum ormagormana í leikskólann og lögðum af stað norður, komin af stað um kl 3 og ferðin gekk auðvitað ljómandi vel. Við komum til mömmu og pabba um klukkan 8 eftir huggulegt stopp á Blönduósi... gormarnir sváfu lengi vel og voru auðvitað stillt og prúð eins og alltaf í bíl, voru að sjá skemmtilegar fígúrur og myndir í snjónum í hlíðum Hafnarfjalls (risaeðlur, dót og byssur hehhe), sáu fullt af hestum, skemmtileg hús og fleira. Þeim finnst verulega gaman í bíl, svona almennt. Svo fengu þau líka smá nýtt dót í bílnum þegar þau voru farin að þreytast :þ hann fékk R2D2 úr Star Wars og hún fékk 2 lítil Littlest PetShop dýr.
Eftir kvöldmat í Steinahlíðinni fórum við til Lillu, Jonna og Láka í Norðurgötuna þar sem við gistum, við Siggi í svítunni (sem var áður herbergi afa og ömmu) og Þorlákur og Ingibjörg saman í gamla herberginu hans Sigga frænda... þau reyndar gátu engan vegin sofnað í sama herberginu og skiptust því á að sofna með mömmu sæng og mömmu kodda hehehe algjör mömmukríli þessa páskana :þ
Á Skírdag tókum við því rólega fyrri partinn og lögðum svo af stað í svaðilför til Húsavíkur :þ Víkurskarðið var ófært og Dalsmynnið átti að vera fært hehehe þeir bara vissu ekki betur en það var eiginlega frekar þungfært... fyrriparturinn af Dalsmynninu var fínn (og við komumst frekar fljótt frá snjóflóðasvæðinu) en svo þegar við komum lengra þá var bara fullt af snjó á veginum (sennilega í hnéhæð hjá mér) en við vorum svo heppin að sjá alltaf hjólför sennilega eftir jeppa og reyndum að fylgja þeim. Siggi reyndar sá lítið út, það fraus klaki á framrúðunni í sjónlínunni hans en ég vísaði honum í hjólförin heheh "aðeins til hægri" heyrðist ansi oft heheh Svo komum við á þjóðveg 1 og héldum að allt væri orðið ok en í Ljósavatnsskarðinu skall á þvílíka rokið og skafrenningur með því en stikufært... svo þegar við nálguðumst Kinnina þá bara ætluðum við ekki að finna afleggjarann til að beygja hehehe sáum ca 1/3 á milli stika en við svo sem kunnum alveg á leiðina og vorum svo heppin og það var svo hvasst að það var ekki snjókorn á veginum :D og Siggi fylgdi bara máluðu línunum á miðjunni og ég reyndi að finna stikur við og við.
Svo komumst við til Húsavíkur, fengum auðvitað frábærar kökur í kaffinu, Anna Björg, Kiddi og Davíð Leó komu til að hitta okkur og tengdamamma og tengdapabbi voru líka á Húsavík (íbúðin hans tengda á Húsavík er í sama húsi og íbúð Ástu Birnu, hægt að ganga á milli í gegnum eldhúsið :D ). Þorlákur og Ingibjörg voru fljót að læra leiðina yfir í afa-íbúð og fengu þar nammi, gos og safa :þ klárir gormar. Kíktu svo aðeins í heimsókn til Öddu ömmu Sigga á Hvamm, rákumst þar líka á Öddu í Álftagerði sem var auðvitað frábært. Adda amma leysti okkur út með gjöfum, Ingibjörg fékk vettlinga, Þorlákur sokka og ég fékk þrjá dúka, 2 með krosssaumi og einn heklaðan :D
Um kvöldið var hangikjöt í matinn :o) sem var auðvitað frábært.
Daginn eftir vorum við bara í rólegheitum, gormarnir fóru út að leika með Hafþóri, hjálpuðu Hafþóri að stækka virkið sitt með snjó úr virkinu hans Arnþórs hehehe
Svo fórum við aftur til Akureyrar, vel fært í þetta skiptið :) kíktum aðeins við hjá mömmu og pabba og fengum svo lax um kvöldið í Norðurgötunni :o).
Laugardagur... ætluðum á skíði en svo var bara snjókoma í fjallinu þannig að við höfum það bara gott, Ninna og Líney komu og léku við krílin. Svo spændum við í Aðaldalinn, í kvöldmat til Pésa og Helgu. Frábært kvöld, Malla og Össi komu með strákana úr sveitinni og hittu okkur. Börnin borðuðu nagga og franskar og svo fóru þau elstu (öll nema Kristján og Arndís Inga) út að leika sér eftir kvöldmatinn, lítið mál í sveitinni að skella sér út án mömmu og pabba :D og við fengum þvílíkt gott lambalæri sem þau elduðu saman, fyrst í ofni og svo í smá stund á grillinum... ekkert smá góður matur :o). Svo fengu börnin ís í eftirmat en við fengum 3 gerðir af kökum og heimatilbúinn ís líka... Helga er sko alvöru sveitahúsmóðir með allt á hreinu :o) Eftir matinn fórum við Siggi í pottinn með Pésa, Össa, Einari og Hilmari, Malla og Helga pössuðu á meðan og ætluðu bara seinna um kvöldið í pottinn... við fórum svo af stað til Akureyrar um kl 10 um kvöldið.... og lenti í löggunni hehehe þeir stoppuðu alla rétt við Ýdali, kíktu inn í bílinn, fengu að sjá gamla bleika ökuskírteinið mitt og svo blés ég í mæli í fyrsta skiptið á æfinni hehehe og fékk grænt ljós sem er gott (enda er grænn flottastur :þ).
Páskadagur... og loksins var skíðahæft og við á Akureyri :þ en þá var aumingja mamma orðin lasin (Dagur orðinn hress, Þorgerður orðin hressari og hálsbólgan mín að minnka) en pabbi fékk að passa gormana. Hann fór m.a. með þau að skoða báta við smábátahöfnina sem vakti mikla lukku.
Hildur og Helga fóru með okkur á skíði og við drógum Helgu beint upp í efstu lyftu (ég vissi ekki að 4 dögum áður rann helga stjórnlaust niður frá stólalyftunni í plóg og gat ekki stoppað sig!!!) og Helga er bara algjör hetja, fyrsta ferðin gekk rólega en næsta ferð gekk um það bil helmingi hraðar og hún kann sko bara vel á skíði "litla" frænka. Hildur var mest með Dagnýju vinkonu sinni í stólalyftunni en kom við og við upp í Strýtu með okkur. Það var svo gaman á skíðum að við ætluðum aftur næsta dag en þá var farið að snjóa :S
Um kvöldið var frábær matur í Norðurgötu (átti að vera í Steinahlíðinni en mamma var lasin) fengum æðislega gæs með frábærri sósu sem Lilla töfraði fram. Í eftirmat var kaffifrómas sem mamma bjó til og svo ís fyrir börnin :o).
Svo kom að því að fara heim, áttum rólegan morgun, fórum með börnin í sund í Akureyrarlaug, pökkuðum svo niður og héldum heim á leið. Hildur Valdís kom með okkur í bíl, Þorgerður og Gilli voru með pakkfullan bíl þannig að Hildur kom bara með okkur :o). Þorlákur og Ingibjörg sofnuðu snemma og vöknuðu svo á Blönduósi og sváfu ekki meira eftir það ;) en við hlustuðum mikið á Laugardagslögin (reyndar aðallega 3 lög, Dr.Spock, Merzedes Club og Fullkomið líf) og gormarnir voru nokkuð hressir.
Vorum komin heim um kl 8 eftir kvöldmat í Borgarnesi :þ og svo daginn eftir byrjaði leikskólinn aftur og vinnan hjá okkur Sigga...

Svona voru páskarnir okkar :D afskaplega gott frí, jafnaðist á við ca 2 vikna frí og við erum endurnærð eftir það :D
Næsta ferð norður verður svo væntanlega í lok maí... í brúðkaup Ingunnar og Gísla í Svarfaðardal... hlökkum til

Takk fyrir frábæra páska
kv
Kristín

Fréttir.....

2008-03-17T23:48:00.003Z

Jæja.... þá þarf ég að drífa í þessu, segja ykkur leiðindafréttir....
Sem sagt, á miðvikudag í síðustu viku fengum við Siggi niðurstöður úr síðustu meðferðinni okkar, uppsetning á síðustu tveimur frystu fósturvísunum okkar og því miður þá voru það ekki góðar fréttir. Fáir vissu af þessari meðferð, það eykur álagið (sem er mikið fyrir) að margir viti af þessu öllu á meðan á meðferðinni stendur. Mun auðveldara að geta tekið sér nokkra daga í að melta niðurstöðurnar án þess að þurfa að ræða það strax við of marga... vona að þið sem vissuð ekkert um þessa meðferð fyrirgefið okkur....
Þetta voru síðustu frosnu fósturvísarnir okkar, 2 teknir úr frysti og litu mjög vel út en svo bara gekk þetta ekki, vildu ekki festa sig eða eitthvað svoleiðis.

Ég tók þessum fréttum bara ágætlega fyrsta daginn... en svo er mér bara búið að líða hrikalega illa, í gær ætlaði ég bara ekki að komast fram úr rúminu :S en svo talaði ég við Sigga minn (eins mikið og hægt er meðan Þorlákur knúsimús var æstur í að knúsa mömmuna sína en var vísað fram svo við gætum aðeins talað saman :þ hann er svo mikill mömmustrákur) og eftir að tala við Sigga þá leið mér mun skár og við skelltum okkur í 9 ára afmæli í Njarðvík, hjá Alexöndru dóttur Svenna og Kristjönu, bara hressandi að skella sér í bíltúr í vorveðrinu.

Í dag líður mér betur en í gær og stefni á að dagarnir haldi áfram að skána.... en hvað varðar framhaldið þá er það alveg óljóst ennþá, það er eitthvað sem við hjónin þurfum að ákveða í sameiningu í rólegheitunum. Er ég tilbúin í tíundu meðferðina eða ekki??? Það er spurningin.
Við eigum 2 yndisleg börn og þau eru fullkomlega frábær... er það græðgi að vilja meira eða???

Þessar ákvarðanir verða teknar síðar, ekki í neinum fljótheitum heldur með rökstuddum ákvörðunum.... þangað til verður tvíburakerran ekki seld, óléttufötunum ekki hent og barnafötin fá að eiga sinn stað í geymslunni áfram.... mér finnst tilhugsunin um að verða aldrei aftur ólétt ekki skemmtileg tilhugsun en hver veit hvað við ákveðum þegar við verðum búin að jafna okkur aðeins betur... kemur í ljós síðar....

En allavegana, vona að enginn verði sár við okkur og gefi okkur knús án þess að ræða þetta of mikið, viljum helst hugsa um eitthvað allt annað í bili, endurstilla heilann og tökum svo ákvarðanir síðar.

Takk fyrir að vera til fyrir okkur :D
kv
Kristín E.
í vinnunni í rúmlega 8 klst í viðbót.... og á leiðinni til Akureyrar á miðvikudag :o)

Leiðist...

2008-03-08T23:05:00.002Z

Nú bara leiðist mér og ákvað bara að blogga til að hætta leiðindum :þ er eitthvað hálf slöpp í maganum og Sigginn minn búinn að sofa við hliðina á mér í sófanum síðan kl hálf 9!!! Hann er búinn að vera smá timbraður í dag... það var vísindaferð í vinnunni hjá honum í gær, veit ekki hverjir komu í heimsókn :þ en það var víst voða gaman sem er aðalatriðið. Þeir eru á fullu í að kynna fyrirtækið :) sem er gott.

En allavegana... að pælingunum.... var sko að spá um daginn í framhaldi af því að fræga fólkið á Íslandi er voða mikið í að skíra börnin sín eftir þeim sjálfum :þ (eins og Jarún dóttir Jakobs og ... rún hehe man ekki hvað hún heitir).
Þá fór ég að búa til nöfn...
Til dæmis fyrir mig og Sigga, þá gæti stelpan heitið Kristurður og strákurinn Sigstín.... aumingja börnin hehehe
Þorgerður og Gísli myndu þá skíra Þorsli og Gíslgerður... vont líka.
Þóra og Völundur yrðu þá að skíra Þórlundur og Völra, strákanafnið gæti gengið eða hvað Þóra... er ég komin með nafn fyrir ykkur heheh
Málmfríður og Sigurður... Málmurður og Sigfríður... loksins kom nothæft nafn heheh
Þórdís og Ingólfur... Ingdís og Þórólfur... bæði nokkuð nothæf!!!
Fjóla og Ingólfur... Fjólólfur og Ingóla.... ekki eins gott en..
Arnfríður og Erlingur.... Arnlingur og Erfríður hehehe rosalega fín listamannanöfn!!!
Áslaug og Klaus... Ásaus og Klaug... virkar greinilega ekki á erlend nöfn :þ
Margrét og Einar... Marnar og Eingrét... hmmmm
Friðrik og Sigyn... Friðgyn og Sigrik.... ææææ ekki alveg að virka
Svanhildur og Sigurður... Svanurður og Sighildur... nei... held ekki
Ingibjörg og Gunnar... Ingunnar og Gunnbjörg (þau reyndar skírðu litlu rúsínuna sína Ingunni sem virkar frábærlega vel)
Ingunn og Gísli.... Ingsli og Gíslgunn.. veit ekki...
Ásta og Hermann... Ástmann og Hersta, annað gæti virkað en hitt er bara vont
Berglind og Gunnar... Bergunnar og Gunnlind.....
Tinna og Gunnar... Tinnar og Gunna... en þá væri bara betra að skíra Tinni :þ
Anna og Kristinn.. Anninn og Kristna... ekki að virka

Ok... nöfnin sem virka eru Kristurður, Þórlundur, Ingdís, Þórólfur Arnlingur, Gunnbjörn og Gunna... mæi ekki með restinni hehehe

Sem sagt.... mér finnst þetta fyndið og það gerir mig að nörra og það er bara fínt, alltaf gott að vera skrítinn af því að þá er maður ekki eins og hinir heheheh
Er að spá í að ýta við Sigga og fara að sofa.... mæli með því við alla :þ
kv
Kristín þreytta :D

sumar......

2008-03-06T22:23:00.003Z

hmmmm mig langar til útlanda í sumar.... það streyma yfir okkur endalausar auglýsingar í sjónvarpinu, við horfum svo mikið á SKY sjónvarp og auðvitað er auglýst endalaust þar enda var síðasta sumar hræðilegt á bretlandi...
Við erum að spá í hvort við getum skellt okkur eina helgi eða langa helgi fyrir flugpunkta í sumar, auðvitað langar mig mest til London eins og vanalega hehehe en ætla ekki til London ef það verður endalaust rigningarsumar þar aftur, ef við höfum krílin með þá væri voða gaman að fara til Svíþjóðar eða Danmerkur :o) í gott tívolí, góða strönd við passlega heitt vatn :þ
hver veit hver veit.... tíminn leiðir það allt í ljós, fæ vonandi að vita allt um sumarfríið mitt í næstu viku, þarf að svara leikskólanum fyrir 15. mars....

farin að horfa á Desperate Housewives

kv
Krizzza

Miðvikudagur :o)

2008-03-05T15:13:00.002Z

Smá skrif...... annars lítið að frétta síðan um helgi.....
Saumó í gær, tvíburamömmurnar. Rosalega fínt að spjalla saman í rólegheitunum. Sigrún gaf okkur hráfæði :o) hún var á námskeiði um daginn, kom mér verulega á óvart :o) Hrikalega góð kaka sem hún gaf okkur, þarf að redda uppskriftinni :þ

Góðar fréttir í dag, Íris og Jónas (sem var veislustjóri í brúðkaupinu okkar) voru að kaupa sér íbúð í Kórahverfinu, ekki langt frá lóðinni þar sem húsið okkar mun rísa... alltaf gott að fá nýtt fólk í Kópavoginn ;). Ekki er verra að Þorlákur, Ingibjörg og Anton Oddur sonur þeirra eru frábær saman, léku sér einu sinni í um 5 tíma hér heima og það heyrðist ekki í þeim!!!

Jæja... ætla að fá mér smá nasl og fara svo að sækja krílin....
kv
Kristín

OMG!!!!

2008-03-01T22:04:00.003Z

úfffff vorum á smá flakki á SKY ruglaranum okkar og rákumst á úrslitaþátt í Breska Eurovisionlagavalinu.... og vá!!! þvílíkur hryllingur. Þarna var verið að velja milli tveggja laga sem voru bæði hreinasta hörmung!!! Aumingja Bretarnir komast ekki langt með þetta lag :þ
Mæli með að þið reynið að hlusta á þetta hjá youTube... og gráta svo bara smá á eftir eða emja úr hlátri
kv
Kristín Eurovisionfan

Föstudagskvöld :þ

2008-02-29T20:02:00.002Z

.... og ég bara næstum ein heima... börnin sofnuð inni í rúmi (enda klukkan orðin 20:03 hehee) og Siggi stalst aðeins í vinnuna aftur, það er svo mikið að gera þessa dagana í nýju skemmtilegu vinnunni... ég er alveg sátt við aukavinnu meðan það er eftir kvöldmat og börnin helst komin í bólið hehehe ég er erfiða eiginkonan :þ
Tengdamamma var að hringja í mig, var að þakka aftur fyrir snúðana sem ég bakaði fyrir hana til að gefa gamla fólkinu á Holtsbúð :o) snúðarnir vöktu víst mikla lukku og svo á tengda líka afgang af snúðum í kistunni og er auðvitað hæstánægð með það :D gott að geta hjálpað til við góðverk, ekki spurning :o)
Í vikunni kom boðskort til okkar fjögurra, rosalega spennandi. Ingunn Elfa og Gísli eru að fara að gifta sig, 25. maí :o). Þann dag fyrir 40 árum síðan átti Ásta amma Sigga 35 ára afmæli, Ásta Birna næstelsta systir Sigga var skírð og tengdaforeldrar mínir giftu sig í leiðinni. Þau fá sem sagt eina af bestu brúðkaupsafmælisgjöfunum sem hægt er, yngsta dóttirin að gifta sig :o).... og reyndar eitt enn, fyrir 4 árum komu Þorlákur og Ingibjörg heim til sín af vökudeildinni í fyrsta skiptið á æfinni :o). Ég hlakka auðvitað þvílíkt til, þetta verður svo gaman. Athöfnin og veislan verða í Svarfaðardal, sem er ekki verra, ástæða fyrir að fara norður :D. Þorlákur og Ingibjörg eru líka voða spennt fyrir þessu, enda muna þau ótrúlega langt aftur í tímann hehehe ég hélt að tæplega 4 ára börn gætu ekki munað svona margt sem gerist, þau eru enn að tala um Bahamas og ströndina og Reggie og Völla og Þóru.... rúmu ári eftir að við vorum hjá þeim (reyndar þegar þau heyra í Birtu og Bárði í Útvarpi Latabæ þá eru þetta auðvitað Þóra og Völli hehehe og við erum bara ekkert að leiðrétta það!!!).
Um helgina eru Þorlákur og Ingibjörg að fara í fyrsta afmælið hjá öðrum en ættingjum... Binni vinur þeirra á Gulu-lind er að verða 4 ára og öllum á deildinni er boðið í afmæli í Veröldinni okkar í Smáralind á sunnudag :o), ég er búin að hringja í Þorgerði og ræða þetta aðeins hehehe við kunnum ekkert á svona... eigum eftir að kaupa afmælisgjafir (vil helst að þau gefi sinn hvorn pakkann en sjáum bara til) og erum búin að fræða þau um að þau fari í afmælið og pabbi og mamma fari svo heim á meðan og komi aftur (þó Þorlákur reyni enn að halda fram að okkur sé líka boðið hehehe). Við bara hlökkum til að sjá hvernig þetta gengur :D
Nú eru bara rúmir 2 mánuðir í tvöfalt 4 ára afmæli á þessu heimili og ég strax farin að hugsa hvernig við viljum hafa þetta... ekkert ákveðið ennþá :þ
Jæja... nú styttist í American Idol á ITV2 og þá er best að vera búin að leggja tölvuna frá mér (horfi sko á amerískt sjónvarpsefni eins og Affí frænka mín :þ)
Takk fyrir kommentin
kv
Kristín E.

Þursar og Caput

2008-02-24T21:21:00.002Z

Góð helgi alveg að verða búin :o) og vakt á morgun :( en það er allt í lagi ef ég hugsa bara um hvað það borgar vel að vinna alla þessa yfirvinnu (eða sem sagt... hvað það lagar lágu launin mín að vinna fullt af yfirvinnu hehehe).
Vikan gekk bara vel fyrir sig... enginn saumaklúbbur sem er frekar óvenjulegt (allavegana að mati Sigga :þ).
Á þriðjudagskvöld fór ég með tengdamömmu, Ingunni og Berglindi systrum Sigga á Lionsfund hjá Lionsklúbbnum Eik. Tengdamamma er þar í góðum félagsskap og fékk að taka með sér gesti á sérstakan afmælisfund, 20 ára afmæli klúbbsins. Gaman að fara með þeim, vantaði bara Ástu Birnu með :þ en aðeins of langt frá Húsavík fyrir eitt kvöld. Auðvitað var góður matur, lambalæri og tilheyrandi og súkkulaðikaka í eftirmat, fullt af skemmtiatriðum og bara gaman. Takk kærlega fyrir boðið Ingibjörg :o). Tók að mér að baka fyrir tengdamömmu, það gekk listi um salinn til að finna konur sem væru til í að baka bakkelsi til að taka með á Holtsbúð (elliheimili í Garðarbæ) á miðvikudag, ég er búin að baka eina uppskrift af bollum og ætla að baka aðra á þriðjudag þegar ég vakna :o) þetta á að vera tilbúið á miðvikudag handa gamla fólkinu :o)
Föstudagurinn rólegur, fengum okkur megavikupizzu frá Domino´s og áttum rólegt kvöld yfir American Idol á ITV2 :þ.
Laugardagurinn byrjaði vel, fékk að sofa aðeins lengur (takk Siggi minn) og hjálpaði Sigga svo að koma krílunum í bað, í föt og út úr húsi í danstíma. Ég fór svo með mömmu í Smáralindina, hún kom á föstudagskvöld og fór með Þorgerði í Óperuna. Við mæðgur áttum góða stund saman, hún keypti sér skyrtu og ég keypti mér peysu. Svo fórum við bara heim í smá stund og þaðan í afmælisveislu til Ássýar frænku :o) fullt af frábærum veitingum auðvitað.
Svo komum við okkur heim og vorum bara svo södd ennþá að Siggi borðaði bara upphitaða pizzu, börnin fengu sér engjaþykkni og ég borðaði bara ekkert (enda södd ennþá og að drepast í bakinu og óglatt :S ). Svo bara fékk ég mér íbúfen, lagði mig sá, tók mig til og var svo sótt af Þorgerði og Gilla og fór á tónleika í Laugardagshöllinni.... hélt að ég myndi aldrei upplifa það að fara á tónleika með Þursaflokkinum en svo bara byrjuðu þeir aftur :D og auðvitað voru þetta GEÐVEIKIR tónleikar!!!! Ekkert smá frábært. Þursaflokkurinn alveg massívur og Caput með Guðna Franzsyni fyrrverandi klarinettukennaranum mínum sem stjórnanda. Ótrúlega gaman og endurnærandi. Keypti auðvitað pakkann með öllum diskunum þeirra í lok tónleikanna, ekki annað hægt þó svo að ég eigi einn þessara 5 diska fyrir hehehe reyni kannski að selja hann síðar :þ eða á bara tvo eins.
Svo kom ég heim, fékk mér smá af pizzunni (sem er ennþá til hehehe) og svo fórum við bara að sofa... vöknuðum svo um kl 5, þá var Ingibjörg komin upp í til okkar, lág hálf ofan á löppunum á Sigga... og vöknuðum sem sagt við það að hún var hálfsofandi að æla :/ greyið litla. Hún ældi nokkrum góðum gusum yfir okkur og við skelltum bara öllu í þvott og settum nýtt utanum og reyndum að þrífa Ingibjörgu aðeins. Hún var alveg miður sín, sagði að þetta hafi verið alveg óvart... hún er svo mikil mýsla. Svo vaknaði Þorlákur og var auðvitað alveg hundfúll yfir að fá ekki að koma upp í til okkar en skildi þetta alveg þegar ég sagði að Ingibjörg hefði verið að gubba. Svo reyndum við að sofna aftur en þegar við vorum alveg að sofna þá gubbaði Ingibjörg aftur... en hún er svo dönnuð að nú fór bara allt í balann sem var við hliðina á henni :o) algjör dúlla.
Svo bara gubbaði hún ekki meira en var frekar slöpp og orkulaus í dag en dugleg að drekka og borðaði nokkra bita í kvöldmatnum.
Í dag fórum við Þorlákur svo í heillanga útskriftarveislu til Möllu, byrjaði á æðislegri súpu í hádeginu og svo bættist fleira fólk í hópinn og við fengum kökur í kaffinu, góður dagur og börnin ótrúlega stillt, voru mest inni í herbergi... enda hent öfugum inn aftur ef þau voru með hávaða af því að Kristján Örn var sofandi í hjónaherberginu :D.
Nú erum við hjónin að horfa á Lost á SkyOne :o) ekkert smá hrifin af SKY ruglaranum okkar, börnin sofa og allt ljómandi fínt.. vakt á morgun sem þýðir frí á þriðjudag og þá á að baka aðeins meiri bollur fyrir gamla fólkið :o), saumaklúbbur hjá Lólu á þriðjudagskvöldið og bara fjör eins og vanalega :o)
Takk fyrir öll kommentin :D
kv
Kristín

2 vikna skammtur.....

2008-02-17T21:01:00.003Z

vá hvað tíminn líður hratt... komnar 2 vikur frá síðasta bloggi... sorry :þ en er líka búin að vera upptekin við að uppgötva ný blogg hehe systurnar Affí og Ádda frænkur mínar eru báðar farnar að blogga :o) ekkert smá gaman að lesa skrifin þeirra... linkar inn á bloggin þeirra til hægri á síðunni minni.
Síðustu helgi var nóg að gera, var ekki að vinna :) og í staðinn bara í rólegheitum með fjölskyldunni. Danstími eins og venjulega á laugardeginum en fórum ekki í sunnudagaskólann, það var sameiginlegur sunnudagaskóli í Grafarvogi (minnir mig) og við nenntum ekki :þ Á laugardag gerðist ég rosa dugleg og bakaði ger-kanilsnúða.... Sigga datt í hug að ég gæti það fyrst ég gat bakað gerbollur fyrir bolludaginn. Hringdi í mömmu og fékk uppskrift :o) og þeir voru bara ljómandi góðir. Tengdamamma og Benna systir hennar voru á rúntinum og kíktu við í kaffi og snúða. Um kvöldið fórum við í pizzuveislu til Möllu, Þorgerður og co voru þar líka og við mættum auðvitað með snúða með okkur í eftirmat.... verð að minnast á að snúðarnir voru með brúnum glassúr, bleikum, bláum, grænum og gulum glassúr :D og svo auðvitað glassúrlausir fyrir pjattrófurnar hehehe ekki allir fyrir svona litagleði :þ
Á sunnudeginum vorum við bara heima í rólegheitum... ég steikti pönnukökur....

Það er sko verið að spara á heimilinu hehehe og það er mun ódýrara að baka en að kaupa bakkelsi í bakaríinu :o)

Svo bara gekk vikan fyrir sig eins og venjulega... reyndar aðeins öðruvísi þriðjudagur en vanalega. Ég var í fríi (búin að vinna svo mikið undanfarið að ég átti inni svefnfrídag) og Siggi leyfði mér að sofa :D en Ingibjörg var hálf undarleg... borðaði allan morgunmatinn, fór í fötin, burstaði tennur og átti svo að fá að leika sér en var svo þreytt að hún vildi bara fara aftur að sofa... lagðist í rúmið og sofnaði og við héldum að hún væri bara að verða lasin þannig að hún fékk bara að sofna og ég sá fram á dag heima í fríi föst heima :S En svo vakti ég hana rétt fyrir kl 10 og þá var hún bara eldhress (við höldum að það sé vaxtarkippur í gangi... þau borða vel og þurfa MIKIÐ að sofa).
Við mæðgur áttum ákaflega huggulegan dag... fórum í Rekstrarvörur (eða klósettpappírsbúðina eins og Ingibjörg kallar hana) og svo í Vogue, í apótek og í heimsókn til Sigga í nýju vinnuna. Svo fórum við á McDonald´s í hádegismat og fórum svo heim að baka meiri snúða í frystikistuna. Þá var Ingibjörg reyndar farin að segja "hvenær eigum við að sækja Þorlák bróður minn" hehehe farin að sakna hans mikið. Svo þegar hann kom heim þá sagði hún "svo á morgun þá fer ég á Dal og Þorlákur fær að vera heima hjá þér" en það var því miður ekki svoleiðis... en ég stefni á dekurdag með Þorláki á næstunni. Henni fannst þetta æðislegur dagur :þ frábært að hafa heilan dag með alla athyglina frá mér hehehe

Þessa helgina kom ég heim þar sem Siggi var með gormana og Dag Elís, svo kom Þorgerður að sækja Dag og þá bauð Siggi Degi Elís í súkkulaðiköku næsta dag... og ég varð auðvitað að standa við það!!! Bakaði enn meiri snúða, Betty súkkulaðiköku og kippti einni marensköku úr frystinum (sem Ássý frænka færði okkur um daginn, frystirinn í bakaríinu bilaði vúhú við heppin :D ) og Þorgerður kom með sitt lið og Malla með sitt lið í kaffi.
Tinna Ösp kíkti við í hádeginu, Gunni hennar var að vinna og hún bara að þvælast :o) hún er voða dugleg að kíkja í heimsókn sem er bara ljómandi gaman (og hún er búin að læra að gera lasagna eins og ég geri :þ... ég er orðin ótrúleg húsmóðir hehehe).

Í dag fórum við í nestisferð :o) hundleiðinlegt veður og við nenntum ekki í göngutúr þannig að við fengum okkur nokkra snúða og kókómjólk í nesti, keyrðum upp í Heiðmörk og borðuðum nestið í bílnum hehehe vorum sko að sjá lóðina okkar frá Heiðmörkinni :o).

Svo kíktum við aðeins til Möllu og Össa, Siggi aðeins að laga Corsuna í bílskúrnum þeirra... þarf að komast í gegnum skoðun fljótlega.
Svo kom tengdamamma í kvöldmat, í lasagne (ég held að hún haldi að við eldum ekkert annað hehehe alltaf lasagne þegar hún kemur) og kom með heklaðar hosur handa mér og var búin að gera við hinar hosurnar mínar, sem hún gaf mér fyrir nokkrum árum :o) takk fyrir það :o).

Vinna á morgun, engin vakt alla vikuna :o) loksins enda er ég komin með 95 yfirvinnutíma frá 16. jan til 15. febrúar... fæ ágætlega útborgað næst!! en er orðin svolítið þreytt :S
Á þriðjudagskvöldið fer ég með tengdamömmu, Berglindi og Ingunni á Lionsfund, 20 ára afmæli Lions-klúbbsins sem tengdamamma er í :o) spennandi að kíkja með.

Annars bara róleg vika framundan, enginn saumaklúbbur :o) allavegana ekki planað ennþá... en svo kemur bissí helgi... Mamma kemur á föstudag, útskrift Möllu á laugardag (hún snillingurinn fékk 9 fyrir lokaverkefnið... ég fékk bara 8 :S), afmæli Ássýar frænku á laugardag, tónleikar með Þursaflokkinum á laugardagskvöld (ég fer með Þorgerði og Gilla... Sigga langaði ekki) og útskriftarveisla Möllu á sunnudag... því betur verð ég ekki að vinna- þriðju helgina í röð :D

Takk fyrir öll kommentin
kv
Kristín

Bolludagur :þ

2008-02-04T13:23:00.000Z

Gleðilegan bolludag :o)

Ég náði að baka bollur í gær, í fyrsta skiptið sem ég geri það sjálf!!! Langaði bara svo hrikalega í ekta bollur eins og mamma og Lilla gera... gerbollur í bakaríunum eru bara eins og hamborgarabrauð með engu korni!!! og þannig eiga þær alls ekki að vera.

Hér er mynd af bollunum mínum, Þorgerður hjálpaði mér að skella rjómanum á og setja glassúrinn ofaná. Bleiku bollurnar eru auðvitað með jarðarberjarjóma á milli (og smá rauðan matarlit til að fá bleikan lit á rjómann) og brúnu bollurnar eru með glassúr ofan á, rabarbarasultu á neðri botninum og hvítum rjóma á milli!!! Allt eins og mamma og Lilla myndu gera þetta!!!

Mínar glæsilegu bollur (ein smá montin hehehe)

Þorgerður keypti nokkrar vatnsdeilsbollur fyrir Sigga,

sem við svo skreyttum og settum rjóma á milli

Þessi fjögur voru hæstánægð með bollurnar, Þorlákur, Dagur Elís, Nasi (sem býr á leikskólanum þeirra en fær að fara heim um helgar með krökkunum til skiptis) og Ingibjörg

Sko bara, mínar bollur ruku út!!! Bara ein eftir!!! (fyrir utan þær sem fóru til Þorgerðar í gær og voru í eftirmat eftir pizzurnar sem Hildur og Þorgerður bökuðu handa okkur... og verða í kaffinu hjá mér í dag og í eftirmat í kvöld!!)

Meira eftir af vatnsdeilsbollunum (meira mont hehehe)

Svo koma hér 2 myndir sem fundust í myndavélinni, voru á innra minni vélarinnar en ekki á kortinu, teknar í nóvember 2006!!!

Þorlákur montrófa með tyggjó hehehe

Ingibjörg mestamús í skokk af Hildi Valdísi

Eigið góðan bolludag, góðan sprengidag og ekki síst góðan öskudag :þ

kv
Kristín
sem á 6 mánaða brúðkaupsafmæli í dag.... hangikjöt í kvöldmatinn og bollur í eftirmat!!!

...................

2008-02-02T21:24:00.001Z

.............

Ein ég sit og sauma
inní stóru húsi
enginn kemur að sjá mig
nema Securitas-sendillinn

en ég ætla samt að búa til bollur á morgun :þ vona að ég nái að sofa eitthvað í nótt

kv
Kristín í vinnunni....

Sunnudagsdugnaður.......

2008-01-27T20:49:00.000Z

ó já... ótrúlega dugleg í dag :o) Byrjaði reyndar ekki vel, þar sem við hjónin bara nenntum ekki fram úr rúminu... börnin sváfu ágætlega lengi :þ og svo léku þau sér frammi og voru svo bara sett fyrir framan sjónvarpið hehehe þau horfa mjög sjaldan á sjónvarpið á morgnana um helgar en voru bara alveg sátt í dag... enda ógeðslegt veður úti og svefnpurrkuforeldrar inni í rúmi.... svo bara fengu þau SpecialK stykki í morgunmat- fyrir framan sjónvarpið sem vakti mikla lukku :D.
Ég fór ekki almennilega fram úr rúminu fyrr en upp úr kl 12 :þ Siggi fór fyrr fram og gaf þeim skyr og flatkökur í hádegismat.
Svo kom Sara af efri hæðinni í heimsókn til þeirra, sem er verulega þægilegt því að þá heyrum við ekkert í þeim (ég fór að horfa á Póker inni í herbergi og Siggi að horfa á fótbolta í stofunni).... svo fór Sara heim kl 15 og við fengum okkur brauð og smákökur í kaffinu....

Þá tók dugnaðurinn við.... systkinin fóru upp til Söru og við í að taka til.... Siggi tók baðið og ég stofuna. Svo fórum við í allsherjar tiltekt í barnaherbergjunum, þurrkað af, dótinu öllu raðað á rétta staði, slatta hent og partur settur út í geymslu... breyttum líka aðeins uppröðuninni í herbergi Ingibjargar, kemur bara ágætlega út.

Nú er bara eftir að setja restina af jóladóti í kassa (er á sófaborðinu) brjóta saman heilt fjall af þvotti (Siggi sér um það hehehe) og svo bara horfa á Dexter kannski ná að drepa í sjónvarpinu og fara svo að sofa :þ

Á morgun fer ég loksins í vinnuna aftur, byrja á því að vinna í 12 tíma á morgun, alla aðra daga vikunnar eins og vanalega og svo sólarhringsvakt á laugardag :S svolítið löng vika!!!

Enginn saumó í vikunni :S

Takk fyrir öll commentin.....
kv
Kristín hætt að vera frú Streptococcus :D:D:D:D:D:D:D:D:D

.....að hressast

2008-01-26T16:11:00.000Z

Er að hressast.... Siggi fór með krílin í dansinn í morgun og út á sleða áðan, mér fannst ekki ráðlegt að fara út á sleða fyrsta daginn sem ég færi út úr húsi hehehe
Ætla í bíltúr með fjölskyldunni á eftir, kannski kíkjum við aðeins að brekkuna þar sem húsið okkar mun rísa.. og reynum að giska hvar nákvæmlega það verður hehehe engar götur ennþá til að miða við :þ

Fann EM á skautum á Eurosport í fyrradag, þvílíkt lán :o) búin að horfa smá í þrjá daga í röð hehehe úrslit í listdansi para í gær og úrslit kvenna í dag... lisdans para er uppáhaldið mitt :D Siggi var ekki eins ánægður í dag, gat ekki horft á beina lýsingu af öllum leikjum dagsins hehehe sem sagt eins og útvarpslýsing en hann bara sér kallana sem eru að lýsa (greyið að eiga svona vonda konu hehehhe) hann fylgdist bara með á netinu í staðinn. Ég gerði svo kakó áðan, ætlaði líka að gera pönnsur en hveitið var bara nánast búið, kannski verða bara pönnsur á morgun.

Ótrúlegt hvað montgenið í mér er slæmt, var alls ekki búin að láta mér detta til hugar að taka mynd af snilldinni sem ég var að klára hehehe fer í það mál á næstunni :þ takk fyrir tipsið Þóra beib :o)

Takk fyrir kommentin
kv
Krizzza

frú Streptococcus

2008-01-24T15:31:00.000Z

ó já.... hér liggur frú Streptococcus, heima að bilast á því að vera alltaf lasin :S Fékk einhverja fjandans pest í nóvemberbyrjun, svo væntanlega nóró-vírus magapest í desember og nú streptokokka..... er þetta ekki bara að verða ágætt í bili???

Lyfin virðast allavegana vera farin að virka, gat borðað smá áðan án þess að æla (ó já... borðaði smá í gær, fyrsta fasta fæðan síðan á mánudagskvöld og ældi bara öllu!!!) og vona að nú sé þetta að ganga yfir. Verð heima á morgun og vona að ég verði orðin eldhress eftir helgi.... vonivonivoni

Var að skoða síðu hjá litla sæta nýjasta frænda mínum, sonur Sigurðar Ágústs frænda míns. Hann er rúmlega mánaðargamall og var að fá nafn, heitir Arnaldur Kári :o) til lukku með nafnið litli frændi. Reyni að ná heilsu og hætta að vera pestargemlingur áður en ég kíki í heimsókn!!!

Allt kreisí í sjónvarpinu áðan, borgarbúar alveg brjálaðir yfir nýja borgarstjóranum, sá ekki byrjunina en hefði ekki séð neitt ef ég væri í vinnunni hehehe (alltaf að reyna að vera Pollyanna) og nú er í gangi Ísland-Spánn.... reyndar sorgleg staðan núna en samt gaman að horfa á flotta stráka henda bolta á milli hehehe

Hlakka til að komast út úr húsi hehehe
kv
Krizzza Streptococcus

vúhú....

2008-01-20T16:30:00.000Z

Það er komið að því.... ný tölva komin á heimilið :D keypt á góðu verði í Elkó (þó Gilli mágur sé hættur að vinna þar hehehe)
Nú fer ég alveg í það að setja inn myndir á barnanetssíðuna og fer að blogga meira.... Þorgerður systir sagði Sigga að kaupa bara ekkert nýja tölvu, ég er búin að vera svo dugleg að sauma eftir að tölvan bilaði hehehhehe Búin með bangsamynd fyrir Ingibjörgu og byrjuð á myndinni hans Þorláks... á reyndar eftir að sauma nafnið hennar Ingibjargar, dagsetningu, tíma, þyngd og lengd við fæðingu, ætla fyrst að klára Þorláks mynd og klára svo báðar í einu.

Erum farin að spá í útliti og stærð á húsinu okkar, förum í það á næstunni að finna okkur arkitekta, komin með ákveðnar hugmyndir af fjölda herbergja og stærð :o) Húsið okkar verður við Kollaþing 4, í nýju hverfi sem liggur frá Elliðavatni og yfir Vatnsendahæð.. í áttina að Guðmundarlundi sem er hluti af Heiðmörkinni... krílin munu ganga í gegnum Guðmundarlund á leiðinni í skólann. Þetta er auðvitað í Kópavoginum enda er svo gott að búa í Kópavogi :D
Lóðina fáum við afhenta í lok þessa árs og við stefnum á að halda jólin 2009 í nýja húsinu :o)

Jæja... ætla að krúsa um netið í nýju tölvunni :D
kv
Krizzza
ps... fórum út á sleða í gær og í dag... fullt af snjó í uppsveitum Kópavogs hehehe

Jólauppgjör :þ

2007-12-30T17:06:00.000Z

Jæja... þá er að sjá hvað tölvan endist lengi, sennilega er vinnsluminnið í henni alveg að gefa sig, fáum reglulega bláan skjá og allt dettur út... frekar pirrandi og þar af leiðandi höfum við lítið kveikt á þessari tölvu síðan fyrir jól. Blogspot er hinsvegar svo fín síðan að hún vistar sjálfkrafa Draft af öllu sem ég geri þannig að ég ætla að reyna að blogga... sé til hvenær það kemst inn á síðuna hehehe

En allavegana, smá um jólin :o) Jólin eru alltaf æðislegur tími, það er bara svoleiðis... og það kemur að því eitthvert árið að við eigum eðlileg jól :þ þessi árin erum við að læra það að jólin koma alltaf sama á hverju gengur!!!
Þetta árið byrjaði ég að kvöldi 22. des... lasin :( svaf nánast ekkert alla nóttina, var bara á flakki úr rúminu á klósettið í rúmið á klósettið.... og endaði svo á að æla og æla um morguninn og fór svo í vinnuna!!! Það er eiginlega ekki hægt að redda öðrum í vinnuna klukkan 7 á sunnudagsmorgni, daginn fyrir jól!!! Ég bara vann og hljóp á klóið inn á milli, brjálað að gera því miður en þetta gekk. Aðalvaktin mín mætti kl 10 og ég var svo komin heim fyrir kl 12, upp í rúm og lá þar restina af deginum með beinverki, liðverki, hausverk, hita og almenna vanlíðan. Missti af skötunni hjá tengdapabba :( en Siggi fór með börnin, pabba, mömmu og Möllu í skötuveislu (börnin borðuðu bara saltfisk hehehe).
Svo á aðfangadag var ég nú aðeins hressari, mamma og pabbi komu (af því að Siggi þurfti að vinna) og mamma hjálpaði mér að taka aðeins til og hún bjó líka til tvær gerðir af ís til að hafa í eftirmat á jóladag. Svo kom Siggi heim upp úr kl 12 og var þá orðinn ansi slappur, lá inni í rúmi og leið illa, slapp reyndar við að æla.
Mamma fór í hádegismat til Þorgerðar og svo ákváðum við Siggi bara að taka því rólega þessi jólin... því betur var enginn væntanlegur í mat af því að jólasteikin var bara geymd, við Siggi borðuðum ristað brauð með graflaxi og sósu en börnin vildu ekki graflax og borðuðu bara ristað brauð með mysuosti :o) ekki spennandi jólasteik en það var ótrúlega jólalegt hjá okkur engu að síður.
Við skelltum okkur öll í spariföt, ætluðum fyrst bara að hafa börnin í sparifötum en svo bara drifum við okkur í bingógallana líka :þ Svo vorum við með dúk á borðinu og notuðum sparidiska, spariglös og sparihnifapör og höfðum svo kveikt á jólamessunni í útvarpinu. Yndisleg stund og ekkert stress. Svo bara höfðum við ekki orku í frágang, frestað fram á næsta dag hehe og fórum bara beint í að opna pakkana, fyrir kl 7!! og af því að við vorum svona snemma í þessu öllu þá voru börnin auðvitað stillt og prúð, allt gekk ljómandi vel fyrir sig og bara einn pakki opnaður í einu og ekkert grátið!!! Enda eru þau þriggjaoghálfs og alveg að verða fullorðin :o) Það var svo gaman að sjá þau opna pakkana að við gleymdum bara að barma okkur og vera lasin :þ fullkomlega frábær jól í rólegheitum.
TAKKTAKK fyrir alla pakkana og öll jólakortin (sem voru opnuð fyrir kvöldmat... til að hugsa um eitthvað annað en lasleikann hehehe).
Svo bara fóru börnin að sofa í náttfötunum frá Kertasníki og við Siggi vorum sofnuð fljótlega á eftir þeim :o)
Gleymdi einu... gerðum DAUÐALEIT að myndavélinni okkar á aðfangadag... leituðum út um allt m.a. í dótinu hjá börnunum og í óhreina tauinu og hún bara fannst ekki, en til að redda málunum þá lánaði elsku Hildur Valdís okkur myndavélina sína :D takk fyrir það elsku frænka.
Gleymdi líka að segja að í hádeginu á aðfangadag borðuðum við möndlugraut sem elskuleg systir mín hún Þorgerður bjó til kvöldinu áður :o) þar sem ég átti eftir að kaupa möndlugjöf þá höfðum við bara tvær möndlur og börnin fengu saman DVD disk með Doddaþáttum sem þau áttu að fá til að stytta sér stundir á aðfangadag.

Jæja... þá er komið að jóladag. Vorum aðeins brattari, fórum eftir hádegi með börnin út á sleða (já... við fengum LOKSINS hvít jól) og enduðum á að labba til Þorgerðar sem á afmæli á jóladag eins og Jesúbarnið og fengum þar kakó og kökur. Svo fórum við heim að elda... systur mínar, foreldrar mínir og börn komu í jóladags-hangikjöt til okkar að kvöldi jóladags. Ekki flókin eldamennska, við suðum kjöt og kartöflur, Malla flysjaði kartöflurnar og mamma gerði jafninginn. Svo var ísinn sem mamma gerði á aðfangadag étinn upp til agna. Mikill hávaði en yndisleg stund engu að síður :o) og góður matur... þó við hjónin höfum verið listarlaus ehehhehe

Á annan dag jóla voru bara rólegheit hjá okkur. Helstu tíðindin eru að við elduðum loksins jólasteikina, hreindýralund og flotta villibráðarsósu með, waldorfsalat og eitthvað fleira. Aftur var dreginn fram dúkur og sparistell og allt og var allt ljómandi fínt hjá okkur og gott hreindýrið :þ

Svo bara var vinnan aftur, fámennt á leikskólanum en þeim fannst æðislegt að fara þangað, voru báða dagana á elstu deildinni :þ rosa montin... og þar sem það voru fá börn þá var auðvitað dekrað við þau :o).
Fórum á jólaball Siglfirðingafélagsins eftir vinnu 27. des og hittum þar fullt af ættingjum, systur pabba og þeirra afkomendur (ekki allir en margir samt!!!). Rosa gaman og Þorlákur var hæstánægður með að hitta Hurðaskelli sem er "góður jólasveinn af því að hann gaf mér sjóræningjaskip" hheehehe

Í gær voru bara rólegheit hjá okkur, Íris, Jónas og Anton Oddur kíktu við í vöfflukaffi í gær (þau gáfust upp á að finna bílastæði við Smáralind og komu bara til okkar í staðinn) og í gærkvöldi var jólamatur hjá tengdaforeldrum mínum, Berglind mætti með alla sína stórfjölskyldu og Ingunn og Gísli mættu með sín börn :o) frábær matur (matarlystin er alveg að koma aftur!!!) fengum tvær gerðir af lambalæri, graflax í forrétt og ís og frómas í eftirmat. Vorum ekki komin heim fyrr en um hálf ellefu og þar af leiðandi fengu allir að sofa lengi í morgun, börnin vöknuðu ekki fyrr en um hálf tíu

Svo bara erum við í rólegheitunum í dag... fór með smá pakka til litla frænda míns, Óðins Nikulásar. Erin frænka mín var ólétt af honum þegar við vorum í heimsókn hjá þeim í febrúar, á leiðinni heim frá Bahamas. Vonandi náum við að hitta þau aðeins áður en þau fara heim aftur til New York en ég vildi drífa mig með pakkann og jólakortin til þeirra, ætlaði að keyra það út á Þorláksmessu en það gekk ekki hehehe

Í kvöld ætlaði ég að hafa fisk í matinn, bara til smokkfiskur og saltfiskur í nettó hehehe þannig að það verður bara pylsuréttur. Svo fer ég að vinna á morgun, mætt kl 10 og er á bakvakt... vonandi slepp ég heim um kl 16-17... og ef allir verða stilltir þá ætti ég ekki að þurfa að vinna meira, verð samt á bakvakt til kl 8 á nýársdagsmorgun.
Á gamlárskvöld verðum við í mat hjá Möllu og Össa og þau koma svo til okkar á Nýársdagskvöld. Mamma og pabbi fóru norður að morgni 28. des og Þorgerður og fjölsk. keyrðu norður í gær.

Vona að þið hafið náð að lesa í gegnum allt og vona að almættið sé búið að átta sig á því að við vitum alveg að það koma alltaf jól sama hvernig ástandið er!!! Sjáum til hvernig næstu jól verða hehehe

Gleðileg jól allir sem lesa þetta og eigið yndislegt næsta ár
kv
Kristín E.

ps... fengum bréf frá Gunnari Birgissyni á aðfangadag... fengum lóð :þ Kollaþing 4. Þar ætlum við að reisa æðislegt hús :þ þar sem við komum öllu draslinu okkar fyrir hehehe. Stefnum á að eyða jólunum 2009 í nýja húsinu, fáum lóðina afhenta ca í desember 2008

Jólagógó

2007-12-21T21:34:00.000Z

Of þreytt til að blogga......... en alveg til í að auglýsa Gogogic :o) fyrirtækið hans Sigga míns (og nokkurra annarra líka reyndar :þ)

Jólaleikur: http://www.gogogic.com/jolagogo2007/
Flugmiðar í verðlaun... reyndar með Iceland Express en so.......

kv
Krizzza
að fara að spila... þó ég geti ekki unnið vegna tengsla við fyrirtækið :S

Helgarfrí :þ

2007-12-14T20:46:00.001Z

komin í helgarfrí.... ætla að hætta að vera stressuð fyrir jólin og ætla í staðinn að njóta jólanna....

í fyrramálið byrja ég á klippingu, ætlaði svo á jólaball í Sigga-vinnu eftir hádegi en það er víst klukkan 11 þannig að ég missi af því :S smá klúður

í kvöld ætla ég að hafa það huggulegt... Survivor á eftir...

klára jólagjafir á morgun eða sunnudag, 5 eftir og svo ætla ég að kaupa smátterí sem ofurkrílin geta gefið hvort öðru :þ

jólakortin tilbúin... nennti samt ekki með restina í póst í dag, hrikalegt rok í dag þannig að mig langaði bara beint heim

yndislegasti maðurinn ever fór svo í Nettó og keypti kjúkling fyrir okkur í kvöldmatinn, eldaði svo og gekk frá öllu, algjör dúlla... er að reyna að ná þreytunni úr mér hehehe

jæja... farin að horfa á smá Friends áður en Survivor byrjar

kv
krizzza

................................

2007-12-12T16:59:00.000Z

Þreytt.. þreytt..

var að vinna í 19 tíma á sunnudag og er ennþá þreytt... en í gær var jólasaumó :þ rosalega gaman auðvitað, á morgun er jólamatur í boði Fastus fyrir nokkra úr minni vinnu :o) og á föstudag er jólamatur í vinnunni!!

Pakkaleikur í gær í saumó, fékk jólasveina kökudisk frá Þórdísi frænku - takktakk - og á föstudag er pakkaleikur í vinnunni minni, pakkinn tilbúinn uppi á fiskabúri

Dagur Elís er í heimsókn :þ stal honum í leikskólanum

Farin að skrifa á nokkur jólakort í viðbót

kv
Krizzza

Jólasnór :o):o):o):o):o):o):o):o):o):o):o):o)

2007-12-06T16:23:00.000Z

jeijei það er geðveikur jólasnjór úti... er að vinna í uþb 38 mínútur í viðbót og svo verður spænt heim, Siggi ætlar að taka gormana heim í snjógöllum þannig að ég er að fara út á sleða um leið og ég kem heim :D geðveikt

elska snjó.... hann er það sem ég sakna næstmest frá Akureyri, sakna auðvitað fjölskyldunnar lang mest en snjórinn er í öðru sæti

kv
Kristín snjó-lover hehehe

Vinnnnnaaaaan

2007-12-04T21:36:00.000Z

Er að vinna... og ekki að nenna því... búin að vera ein frá kl 19 og lítið að gera en samt þarf ég að hanga hér :S
Er alveg að fara í að vera dugleg og sauma hehehe kom með saumana mína... og á eftir að setja utan um rúmið, sem systur mínar vita að ég HATA!!! eitt af því leiðinlegasta sem ég geri (fer í flokk með að skúra og þurrka af hehe).
Er aftur á vakt á sunnudag... svo kemur ný vika og ný helgi, þá eru 2 jólaböll og jólaklippingin mín, svo er ég bæði að vinna 22. og 23. des :S og svo koma jólin... og svo er ég á bakvakt á gamlárskvöld, fæ helling borgað fyrir það og þarf vonandi ekki að vinna mikið... vonivonivoni (reyni að hugsa bara stíft um launaseðilinn sem kemur eftir desember :þ )

Allir kommenta og gleðja mig á vaktinni

kv
Krizzza

Voðalega skrifa ég sjaldan... 2 helgar

2007-12-02T19:16:00.000Z

Jæja.... verð að fara að standa mig betur í þessu bloggi, facebook-ið tekur allt of langan tíma hehehe
En allavegana, smá uppgjör, byrja á síðustu helgi:
Föstudagur: vorum auðvitað að vinna eins og vanalega og drifum okkur svo af stað til Akureyrar... við fjögur og Helga Margrét með okkur (foreldrar hennar í Manchester). Ferðin gekk auðvitað glimrandi vel enda úrvalsbílstjóri undir stýri. Þorlákur reyndar sofnaði næstum því í göngunum en með því að kveikja ljós og syngja bullutexta við "Pósturinn Páll" þá vaknaði drengurinn fyrir kvöldmat í Hyrnunni í Borgarnesi. Lentum á Akureyri upp úr kl 23 og þá vöknuðu öll börnin 3 og sofnuðu svo aftur í ömmu rúmi (Helga reyndar á gólfinu á dýnu en afi greyið flúði bara niður á neðri hæð hehe).
Laugardagur: foreldrarnir fengu að sofa :þ börnin fengu hafragraut í morgunmat og svo mjólkurgraut í hádegismat (sem reyndar kallast grjónagrautur hjá börnunum að sunnlenskum sið). Við fjögur löbbuðum í Norró í snjógöllum, Siggi dró systkinin á snjóþotu nánast alla leið (ég sá um að draga þau niður Höfðahlíðina hehehe). Svo var hnoðað upp í laufabrauð og byrjað að fletja það út, ætluðum að skera út daginn eftir en svo gekk svo glymrandi vel að við skárum út í 3 eða 4 deig af 4 eða 5 sem búin voru til (ekki alveg með tölurnar á hreinu). Þorlákur var duglegur að hjálpa Láka frænda sínum, Láki var að fletja út og Þorlákur fékk svo að skera kökurnar út með kleinuhjóli... Ingibjörg var meira í að leika sér en fór svo líka aðeins í að bretta upp á laufabrauðið með pabba sínum. Um kvöldið var öllu liðinu hópað saman í Steinahlíðina hjá afa og ömmu og þar var hangikjöt í matinn og ís í eftirmat (allt liðið er Norðurgötulið og Siggi, Annette og dætur).
Sunnudagur: Kíktum aðeins við í Norró, fengum þar hádegismat og svo var haldið áleiðis til Húsavíkur. Byrjuðum í kaffi hjá Ástu Birnu, hún var auðvitað búin að baka handa okkur, frábæra súkkulaðiköku og marensköku með karamellusósu og rjóma.... jummí :o). Svo fórum við í heimsókn til Önnu Bjargar, Kidda og Davíðs Leó... vissum reyndar að Davíð Leó væri sofandi en við höfum aldrei séð íbúðina þeirra þannig að við ákváðum að kíkja. Fórum svo þaðan á Sjúkrahúsið að hitta Öddu ömmu Sigga, hún var bara nokkuð hress en er að mestu rúmliggjandi. Rakst á Óla gamla frá Skútustöðum, hann er líka á Sjúkrahúsinu á Húsavík... hef ekki hitt hann í mörg mörg ár. Svo var matur hjá Ástu og fjölskyldu um kvöldið, Anna Björg, Kiddi og Davíð Leó komu líka í mat og nú var Davíð Leó vakandi þannig að við náðum öll að knúsa hann. Ingibjörg var þvílíkt spennt að halda á honum en Þorláki leist ekkert á það en ég narraði hann til þess að lokum ;). Við vorum ekki með myndavél en Anna Björg myndaði þetta allt fyrir okkur og nú á ég bara eftir að hnupla myndum af síðunni hennar til að setja hér inn og barnanetið. Um kvöldið keyrðum við svo aftur til Akureyrar í töluverðri snjókomu en því betur var ekki mikil hálka af því að það var 11 stiga frost hehehe
Mánudagur: 10 stiga hiti og allur snjórinn farinn :þ fórum í mat til Lillu, pabbi hitti okkur þar og kvaddi okkur. Svo fórum við aðeins inn í bæ og svo í vinnuna til mömmu til að kveðja hana og svo bara spændum við heim. Borðuðum í Varmahlíð (fínt að geta keypt þægilegan mat fyrir krílin og pylsur fyrir okkur hehehe þau eru ekkert fyrir pylsur). Vorum komin heim rúmlega 19, komum við á Papinos og sóttum okkur pizzu. Helga gisti svo hjá okkur þar sem Þorgerður og Gilli lentu í 5 tíma seinkun frá Manchester úffff
Svo bara vikan eins og vanalega... vinna og vesen og tvær bakvaktir...

Svo helgin sem er að klárast:
Föstudagur... bakvakt, kom heim rétt fyrir kl 22 og fór bara beint að sofa :S
Laugardagur: Byrjaði í danstíma eins og vanalega, síðasti danstíminn fyrir jólafrí (og öfundum Hildi Ýr danskennara töluvert mikið af jólafríinu hennar hehehe). Svo fórum við í Garðheima og keyptum efni í aðventukrans (eða réttara sagt aðventuskreytingu... myndir koma síðar... eru enn í myndavélinni) og svo keyptum við eitt stykki málverk. Ég fór á sýningu hjá Hildi Soffíu sem er litla systir Brynju vinkonu, passaði hana oft með Brynju þegar hún var lítil. Ég sá hjá henni mynd sem mig langaði í og pantaði hana. Svo kom ég heim og fór að lýsa myndinni fyrir Sigga og sýndi honum heimasíðuna (sem er by the way www.viva.is ) og þá langaði Sigga í mynd eins og ég pantaði nema bara stærri gerð. Við fengum myndina lánaða á laugardag og nú er hún komin upp á vegg í stofunni (vegginn sem við máluðum um daginn!!!). Líka búin að hengja upp báðar myndirnar sem við fengum í brúðkaupsgjöf og aðra myndina sem við eigum eftir séra Örn... hin þarf að fara í viðgerð, búin að síga niður í rammanum... og svo fer sú mynd upp á vegg líka. Svo hengdum við upp hillu í hjónaherbergi (sem Siggi by the way málaði aleinn og sér meðan ég var að vinna á þriðjudag!!! Bar rúmið fram aleinn... dýna er heil 186x213!!! veit ekki hvernig hann fór að því....
Sunnudagur: fengum að sofa ótrúlega lengi, Þorlákur vaknaði ekki fyrr en rétt fyrir kl 9!!! Byrjuðum á sunnudagaskólanum... sem var öðruvísi en vanalega út af fyrsta sunnudegi í aðventu, bara stutt helgistund og svo jólaföndur. Rosa fjör... bjuggum til 2 stk hreindýr hehehe Svo var bara spænt heim, skelltum engjaþykkni í börnin á methraða og skelltum okkur svo á fyrsta jólaballið í ár, með hinum danskrökkunum. Rosalega gaman :o) Ingibjörg og Þorlákur voru alveg dáleidd þegar 2 pör sýndu dans... enda ótrúlega flott. Jólasveinninn var reyndar sá undarlegasti sem ég hef séð, í búningi úr RL búðinni sem var allur að detta utan af honum heheh en krílin mín voru hæstánægð með að hafa hitt Hurðaskelli og þá var markmiðinu náð!!!
Svo komum við heim og skreyttum pallinn úti, ég gerði svo kakó/súkkulaði (nánast ekkert suðusúkkulaði til hehehe) og svo erum komnar seríur í gluggana hjá börnunum og aðventuljós í stofugluggann!!!

Ótrúlega dugleg þessa dagana hehehe, ég verð að nýta helgarnar fram að jólum, næstu helgi er ég að vinna, svo eru 2 jólaböll helgina þar á eftir, svo er ég aftur að vinna helgina eftir það (22. og 23. des) og svo bara koma jólin hehehe sjittttt alltof stutt til jóla hehehe

Jæja.... farin að horfa á Friends á E4
kv
Kristín Facebookari í nýbreyttri íbúð :þ

Helgin....

2007-11-20T11:46:00.000Z

Jæja.... aðeins að stelast í vinnunni, er að bíða eftir að matsalurinn opni (kl 12) og er orðin skelfilega svöng heheh

Helgin, laugardagur: Byrjuðum auðvitað á danstíma, gekk vel :o) prófuðu nýjan dans og systkinin vildu dansa saman í paradansinum (Ingibjörg valdi sér annan herra í síðustu viku hehehe enda þá var Þorlákur í prakkaraskapi :þ þá var hún voða sæt með Heiðari Snæ tvíburavini sínum).
Svo var bara hundleiðinlegt veður þannig að við ákváðum að skella okkur í heimsóknir... ætluðum að ná að fara til Berglindar og Ingunnar fyrir jól þannig að við buðum okkur í kaffi til Berglindar og svo í kvöldmat til Ingunnar :þ ljómandi fínt. Kíktum aðeins á hestana hjá Berglindi en drifum okkur svo bara inn og fengum m.a. vöfflur sem vöktu mikla lukku hjá gormunum okkar. Svo léku þau sér eins og ljós í dótinu hennar Eydísar, voru búin að ræða Playmo-dótið hennar langa stund á leiðinni í Ey hehehe.
Svo er alveg eðall að koma við hjá Ingunni og Gísla á heimleiðinni, gott að stytta keyrsluna til baka aðeins. Fengum þar mexíkanskan mat og ís í eftirmat :o). Jóhanna Sigríður var reyndar ekki hress að sjá okkur til að byrja með hehehe var hálfhrædd við okkur en svo lék hún sér við tvíbbana, leyfði þeim alveg að skoða dótið sitt.
Svo sofnuðu þau bara á leiðinni heim... í hávaðaroki (fuku t.d. 2 hjólhýsi á Selfossi) en aksturinn hjá okkur gekk bara vel þrátt fyrir rokið.

Á sunnudag fór Siggi með þau í sunnudagaskólann, ég fór ein með þau síðustu 2 skiptin og fékk því frí hehehe Svo fórum við í Sorpu og svo að kaupa málningu og máluðum grænu veggina... voru bara full dökkgrænir fyrir okkar smekk hehehe komnir með ljósan lit í staðinn... náðum að mála 3 umferðir áður en við fórum að sofa :þ þvílíkt dugleg hehehe Tengdamamma kom svo í mat um kvöldið, lambalærasneiðar í raspi... smá flashback hjá okkur Sigga heheh

Í gær var bara vinna og svo matur hjá Möllu systur, konurnar í minni vinnu öfunda mig voða mikið af þessum systrum sem eru alltaf að bjóða okkur í mat!!!

Í dag er vinnan og svo saumó í kvöld hjá mér, Mývatnssveitarstelpurnar (og við systur og Fjóla) og vonandi verður mætingin betri til mín en undanfarin ár, síðast komu 3 og þar áður komu bara 2!!! Fer í fýlu ef það gerist í þriðja skiptið hehehe

Jæja... farin að vinna, búin í mat og blogga svo inn á milli :þ
kv
Kristín

Update

2007-11-16T20:03:00.000Z

Ingibjörg búin að vera lasin, var bara heima í 2 daga og svo bara eldhress og í leikskólann aftur.... og nánast beint í 3 og hálfs árs skoðun í leikskólanum... gekk bara glymrandi vel auðvitað enda tveir snillingar á ferð hehehe

Afmælið hennar múttu gekk ljómandi vel :o) Fínn matur og svo varð hún voða hissa þegar gestirnir fóru að streyma inn um kvöldið, hissa og glöð. Svo var víst óvænt partý þegar hún kom norður á miðvikudagskvöldið, ostapinnar, bleikt freyðivín og rauður dregill og allt hreint... á eftir að heyra hvernig það gekk.

Jæja... farin að vinna áfram, er að bíða eftir sýnum....
kv
Krizzza

fíkill í Muse.... sérstaklega Knights of Cydonia heheh

já... og eitt enn... fengum ekki fínu lóðina okkar í Vatnsendahlíðinni :( allir að lemja Heimi og frú sem fengu okkar lóð heheheh

Lasnað barn :þ

2007-11-13T14:01:00.001Z

Heima í dag með litla lasna mestumús, Ingibjörg búin að vera með hita síðan á sunnudagskvöld... bara 4 kommur í morgun en í gær fór hún að slappast um kl 3, vonum að hún verði hress í kvöld þar sem elskuleg móðir mín er sextug í dag :o) og fjölskyldan verður í mat hjá Þorgerði í kvöld, ætla að tala mýsluna með ef hún verður ekki hundslöpp.
Þorlákur í leikskólanum og Siggi í vinnunni, hann var heima í gær með Ingibjörgu.
Þorláki fannst ekki spennandi að fara í morgun, hann er algjör mömmustrákur og leist ekkert á að fara í leikskólann þegar í boði var að vera heima hjá mömmu hehehhe

Vonum að þetta gangi yfir sem fyrst.
kv
Krizzza

Helgaruppgjör...

2007-11-11T20:41:00.001Z

Helgin að verða búin.... góð helgi auðvitað :o)
Í gær var dans, svo bara heim og í rólegheit og svo stal ég pabba frá Möllu systur (hann var þar að passa en fór á flakk með mér á meðan Kristján Örn svaf... Ingibjörgu langaði ekki með og var heima :þ ). Hann langaði að kíkja á opnunarhátíð Hljóðfærahússins, ég vissi ekki einu sinni af því en skellti mér þangað með karlana þrjá.
Þetta er hrikalega flott búð, skoðuðum út um allt og það var mikið verið að prófa hljóðfæri og Einar Örn og Þorlákur voru alveg heillaðir... svo var ég aldeilis heppin, Bjarni töframaður steig upp á svið og fór að kynna fyrsta atriðið (vissi ekki að það væru skemmtiatriði!!!) og það var Mugison :o) ég var bara alveg í skýjunum með það hehehe og við hlustuðum á þá spila þrjú flott lög, laglega rokkuð heheh, vorum nálægt hátulurunum og pabbi greyið fékk bara illt í eyrun. Þorlákur var svo hræddur fyrst, sérstaklega þegar trommarinn var að testa trommurnar... svolítið mikill hávaði... og svo kom ljósmyndari og tók myndir af honum skíthræddum og spurði svo hvað hann héti, allir fylgjast með öllum blöðum næstu vikuna heheheh

Svo skilaði ég pabba og skellti mér heim með Þorlák, beint í pönnukökubakstur og Fjóla, Ingó, Esra og Róbert Elí komu í kaffi... búið að standa til síðan í ágúst :o) rosalega gaman að hitta þau og krakkarnir léku sér vel saman.
Um kvöldið var svo bara kakósúpa enda enginn svangur eftir pönnsurnar :þ

Í dag var svo sunnudagaskólinn í morgun en Siggi fór ekki með, var að hjálpa Svenna og Kristjönu að flytja í nýja húsið í Njarðvík (sem er til þess að IS og ÞS segjast búa í gömlu húsi hehehe).
Svo fór ég í bakarí og með það til Möllu þar sem mamma og pabbi voru. Svo fóru þau til Þorgerðar og komu svo til mín í kvöldmat... mamma kom frá Minneapolis í morgun og var orðin ansi þreytt.... enda búin að vaka nánast stöðugt í meira en sólarhring!!!

Tengdamamma á afmæli í dag, til lukku með daginn, og svo er stórafmælið hennar mömmu á þriðjudag, það verður aldeilis gaman....

Farin að horfa á Friends og svo kannski bara Guitar Hero í kvöld :þ
kv
Krizzza

HELGI!!!

2007-11-09T18:25:00.001Z

Komin helgi og ég ekki að vinna vúhú :þ

Pabbi kemur að norðan í fyrramálið og mamma frá Minneapolis á sunnudag :o) og verða fram á miðvikudag... bara gaman að því

Dans í fyrramálið og svo bara huggulegheit... vonandi

kv
Krizzza

Myndir.... afmælisdagur o.fl.

2007-11-04T21:49:00.000Z

Nokkrar myndir :o)

Með afmælisgjöfina frá fjölskyldunni minni :þ

Bleikur GSM sími

Afmæliskakan hehehe, búin að blása á kertin :þ

Kvöldmaturinn, hvítlaukslambalæri úr kistunni

Krílin mín að máta búningana sem ég keypti handa þeim í Glasgow
Ofurhetja og Öskubuska

Sætilíus nýklipptur af Sollu :o) fyrsta klippingin þeirra á stofu

Ingibjörg nýklippt, fékk snúða í hárið og var því með krullur um kvöldið

Farin að sofa eftir afmælishelgina... stefni á vinnuna á morgun :þ
kv
Krizzza

Afmælisdagurinn

2007-11-03T17:41:00.001Z

TakkTakk fyrir allar afmæliskveðjurnar, hringingar, SMS, kveðjur hér, mail og á Facebook :o)

Afmælisdagurinn byrjaði ekki sérlega vel... var svo mikið að drepast í bakinu að ég gat varla staðið upp úr rúminu :( Fékk fyrst kalt á bakið til að jafna mig aðeins og fór svo í sjóðandi heitt bað (og fékk mega svima hehehe) og þá var ég skárri. Fékk mér svo eina Voltaren Rapid og skellti mér með Sigga og börnunum í danstíma :o) sem gekk ljómandi vel. Fórum svo aðeins í Hagkaup til að kaupa límmiðabækur handa börnunum (þau fá límmiða í verðlaun í dansinum og líka heima ef þau standa sig vel í að borða!!!).
Svo bara heim og slappaði aðeins af. Keyrði svo mömmu og Stínu vinkonu hennar til Keflavíkur, þær eru farnar með fleiri starfsmönnum Giljaskóla til Minneapolis og verða þar fram á sunnudag.
Svo fór ég í Ný-ung sjoppuna í Keflavík og keypti NóaKropp fyrir krílin svo þau svæfu ekki á heimleiðinni líka hehehe
Svo bara í bakaríið til Ássýar frænku og svo heim að gera pönnukökur... og fékk líka bananaköku úr bakaríinu, restin af fjölskyldunni söng fyrir mig og ég blés á kerti og allt hehehe
Svo fór ég inn í rúm að hvíla mig og horfði á einn þátt af Grey´s :o)
Svo verðum við fjölsyldan saman í kvöld, lærið komið í ofninn, bara eftir að gera sósu og kartöflur og meðlæti... ákváðum að bjóða bara engum í mat þar sem heilsan er ekki upp á marga fiska
Stefni á vinnuna á mánudag
kv
Krizzza gamlari
11x eldri en börnin mín hehehe

Lasarus....

2007-11-02T20:52:00.001Z

Var heima í dag líka.... fór í göngutúr og fékk þvílíkt svimakast þegar ég kom heim :( og svo á leiðinni út í bíl í kvöld líka :(
Vona að þetta fari að lagast....

Ætla allavegana ekki að fá neitt svimakast á morgun, ætla að njóta dagsins þegar ég verð gömul hehehe

allavegana gamlari :þ

Veik......

2007-11-01T20:05:00.000Z

Búin að vera veik heima í 2 daga, með hrikalegan svima, smá hausverk og auðvitað ógleði (sem ég fæ reyndar nánast á hverjum degi :( ) ætla að reyna að fara í vinnuna á morgun.....

Saumaklúbbur hjá mér á þriðjudag, grunnskólapíurnar. Rosalega gaman eins og alltaf :o)

MyndirMyndirMyndir

2007-10-27T23:03:00.001Z

Nokkrar myndir....

Siggi sæti eiginmaðurinn minn á afmælisdaginn...
að fara að blása á kertin :þ

Fallegustu krílin í heiminum að hrúga í sig súkkulaðiköku

Nörrahjónin í Guitar Hero hehehe

Þóra beib orðin dáleidd með gítarinn hehehhe

Ein í restina af bestu systrunum ever og Þórdísi frænku...
tekin í sjötugsafmæli Láka frænda í ágúst

Glasgow og fleira :þ

2007-10-27T20:21:00.000Z

Átti alltaf eftir að skrifa um Glasgow... kom heim á sunnudag, sofnaði fyrir kl 9 á mánudagskvöld, saumó á þriðjudag, vakt á miðvikudag (og það er læstur aðgangur á blogspot-síður á LSH!! óþolandi) og svo komu Tinna, Gunnar og Siggi frændi í mat á fimmtudagskvöldið hehehe og svo bara þreytt í gær heheheh
Glasgow var ljómandi, ég og Ágústa vorum fínar saman í búðunum... skiptum okkur í hópa 2 og 2 saman og hittumst svo inn á milli, Sigrún og Hildur voru mest saman. Hittumst í hádegismat og kaffi og borðuðum svo kvöldmat saman, fyrra kvöldið á indverskum stað sem var frekar undarlegur... leit út eins og glataður Hawaii staður en var svo með ljómandi góðan mat og smeðjulegan þjón sem hefði gert allt fyrir okkur hehehe. Svo borðuðum við á ítölskum stað einu sinni í hádegi og svo á TGI Friday´s (var ekki mín hugmynd hehehe og matseðillinn var mun styttri en í Stokkhólmi og Kópavogi hehehe).
Á föstudeginum fórum við loftið kl 7:20 um morguninn, flugið bara 1:50 og svo bara beint í leigubíl og beint upp á hótel. Frekar mikið fyndið að sjá innfallnar tómar töskur á færibandinu á flugvellinum hehehe. Svo hittum við Sigrúnu og Hildi og fórum að borða og svo að versla :o). Á laugardeginum var verslað frá 10-18... var svo sárfætt á sunnudagsmorguninn þegar ég steig út úr rúminu að ég hefði ekki trúað því að þetta væri hægt heheh Sunnudagurinn fór bara í að koma sér í flug, morgunmatur á flugvellinum og síðustu búðirnar og vorum svo lent heima kl 12:30.

Nóg um Glasgow... takk fyrir ferðina stelpur og við drögum hinar tvær með í næstu ferð :þ

Nóg að gera alla vikuna... fékk að sofa í morgun :þ Starfsdagur í leikskólanum fimmtudag og föstudag... Siggi var heima á fimmtudag... og ég reyndar líka en ég var sofandi eftir næturvinnu. Svo þegar ég vaknaði um kl 13 þá skelltum við okkur í Kringluna og keyptum kuldaskó á krílin, buxur á Sigga og smá í Duka fyrir gjafakort :o)
Á föstudag var bara allt í rólegheitum hjá okkur þremur, Siggi að vinna... fórum út á róló eftir hádegi og löbbuðum í búðina... vorum svo heppin að við vorum rétt komin inn þegar skall á rok og haglél (eða boltasnjór eins og við köllum það hehehe) fengum okkur bara heitt kakó og þau fengu snúð en ég brauð með osti... fengum öll að dýfa í kakóið heheheh

Jæja... Hildur Valdís í mat (restin af familíunni á Akureyri) krílin að sofna og laugardagslögin í imbanum...

kv
Krizzza

Glasgow beibí

2007-10-18T21:38:00.000Z

Glasgow here I come.... fer í fyrramálið :o) Ágústa ætlar að mæta hér kl 4:45 til að sækja mig, taskan nánast tilbúin og ætlaði snemma að sofa en nú er Þóra beib í heimsókn og við auðvitað í Guitar Hero hehehe ekkert smá snilld... hún hefur aldrei prófað aftur og ég held bara að hún endi á að kaupa Playstation2 og Guitar Hero þegar hún kemur heim til Bahamas hehehe

Jæja.... farin að sinna gestinum og spila hehehe
Takk fyrir öll kommentin :þ
kv
Kristín

ps... VISA frændi verður sko tekinn með hehehe fær aðeins að svitna :D

Ofurnörrar.....

2007-10-15T22:02:00.000Z

Sit hér og blogga meðan Siggi minn er að spila Police lag í Guitar Hero 80´s hheeh gaf honum leikinn í afmælisgjöf um helgina... höfum ekkert spilað í marga marga mánuði, var búin að gleyma hvað þetta er gaman hehehe
En er þreytt í puttunum og höndunum núna, dottin úr æfingu....

Glasgow á föstudag, hlakka svo til

kv
Kristín

13. október

2007-10-13T16:21:00.000Z

Góður dagur í dag... Siggi minn 35 ára, tengdapabbi 59 ára og litli sæti Davíð Leó Lund fékk nafn á Húsavík í dag :o) til lukku þið þrír :þ

Fórum með krílíusana í dans í morgun, gekk rosalega vel. Þorlákur var með óþægð síðast og fékk því engin verðlaun og er búinn að tala um það alla vikuna að hann ætli að standa sig vel næst!!! sem hann og gerði og þau fengu bæði límmiða í verðlaun í dag og svo smá nammi heima eftir hvíldina :þ
Ég fór í Elkó og svo í Smáralindina og keypti 3 afmælisgjafir, Guitar Hero 80´s handa Sigga og svo gjafir handa Degi Elís og Hildi Valdísi, afmælisveislan þeirra er á morgun.
Eins og í fyrra þá eru Þorlákur og Ingibjörg orðin alveg ringluð á öllum þessum afmælum hehehe enda ekki skrítið.
Þegar ég kom heim fór ég svo í það að baka köku handa Sigga, krílin fengu að hjálpa mér. Fínasta súkkulaðikaka sem var skreytt með skrautsykri og nafninu hans Sigga hehehe
Í kvöld er svo von á gestum, Þorgerður, Gilli og börn og afi Einar með Einar Örn og Kristján Örn ætla að koma í mat... Malla og Össi eru í Þýskalandi og afi Beggi og amma Ingibjörg eru á Húsavík í skírnarveislu... þau koma bara seinna í mat.

Takk fyrir öll fallegu kommentin....
kv
Kristín

ps... Helga og Pési Nesbúar eru verulega grunuð um að vera Mannfreður Mannson... hafa ekki borið af sér sakirnar enn!!!

Tókst ekki...

2007-10-10T21:22:00.000Z

Jæja... þá kom að því, blóðprufAN mikla var í morgun og þá komumst við að því að þessi meðferð okkar tókst ekki. Við eigum eina lokatilraun eftir en niðurstöðu úr því er ekki að vænta fyrr en í mars/apríl... stefnum á að byrja meðferðina í jan/feb og tekur hún allavegana 8-10 vikur...

Auðvitað er erfitt að takast á við þetta en svona er þetta bara. Sigginn minn var svo yndislegur að sækja krílíusana fyrir mig á Dal og þegar þau komu heim þá knúsuðu þau mig þvílíkt mikið :o) börn eru svo næm á það hvernig manni líður.

Nú er bara næst á dagskrá að halda áfram afmælistörninni miklu sem byrjaði í gær með 4 ára afmæli Dags Elísar og svo er Malla litla systir orðin jafn gömul mér frá og með deginum í dag :o). Til lukku með afmælin :o). Næsti afmælisdagur er svo á laugardag, þá á Siggi minn afmæli og líka tengdapabbi og þann dag fær litli Lund (sem gerði Sigga minn að ömmubróður heheh) nafnið sitt. Svo á Hildur Valdís "litla" frænka 16 ára afmæli á mánudag... og svona heldur þetta áfram.

Friðarsúlan hennar Yoko Ono byrjaði að lýsa í gær á afmæli Dags Elísar og mun lýsa á hverju kvöldi þar til afmælisdagur afa Sigga rennur upp (8. des) þá er mesta afmælistörnin gengin yfir :þ

Eftir rúma viku fer ég svo til Glasgow með tvíburamömmunum... við förum reyndar bara 4, ein gat ekki komið með okkur og svo veiktist Guðrún Óla og kemst ekki heldur :( hugsum til hennar. 2 fara út 18. okt og ég og Ágústa förum svo saman 19. okt og svo komum við allar heim aftur 21. okt... ég hlakka þvílíkt til að slappa aðeins af í búðunum heheheh og svo auðvitað að fara út að borða og sofa út :þ

Takk fyrir allar góðar hugsanir undanfarna daga, fann alveg fyrir því þó ég hafi ekki viljað að allir vissu allar dagsetningar, það fylgir því smá óþarfa pressa.
Heyrumst
kv
Krizzza

ps... leitin að Mannfreði er alls ekki hætt... nú er Helga Sigurborg grunuðust
pss... er komin á Facebook :þ

Stóra spurningin.....

2007-10-06T11:18:00.000Z

..... hver er Mannfreður Mannsson???

Tillögur óskast í comment.... sem flest heheh

kv
Krizzza

Karma.....

2007-10-04T21:14:00.000Z

Hætt að vera dóni heheheeh í bili

Undarlegt í gærkvöldi, heyrðum allt í einu brothljóð, þvílíkan hávaða. Hlupum inn til barnanna og allt ok þar, inn í eldhús, fundum ekkert. Kíktum út og út á pall og bara sáum ekkert.... fyrr en ég opnaði eldhússkáp og fann þar eitt stykki glas í tætlum, botninn ekki einu sinni heill!!! Hafði greinilega verið neðra glas af því að eitt glas lá á hliðinni... krafturinn var svo mikill að það voru glerbrot ofan í hinum glösunum í skápnum!!!
Siggi minn hreinsaði þetta allt og skolaði öll glösin og alla diskana úr þessari hillu.... skiljum ekkert í þessu.

Kannski slæmt karma eftir að gera grín að barnanöfnum??? hehehhe

kv
kr.e.

Karkur...... áfram

2007-10-02T17:19:00.000Z

Fór aðeins í það að gúggla þessi undarlegu nöfn....

Karkur er leyfilegt íslenskt karlmannsnafn, karkur um kark frá karki til karks.
Karkur er líka flugvöllur í Ísrael
Karkur er nafn á þræl í Ólafs sögu Tryggvasonar (og ég hélt að þetta væri nýmóðins nafn)
Karkur Talh er dalur í Líbíu-eyðimörkinni

Irpa er skammstöfun fyrir International Radiation Protection Association (www.irpa.net)
Irpa er líka skammstöfun fyrir Institut Royal de Patrimoine Artistique (belgísk stofnun um verndun á lista-arfleifðinni)
Irpa er líka skammstöfun fyrir Institut Régional du Patrimoine (sem ég skil ekki af því að ég kann ekki frönsku)
Irpa stendur fyrir lög í Kanada sem heita Immigration and Refugee Protection Act
Irpa er skammstöfun fyrir Islamische Religionspaedagogische Akademie í Austurríki
Irpa er nafn á fyrirtæki í Ítalíu sem selur feldi og skinn
Á bloggsíðu fann ég fínar myndir af foldaldi sem heitir Irpa

ÍMA er skammstöfun fyrir íþróttafélag MA
Íma og Jón frá Berunesi er saga úr Þjóðsögum Jóns Árnasonar
Íma Jonsdottir er fiðlukennari... með heimasíðu á ensku
Íma frá Dunhaga er hestur fæddur 1940
Skil ekki spænsku en til er eitthvað sem heitir Íma de Geladeira

Siggi segir að ég sé dóni að skrifa svona ljótt um þessi fínu barnanöfn..... vona að enginn verði sár...
kv
Kristín

Undarleg nöfn.....

2007-10-01T16:40:00.000Z

eru greinilega í tísku í dag......

Fann stórundarleg nöfn á börnum framan á Fréttablaðinu í morgun....
Aumingja litlu börnin heita Irpa, Karkur, Hekla, Viktor og Íma.... hvað er í gangi????

Hef bara aldrei heyrt annað eins, Hekla og Viktor skera sig reyndar út úr með því að vera eðlileg nöfn en hin þrjú hef ég bara aldrei heyrt, vona að blaðamaðurinn hafi heyrt nöfnin eitthvað skakkt... það er alltaf smá sjens á því :o) vona það barnanna vegna hehhee

kv
Kristín (alþjóðlegt og gamaldags íslenskt nafn!!!)

blabla

2007-09-28T18:25:00.000Z

blelbelelel

Komin með "nýja" tölvu... fartölvan sem Siggi fékk úr vinnunni bara dó endanlega á þriðjudag, ömurlegt að vera netlaus... og svo hef ég bara ekkert að segja hehehe

Nema eitt... krílin mín eru orðin svo fullorðin. Í gær kom Ingibjörg með poka heim úr leikskólanum, hafði verið að búa til kókoskúlur :o) sem voru bara þrælgóðar. Þorlákur kom svo með poka heim í dag :o) litlu snillingarnir mínir :þ

Takk fyrir öll kommentin
kv
Krizzza

Rólegheit.............

2007-09-24T20:27:00.000Z

Lítið að frétta... vinna í dag og vinna á morgun...

Fór í saumó í gær, Glerárskólapíurnar :o) ljómandi fínt og tvö 6 vikna kríli mætt (2 dagar á milli þeirra) og ekkert smá gaman að sjá þau. Var samt ekkert að kássast í þeim af því að ég er með fokking hálsbólgu :S Þau heita Andri Már og Heiður og eru bæði algjörlega yndislega dásamlega falleg :o)

Næsti Glerárskólaklúbbur verður hjá mér eftir ca mánuð en annað kvöld er aftur saumó hjá Írisi Dögg Mývetningi :o) ljómandi... svo ætla tvíburamömmurnar að hittast 3. október :þ

Ég er sem sagt í þremur "saumaklúbbum" og það er bara alveg ljómandi hreint fínt hehehe

Jæja... ætla að horfa aðeins á "Star Trek II The Wrath of Khan" með Sigga og svo á bara að fara snemma að sofa
kv
Krizzza

2007-09-23T09:31:00.001Z

Nú er ég að telja niður.... Siggi fékk að sofa lengur í morgun og kl 10 má ég vekja hann og fara sjálf inn að kúra :þ og það er enn hálftími eftir hehehe

Krílin þrjú eru hér að horfa á Öskubusku... eitt af því sem fannst á flakkaranum :o) upprunalega Disney útgáfan. Þau horfðu á þetta hér í gær, ég hélt reyndar að Dagur Elís myndi ekki vilja horfa á þetta en eftir að myndin var búin fóru þau öll í Öskubuskuleik... prinsessurnar voru á leiðinni á dansleik.
Svo í morgun eftir morgunmatinn þá máttu þau horfa á barnaefni en þau völdu öll að horfa frekar aftur á Öskubusku en að horfa á Herkúles á RÚV hehehe

25 mínútur eftir :þ

kv
Krizzza þreytta

Ja men det er jo lördag.....

2007-09-22T20:30:00.000Z

eða eitthvað svoleiðis... hehe ekki svo sleip í dönsku :þ

En sem sagt laugardagur og loksins tókst okkur að muna eftir danstímanum kl 10 í morgun... klikkuðum síðustu tvo laugardaga :S en í morgun vorum við Siggi bæði með reminder í símunum okkar og svo sendi Hildur Ýr danskennari okkur líka SMS í morgun til að minna okkur á þetta hehehe Hún er sem sagt ein af tvíburamömmunum 6 sem ég hitti reglulega... við vorum þarna með 10 af 12 tvíburum, foreldrar einna tvíburanna eru í New York þessa helgina :o)

Þetta gekk allt vel, þau þorðu aðeins að taka þátt og eru búin að tala mikið um þetta í dag.
Svo voru bara rólegheit restina af deginum, sótti Victoria´s Secret dótaríið sem ég pantaði með Möllu systur um daginn (tengdaforeldrar hennar voru í USA og komu með þetta heim... enginn tollur heheh) og svo kom Dagur Elís til okkar í pössun. Átti að vera hér til kl 21 en við buðum honum að gista og nú eru þau öll 3 í Ingibjargar herbergi að reyna að sofna... eða sem sagt að reyna að sofna ekki, enda sennilega öll í sínu hvoru herberginu en við ætlum að prófa hehehe

Þau fengu McDonald´s í kvöldmatinn og við Siggi fengum KFC... og nú á að fara að horfa á nýjustu Harry Potter myndina á flotta nýja flakkaranum :o)

Lovely.....
Farin að reyna að tjónka við börnin hehehe
kv
kr.e.

Góða nótt

2007-09-22T00:02:00.000Z

Á að vera sofnuð..... en finnst bara svo vont að sofna ein :þ Siggi er í vinnupartýi....

Er samt alveg að sofna í stofunni :o)

Fríhelgi framundan.... ætlum að skella okkur með krílin á dansnámskeið í fyrramálið... gleymdum því síðustu tvo laugardaga en erum núna bæði með reminder í símunum okkar þannig að þetta á EKKI að gleymast í þetta skiptið.
Svo er spurning um að kaupa 3 nýja fiska... það eru samtals 4 farnir í klóið og bara 1 kominn í staðinn, á eftir að kaupa nýja Ariel fyrir Ingibjörgu :þ

Svo bara rólegheit og huggulegheit og svo kaffi hjá Guðnýju á sunnudag, vill svo heppilega til að það er á saman tíma og ManUtd/Chelsea leikur og Guðný er með enska boltann :o) sérvalið hjá henni svo Siggi nái leiknum :o) bara snilld.

Jæja... farin að sofa
kv
kr.e.

2007-09-20T20:52:00.000Z

hmmmm... ekkert blogg í gær og engar hugmyndir í dag.....

Kom heim í kvöld og sá þá mann uppi á þaki, var að tengja okkur við diskinn sem elskulegir nágrannar okkar eiga :o) hann er búinn að draga víra í réttar áttir og nú eigum við bara eftir að fá einhverja græju og þá erum við komin með Sky og að mér skilst um 160 stöðvar vúhú....
Svo keypti Siggi flakkara sem hægt er að tengja beint við sjónvarpið jeijei og svo sótti hann fulltfullt af myndum í vinnuna og Gray´s Anatomy þætti, reyndar seríu 3 en hann ætlar að redda seríum 1 og 2 fyrir mig líka :o)

Sem sagt.... get legið fyrir framan sjónvarpið næstu vikurnar hehehhe

verð hugmyndaríkari í næsta bloggi.... vonandi
kv
krizzza

úfffffff

2007-09-18T21:33:00.000Z

Þorlákur þreytti..... hann vill alls ekki sofa í leikskólanum, finnst hann bara of stór fyrir svoleiðis hehehe en það þýðir að eftir kl 18 er hann bara allur ómögulegur og öfga þreyttur. Þau voru búin að borða kl 19 í kvöld... hann grét og grét fyrst og vildi ekki byrja að borða en svo gekk það vel... af því að hann fékk að hringja í Láka frænda, vildi reyndar fara út í bíl og í heimsókn til Láka frænda en það er víst ekki í boði í kvöld hehe aðeins of langt.
Svo hringdum við í Láka og Þorlákur varð voða glaður að heyra í nafna sínum :o) Ingibjörg vildi ekkert tala í símann.
Svo blaðraði ég aðeins við Láka (fyrst reyndar við Lillu) og varð svo að hætta þegar gráturinn byrjaði aftur hjá herra Þorláki... stóð yfir meðan ég kom honum í bælið úffff en hann sofnaði líka nánast samstundis.
Ingibjörg var aðeins lengur að sofna en samt sofnuð rúmlega kl 8 :o) ekkert smá frábærlega stillt börn... þegar þeim hentar hehehhe

Jæja... er að horfa á SuperStorm... Siggi í Njarðvík að hjálpa Svenna og Kristjönu við húsið....
Þorlákur sagði í kvöld að við þyrftum að fá bankara til að banka á nagla ef við ætlum að búa til hús handa okkur hehehe kannskikannski....

Farin í imbann, takk fyrir kommentin... þá nenni ég að blogga heheh
kv
Kristín

Frí í dag :o)

2007-09-17T22:35:00.000Z

.... af því að ég var að vinna í gær og í nótt.... mætti reyndar kl 12 á hádegi, vann alveg slatta til kl 18 og svo bara gerðist ekkert fyrr en um kl 7:40 næsta morgun :o) ljómandi.
Þannig að ég gat sofið í friði (sofnaði um kl 1 og rumskaði 1x af því að mér fannst einhver vera að banka á gluggann... en steinsofnaði aftur þegar ég ákvað að mig hafi verið að dreyma hehe) og gat því notað daginn í dag í eitthvað annað en að sofa :o)

Í morgun voru fyrst rólegheit, smá þvottur og tiltekt og svo afslöppun fyrir framan imbann.
Svo hitti ég Möllu systur á American Style í hádeginu ;o) hún var í Hlöðunni að læra... dugleg :o) og svo fór ég í Kringluna og notaði rúmlega helminginn af gjafabréfunum sem við fengum í brúðkaupsgjöf í Duka :o) bara gaman að því.
Svo keypti ég efni í ostakörfu til að gefa konunum á bláu lind á Dal í kveðjugjöf frá Þorláki og Ingibjörgu... þau fluttu yfir á gulu í morgun (og við Siggi vorum auðvitað bæði á staðnum... fengu fylgd frá leikskólastjóranum á milli og líka frá Elsu af bláu yfir á gulu... svo frábær leikskóli).
Svo setti ég rúmlega 200 myndir inn á heimasíðu krílanna og sótti þau svo og fór til Þorgerðar.... Dagur Elís bauð mér í heimsókn "með börnin mín" hehehe honum finnst þau svo mikil smábörn, enda heilum 7 mánuðum yngri en hann hehehe

Svo bara kvöldmatur með þreyttu krílin sem sofnuðu frekar fljótt og meiri þvottur og meira sjónvarp og auðvitað smá krús á netinu :þ

Er að horfa á CSI:NY og svo nýjan þátt á RÚV á eftir... trúnaðarmannanámskeið í fyrramálið og svo bara vinna og heim og..... life goes on :þ

Takk fyrir öll commentin
kv
Kristín

...við eigum svo undurvel saman við tvö...

2007-09-16T23:47:00.000Z

Er að vinna og hugsa um Siggann minn og krílíusana mína :o)
Rosalega er ég rík :):)

Fer að sofa eftir smá stund... ef tækin fara að hlýða mér heheh

heheheh

2007-09-15T22:37:00.000Z

Þakka hlýðnum lesendum síðunnar fyrir commentin :o)

ennþá þreytt... en ekki eins þreytt :o)
vann í 22 tíma á fimmtudag og það verða ca 20 tímar á morgun en svo á ég enga vakt eftir það í 1 eða 2 vikur (vona að þær séu tvær hehe).... verð alveg ROSALEGA rík þegar ég fæ næst útborgað... reyni að hugsa bara um það á morgun.

Mamma og pabbi eru hér fyrir sunnan, komu í gær og fara á morgun.
Þau eru í brúðkaupsveislu Helgu Fjólu frænku minnar og Egils eiginmanns hennar í kvöld, hlakka til að heyra allt um það og óska þeim til hamingju með daginn :o)

Fór með ma og pa í Smáralindina í dag og keypti mér skó... svört flott leðurstígvél sem passa!!! Ekki að spauga með það... þau eru nr. 36 en pínkulítil númer þannig að þau smellpassa :o) verða gegt flott í vetur við buxur eða pils... svo keypti ég nýjan traktor með kerru handa Þorláki (sá sem við keyptum í Stokkhólmi allur að brotna í sundur) og svo fékk Ingibjörg prinsessu númer 5 (á fyrir Öskubusku, Karlottu, Viktoríu, litlu prinsessuna og þessi átti að heita Edda en Hildur Valdís lét hana skipta um skoðun og nú heitir prinsessa nr. 5 auðvitað Hildur hehe).
Svo kom allt liðið í kaffi hingað (þ.e. Malla og co, Þorg og co og auðvitað ma og pa) og það var auðvitað rosa fjör :o)... nóg til af kaffi hér ;þ

Jæja.... ætti að drattast í háttinn, fyrir vinnutörnina :S
kv
Kristín þreytta hehehe

Þreeeeeeyyyyyyyyyyyttttt

2007-09-11T22:18:00.000Z

Hvað er hægt að vera endalaust þreyttur..... vinna í gær 9-17, afmæli 17:30-20 og svo saumó 20:30-23 og ég bara var of upptjúnuð eftir allt að ég sofnaði ekki fyrr en um kl 1 og svo var ég að vinna 10-21:30 í dag.....

Bara allt of gaman að hitta Írisi, Jónas og Tona og svo að hitta tvíburamömmurnar... gat ekki sleppt því þó ég væri þreytt hehehe

Sef bara seinna... ekki satt :þ

Takk fyrir öll kommentin.... vona að það verði önnur keiluferð í saumó fljótlega :o)

kv
Kristín
sem ætlar að leggja sig eftir vinnu á morgun :þ

Stóru börnin

2007-09-11T00:00:00.000Z

Þau fara í fyrstu heimsóknina yfir á gulu lind á morgun... sem er deild fyrir "miðaldurinn" á Dal :o)
Græna og bláa lind eru fyrir minnstu börnin, svo fara þau á gulu lind og svo er rauða lind fyrir þau sem eru alveg að fara í skóla :o)

Við erum voða spennt... þau byrja í aðlögun innan skólans á morgun og flytja svo alveg yfir með okkur og fylgd frá gömlu deildinni á mánudag :o)

Spennó

kv
Kristín.... að fara að sofa :o)

ps... eigum núna 11 fiska.... tveir af fjórum minnstu fiskunum fundust dánir í dag, búið að narta smá í þá greyin... komnir út í sjó :S